އެއް ސަހަރެއްގައި ދިރިއުޅުނު ވަރަށް ބުއްދިވެރި މީހެކެވެ. އޭނާއަކީ މީހުންނަށް ނަސޭހަތްތެރިވުމަށް ވަރަށް މޮޅު މީހެކެވެ. ދިރިއުޅުމުގައި ދިމާވާ ކޮންމެ ކަމެއްގައި ކޮންމެ މައްސަލައެއްގައިވެސް އެހީތެރިކަން ފޯރުކޮށްދީ އިރުޝާދު ދޭ މީހެކެވެ.
ބައެއް މީހުން އެ ބުއްދިވެރިޔާގެ ކައިރިއަށް އެއް މައްސަލައެއް ހިފައިގެން އެތައް ފަހަރަކު ދެ އެވެ. ކޮންމެ ފަހަރަކުވެސް ދޭން އޮންނަނީ އެއް ޖަވާބެކެވެ.
އެގޮތުން ދަނޑުވެރިންތަކެއް މި ބުއްދިވެރިޔާގެ ކައިރިއަށް މިދަނީ ކަރާ ވެޔޮތައް މަރުވާތީ އެކަމާ ހަދާނެ ގޮތެއް އޮޅުންފިލުވާށެވެ. މިހާރު އެ ޝަކުވާ ހިފައިގެން ދާތާ މަސް ދުވަސް ވީ އެވެ. ބުއްދިވެރިޔާގެ ކައިރިއަށް ހައްލު ހޯދަން ދާވެސް މިއީ ތިންވަނަ ފަހަރެވެ. ކޮންމެ ފަހަރަކުވެސް އޭނާ ބުނަނީ ވެޔޮތައް ނެގުމަށްފަހު ބިންގަނޑު އަލުން ފައްކާކޮށް ދަނޑު ހެއްދުމަށެވެ. އެކަމަކު ހުރިހާ ވެޔޮތަކެއް އެއްފަހަރާ ނަގަން ޖެހޭތީ ދަނޑުވެރިން ކަންބޮޑުވަނީ އެވެ.
ތިންވަނަ ފަހަރަށް ޝަކުވާ ހިފައިގެން ދިޔުމުން ދަނޑުވެރިންތައް ކައިރީގައި ބުއްދިވެރިޔާ ބުނެފި އެވެ. މިއަދު މިއުޅެނީ ޖޯކެއް ކިޔައިދޭށެވެ. އަޑުއަހަން އެންމެން އިށީންނާށެވެ.
ބުއްދިވެރިޔާ ކިޔައިދިނީ ވަރަށް މަޖާ ޖޯކެކެވެ. ކިޔައިދީ ނިމުމާއެކު އެންމެން ހޭން ފަށައިފި އެވެ. އަނެއްކާވެސް އިރުކޮޅެއް ފަހުން ހަމަ އެޖޯކު ކިޔައިދީފި އެވެ. މިފަހަރު ހޭން ފެށީ ދެތިން މީހެކެވެ. ތިންވަނަ ފަހަރަށްވެސް ހަމަ އެޖޯކު ބުއްދިވެރިޔާ ތަކުރާރު ކޮށްފި އެވެ. މިފަހަރު ހޭނެ މީހަކު ނުވި އެވެ.
ބުއްދިވެރިޔާ ހިނިތުންވުމާއެކު ބުންޏެވެ. އެއް ޖޯކެއް ތިން ފަހަރު ކިޔައިދިނީކާ ހޭނެ މީހަކު ނުވި އެވެ. އެހެންވީމާ އެއް މައްސަލައެއް ހިފައިގެން ކިތަންމެ ގިނަ ފަހަރަކު އަޔަސް ދޭނެ އިތުރު ޖަވާބެއް ނޯންނާނެ އެވެ.
އާއެކެވެ. މައްސަލައާމެދު ކަންބޮޑުވެ، ދެން ވާނެ ގޮތަކާމެދު ވިސްނައިގެންނެއް އެއް މައްސަލަ ހައްލެއް ނުވާނެ އެވެ. އޭގެ ބަދަލުގައި މައްސަލަ ހައްލު ކުރަން މަސައްކަތް ކުރާށެވެ. ކަންބޮޑުވުމުގައި ހޭދަ ކުރާ ކޮންމެ ވަގުތަކީ ބޭކާރުވެގެންދާ ވަގުތެކެވެ.
