ރައްޔިތުންގެ މެދުގައި އިންސާފާއި ހަމަހަމަކަން ގާއިމްކުރުމަށް މަސައްކަތް ކުރަންވަނީޖެހިފައި ކަމަށް ރައްޔިތުންގެ މަޖިލީހުގެ މަކުނުދޫ ދާއިރާގެ ކުރީގެ މެންބަރު އަނާރާ ނައީމް ވިދާޅުވެއްޖެއެވެ.
މިއަދަކީ ރައީސުލްޖުމުހޫރިއްޔާ އިބްރާހިމް މުހައްމަދު ސާލިހުގެ ވެރިކަމަށް ތިން އަހަރު ވީ ދުވަހެވެ. އަނާރާ ކުރެއްވި ޓުވީޓެއްގައި ވިދާޅުވީ، ފާއިތުވި 3 އަހަރު، ވަކި މީހެއްވީމަ ވަކިގޮތެއް ހެދުމުގެ ސަގާފަތު ދަނީ ބާރަށްްކުރިއަށް ކަމަށާއި ރައްޔިތުންގެ މެދުގައި އިންސާފާއި ހަމަހަމަކަން ގާއިމްކުރުމުގެ މަސައްކަތް ކުރަން ޖެހިފައިވާ ކަމަށެވެ.
އަނާރާ އަކީ ސަރުކާރު ކޯލިޝަންގައި ހިމެނޭ އަދާލަތު ޕާޓީގެ މެމްބަރެކެވެ. ނިމިގެން ދިޔަ ރައްޔިތުންގެ މަޖިލީހުގެ އިންތިހާބުގައި އަނާރާ ވަނީ މަކުނުދޫ ދާއިރާގެ ގޮނޑިއަށް ވާދަކުރައްވާފައެވެ. ނަމަވެސް 2019 ވަނަ އަހަރު ބޭއްވުނު ރައްޔިތުންގެ މަޖިލީހުގެ އިންތިހާބު އޭނާ އަށް ކާމިޔާބުވާ ގޮތެއް ނުވެއެވެ. އޭގެ ފަހުން މިފަދަ އެކި މުނާސަބަތާއި ގުޅުވައިގެން ވާހަކަދައްކަވާ ބޭފުޅެއްގެ ގޮތުގައި އަނާރާ ފާހަގަކުރެއްވެއެވެ.
