4500 ރުފިޔާ އަކީ އެންމެ ކުޑަ މުސާރަ ކަމަށް ސަރުކާރުން ކަނޑައަޅައިފިއެވެ.
އެގޮތުން މިއަދު އިއުލާންކޮށްފައިވަނީ ދިވެހި މުވައްޒަފުންނަށް ދޭނެ އެންމެ ކުޑަ މުސާރަ ކަނޑައަޅަން މިނިމަމް ވޭޖު ބޯޑުން ލަފާދިން މިންވަރަށްވުރެ ކުޑަ އަދަދެކެވެ. އަމިއްލަ ފަރުދުންގެ ކުދި ފަންތީގެ ވިޔަފާރިތަކަށް މިނިމަމް ވޭޖު ގޮތުގައި ކަނޑައަޅާފައި ވަނީ މަހަކު 4،500 ރުފިޔާއެވެ. މިއީ ބޯޑުން ލަފާދިން ވަރަށް ވުރެ 500 ކުޑަ އަދަދެކެވެ.
އަދި މެދު ފަންތީގެ ވިޔަފާރިތަކުގައި މަސައްކަތްކުރާ ކޮންމެ މުވައްޒަފަކަށް މަހަކު 7000ރުފިޔާ، މީގެ އިތުރުން ބޮޑެތި ވިޔަފާރިތަކުގައި އުޅޭ މުވައްޒަގުންނަށް މަހަކު 8000ރުފިޔާ ދޭން ވަނީ ކަނޑައަޅާފައެވެ. ސިވިލް ސާރވިސް މުވައްޒަފުންގެ އެންމެ ކުޑަ އުޖޫރައިގެ ގޮތުގައި ކަނޑައަޅާފައިވަނީ މަހަކު 7000 ރުފިޔާއެވެެ.
އެންމެ ކުޑަ އުޖޫރައިގެ ގޮތުގައި މިނިމަމް ވޭޖް ކޮމިޓީން ލަފާ ދީފައިވަނީ 6500 ރ އާއި 8000 ރުފިޔާ އާއި ދެމެދުގެ މުސާރައެކެވެ.
