ކޮވިޑް 19 އަށް ފަރުވާދެމުންދިޔަ އަންހެނަކު ނިޔާވެއްޖެއެވެ.
ހެލްތް ޕްރޮޓެކްޝަން އެޖެންސީން ބުނީ މިއަދު ނިޔާވެފައިވަނީ ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ މީހެއް ކަމަށެވެ. މިމީހާއަކީ އުމުރުން 72 އަހަރުގެ އަންހެނެކެވެ. މިއާއެކު ރާއްޖެއިން މިބަލީގައި ނިޔާވި މީހުންގެ އަދަދު ވަނީ 234 އަށް އަރާފައެވެ.
ކޮވިޑަށް ފަރުވާދެމުން ދަނިކޮށް އިއްޔެވެސް ވަނީ މީހަކު ނިޔާވެފައެވެ. އިއްޔެ ނިޔާވީ އައްޑޫ ކޮވިޑް ފެސިލިޓީގައި ފަރުވާދެމުންދިޔަ އުމުރުން 97 އަހަރުގެ މީހެކެވެ. އެޗްޕީއޭގެ ތަފާސް ހިސާބަށް ބަލާއިރު ހޮސްޕިޓަލްތަކުގައި އެޑްމިޓްކޮށްގެން މިވަގުތު ފަރުވާ ދެމުން އަންނަނީ 15 މީހަކަށެވެ.
+1
+1
+1
+1
+1
+1
