ރާއްޖެއިން އިންޑިއާއަށް ދިއުމަށް ހޯދަންޖެހޭ ވިސާ ހޯދުމަށް މިހާރު ދިވެހިންނަށް ދިމާވާ ދަތިތަކަށް އަވަސް ހައްލެއް ލިބިގެންދާނެ ކަމަށް ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެއެވެ.
މިނިސްޓަރ ޝާހިދު ކުރެއްވި ޓުވީޓެއްގައި ވިދާޅުވީ، ބޭސްފަރުވާއަށް އިންޑިއާއަށްދާ ދިވެހިންނަށް ވިސާ ލިބުމަށް ދަތިތަކެއް ހުރިކަން ސަމާލު ކަމަށް އައިސްފައިވާ ކަމަށެވެ. ނަމަވެސް ޝާހިދު ވިދާޅުވީ މިގޮތަށް ވިސާ ލިބުމުގައި ދަތިކަން ދިމާވާން ފެށީ އިންޑިއާގެ ބޯޑަރު ބަންދު ކުރި ފަހުން ކަމަށެވެ. ޝާހިދު ވިދާޅުވީ، ދިވެހިންނަށް އިންޑިއާ ވިސާ ލިބޭނެ ފަސޭހަ އިންތިޒާމްތަކެއް ހަމަޖެއްސުމަށް އިންޑިއާ ސަރުކާރާއެކު މަޝްވަރާތައް ކުރިއަށްދާކަމަށާއި މިކަމުގައި އަވަސް ހައްލެއް ލިބޭނެކަމުގެ ޔަޤީންކަން އެބައޮތްކަމަށެވެ.
އިންޑިއާއަށް ބޭސްފަރުވާއަށް ދާ ދިވެހިންނަށް ވިސާ ހޯދުމަށްޓަކައި އިންޑިއާ ހައިކޮމިޝަން ކައިރީ ކިޔޫ ހަދައިގެން ތިބެންޖެހޭކަމީ ގިނަ ބަޔަކު މިހާރުވެސް ކަންބޮޑުވުން ފާޅުކުރަމުންދާ ހައްލު ބޭނުންވާ މައްސަލައެކެވެ.
