މިއަދުގެ ރީތި ތާރީޚު، 24-12-24 ގައި 52 ކައިވެނި ކުރަން ހަމަޖެހިއްޖެ އެވެ. ފެމިލީ ކޯޓުން ބުނީ މިއަދުގެ ރަސްމީ ގަޑީގައި 16 ކައިވެނި އަދި ނުރަސްމީ ގަޑީގައި 36 ކައިވެނި ކޮށްދިނުމަށް ހަމަޖެހިފައިވާ ކަމަށެވެ. މާލޭގައި މާދަމާވެސް އަދި އަންނަ ބުދަ ދުވަހުވެސް ގިނަ ކައިވެނިތަކެއް ކުރުމަށް ހަމަޖެހިފައިވެ އެވެ. ފެމިލީ ކޯޓުން މިދިޔަ ނޮވެމްބަރު މަހުގެ ތެރޭގައި 192 ކައިވެނިކޮށްދީފައިވާއިރު ވަރިކޮށްގެން މިދިޔަ ނޮވެމްބަރު މަހު 95 ވަރި ރަޖިސްޓަރީކޮށްފައިވެ އެވެ.

ޓޫރިޒަމް މިނިސްޓްރީގެ ސްޓޭޓް މިނިސްޓަރު މުހައްމަދު ނިހާދު ސަސްޕެންޑްކޮށްފި އެވެ. އައްޑޫ ފޭދޫ ދާއިރާގެ ކުރީގެ މެންބަރު ނިހާދު ސަސްޕެންޑް ކުރީ ވެރިކަން ކުރާ ޕީއެންސީ އިން ރޭ ބޭއްވި ޖަގަހަ ޖަލްސާގައި ދެއްކެވި ވާހަކަތަކަކާ ގުޅިގެންނެވެ. މިޖަލްސާގައި ނިހާދު ވަނީ ރާއްޖެ އަށް ދެ މިލިއަން ވަނަ ފަތުރުވެރިޔާ އައުމަށް ތައްޔާރުވަމުންދާއިރު އިދިކޮޅު އެމްޑީޕީ އިން ޓެރަރިސްޓް ހަމަލާއެއް ދޭން އުޅޭ ކަމަށް ދޭހަވާ ގޮތަކަށް ވާހަކަދައްކަވާފަ އެވެ. ނިހާދުގެ ވާހަކަތައް ކުށްވެރިކޮށް އިދިކޮޅު އެމްޑީޕީ…