މިއަހަރުގެ މިހާތަނަށް ރާއްޖެއަށް 1.2 މިލިއަނަށްވުރެ ގިނަ ފަތުރުވެރިން ރާއްޖެއަށް ޒިޔާރަތްކޮށްފިއެވެ.
މިނިސްޓްރީ އޮފް ޓުއަރިޒަމް ގެ ތަފާސް ހިސާބު ތައް ދައްކާގޮތުން ޓުއަރިޒަމް މިނިސްޓްރީން އާންމުކޮށްފައިވާ ތަފާސް ހިސާބުތަކަށް ބަލާއިރު މިމަހުގެ 11 ވީ ހޮނިހިރު ދުވަހުގެ ނިޔަލަށް ވަނީ 1,212,528 ފަތުރުވެރިން ރާއްޖެ އައިސްފައެވެ. މިއީ 2020 ވަނަ އަހަރުގެ މި މުއްދަތުގައި ރާއްޖެއަށް އައިސްފައިވާ ފަތުރުވެރިންގެ އަދަދާއި އަޅާބަލާއިރު 151 އިންސައްތަ އިތުރު އަދަދެކެވެ. އެހެންނަމަވެސް 2019 ވަނަ އަހަރުގެ މި މުއްދަތުގައި ރާއްޖެއަށް އައިސްފައިވާ 1.58 މިލިއަން ފަތުރުވެރިންނާއި އަޅާބަލާއިރު 23.5 އިންސައްތަ ދަށް އަދަދެކެވެ.
ޖުލައި މަހުން ފެށިގެން މިހާތަނަށް ލައްކައަކަށްވުރެ ގިނަ ފަތުރުވެރިން ކޮންމެ މަހަކުވެސް ވަނީ ރާއްޖެ އައިސްފައިއެވެ. އެގޮތުން މިއަހަރުގެ މިހާތަނަށް އެންމެ ގިނަ ފަތުރުވެރިން ރާއްޖެއަށް އައި ކަމަށް ތަފާސް ހިސާބުތައް ދައްކަނީ ނޮވެމްބަރުމަހުއެވެ. އެއީ 144،725 ފަތުރުވެރިންނެވެ.
