ސެކެރެޓަރީ ޖެނެރަލް އޮފް ސައުތު އޭޝިއަން އެސޯސިއޭޝަން ފޯރ ރީޖަނަލް ކޯޕަރޭޝަން (ސާރކްގެ) ސެކެރެޓަރީ ޖެނެރަލް އިސާލަ ރުވާން ވީރަކޫން ރާއްޖެ ވަޑައިގެންފިއެވެ.
ސާކްގެ ސެކެރެޓަރީ ޖެނެރަލް ރާއްޖެއަށް މިކުރައްވާ ދަތުރުފުޅު ނިންމަވާލެއްވުމަށްފަހު އެނބުރި ވަޑައިގަންނަވާނީ އަންނަ ބުދަ ދުވަހުއެވެ. ފޮރިން މިނިސްޓްރީން ބުނީ، ސާރކްގެ ސެކެރެޓަރީ ޖެނެރަލްގެ މި ދަތުރުފުޅުގައި ރައީސުލްޖުމުހޫރިއްޔާ އިބްރާހިމް މުހައްމަދު ސާލިހު، ފޮރިން ސެކެރެޓަރީ އަބްދުލް ގަފޫރު މުހައްމަދު އަދި އެމްބެސެޑަރ އެޓް ލާރޖް އަހުމަދު ސަލީމް އާއި ވެސް ބައްދަލު ކުރެއްވުމަށް ވަނީ ހަމަޖެހިފައި ކަމަށެވެ.
މީގެ އިތުރުންވެސް ކުރީގެ ރައީސް މައުމޫނާއި ސިވިލް ސާރވިސް ކޮމިޝަންގެ ރައީސް މުހައްމަދު ނާސިހާއި ވެސް މިދަތުރުފުޅުގައި ސާރކްގެ ސެކެރެޓަރީ ޖެނެރަލް ބައްދަލު ކުރައްވާނެ ކަމަށް ފޮރިން މިނިސްޓްރީން ހާމަކުރެއެވެ.
މިދަތުރުފުޅުގައި އިސާލަ ރުވާން އާ އެކު ޑައިރެކްޓަރ ސޯޝަލް އެފެއަރޒް ޑިވިޝަން އެޓް ސާޜކް ސެކެރެޓޭރިއަޓް އިސްމާއިލް މަމްދޫޙުވެސް ބައިވެރިވެވަޑައިގަންނަވައެވެ.
