ކްލަބް ޕްރިމިއަރ މެމްބަރުންނަށް އުރީދޫ މޯލްޑިވްސް އިން ހާއްސަ އޮފަރތަކެއް ދޭން ފަށައިފިއެވެ.
އަހަރު ނިމުމާ ދިމާކޮށް ދޭން ނިންމާފައިވާ މި ހާއްސަ އޮފަރތަކުގައި އުރީދޫ ފޯނު ބިލު، ކޮފީ ބިލު އަދި ކެއުމުގެ ބިލު މީގެ އިތުރުން ފިހާރަތަކުން ތަކެތި ގަތުމަށް ފަހު އެމް ފައިސާ މެދުވެރިކޮށް ބިލު ދައްކާނަމަ އެ ކަސްޓަމަރަކަށް ފަސް ޕަސެންޓާ ހަމައަށް ފައިސާ އަނބުރާ ލިބޭނެއެވެ. ނަމަވެސް މި އޮފާތައް ލިބޭގޮތަށް ހަމަޖައްސާފައިވަނީ ކުރިންވެސް ކްލަބް ޕްރިމިއާގެ ކަސްޓަމަރުންނަށް ލިބޭ ޑިސްކައުންޓުތަކާ ވެސް އެއްކޮށެވެ.
މި ޕްރޮމޯޝަން ކުރިއަށް ގެންދިއުމަށް ނިންމާފައިވަނީ 2022 ވަނަ އަހަރުގެ މެއި މަހުގެ ނިޔަލަށެވެ. ކަސްޓަމަރުންނަށް ޝުކުރު އަދާ ކުރުމުގެ ގޮތުން ދޭ ހާއްސަ ހިދުމަތެއްގެ ގޮތުގައި "އުރީދޫ ކްލަބް ޕްރިމިއާ" ފާހަގަކުރެވޭ އިރު އުރީދޫގެ އެހެން ކަސްޓަމަރުންނަށް ނުލިބޭ ގިނަ ހިދުމަތްތަކެއް މި ކްލަބްގެ މެމްބަރުންނަށް ލިބެއެވެ.
ކްލަބް ޕްރިމިއަރގައި ހިމެނެނީ ސިލްވާ، ގޯލްޑް އަދި ޕްލެޓިނަމް ކްލަބެވެ.
