ގުރުއާނާ ބެހޭ މަރުކަޒުގެ ގޮފިތައް އަތޮޅުތެރޭގައި އެކްޓިވް ކުރަންޖެހޭ ކަމަށް ކުރީގެ އިސްލާމިކް މިނިސްޓަރ ޑރ މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ގުރުއާނާ ބެހޭ މަރުކަޒުގެ ދަސްވެނިވުން ހަފުލާގައި ރައީސުލްޖުމުހޫރިއްޔާ ދެއްކެވި ވާހަކަފުޅާ ގުޅިގެން ޝަހީމް ކުރެއްވި ޓުވީޓެއްގައި ވިދާޅުވީ، ހާފިޒުކަން ކިޔަވައި ދަރިވަރުންގެ ހަރަދު ސަރުކާރުން ހަމަޖައްސަވައިދޭން ނިންމެވި ނިންމެވުމަނީ ވަރަށް ރަނގަޅު ނިންމެވުމެއް ކަމަށެވެ. އަދި މިއާއެކު ރާއްޖޭގައި އިންޓަރނޭޝަން ގުރުއާން މުބާރާތްތައް ޕީއެސްއެމް އަލި ގަދަ ތަރި ގުރުއާމް މުބާރާތް އަލުން ފަށައި ގައުމީ ގުރުއާން މުބާރާތުގެ ބަޖެޓް އިތުރުކުރުމަށް ގޮވާލާފައެވެ.
ރޭ އޮތް ހަފުލާގައި ވާހަކަފުޅު ދައްކަވަމުން ރައީސް ސާލިހު ވިދާޅުވެފައިވަނީ ގުރްއާނާބެހޭ މަރުކަޒު ފުޅާކޮށް، ދީނީ އިލްމު ރާއްޖޭގައި ފެތުރުމަށް ކުރަންޖެހޭ ހުރިހާ ކަމެއްގައި ސަރުކާރުން އެހީތެރިވެދޭނެ ކަމަށެވެ. މިހާރު އެންމެ މުހިންމު ކަމަކީ، ކީރިތި ގުރްއާނުގެ އިލްމުތައް ފެތުރުން ކަމަށާއި ގުރްއާނުގެ އިލްމީ ކަންޒުން ސިކުނޑިތައް މުއްސަނދިވެގެން ދާނީ، ކީރިތި ގުރްއާނުގެ އިލްމީ ދިރާސާތައް ކޮށްގެން ކަމަށެވެ. އަދި މި ޒަމާނުގެ އިލްމީ ހޯދުންތައްވެސް، ކީރިތި ގުރްއާނުގެ ޢިލްމީ ހަގީގަތްތަކުން އިތުރު ފުރިހަމަވެގެންދާނެކަން ޔަޤީން ކުރައްވާ ކަމަށާއި އެހެންވީމާ، އެ މަރުކަޒުގެ ދައުރު މާބޮޑަށް ފުޅާވާންޖެހޭ ކަމަށާއި ގުރްއާނާބެހޭ މަރުކަޒެއް ހުރުމުގެ ހަގީގީ ފައިދާ ލިބޭނީ އޭރުން ކަމަށް ރައީސް ވިދާޅުވިއެވެ.
