މިހާރު ޝޫޓިންތައް ކުރިއަށް ގެންދާ އާނަންދު އެލް ރާއީގެ ފިލްމު "ރަކްޝާ ބަންދަން" އަށް ފިލްމުގެ ލީޑް އެކްޓަރު އަކްޝޭ ކުމާރު ފަލަވާން ޖެހުނުކަމަށް ރިޕޯޓުތައް ބުނެފި އެވެ.
އެންމެ ފަހުން ޝޫޓިންތައް ނިންމައިލި ރޯހިތު ޝެއްޓީގެ "ސޫރްޔަވަންޝީ" އަކްޝޭ ހަ ކިލޯ ލުއިކުރަން ޖެހުނެވެ. އެފިލްމުގައި އޭނާ އަދާކުރާ ފުލުހެއްގެ ރޯލަށް ބަރުދަން ލުއިކުރުމަށްފަހު ދެން ޝޫޓުކުރަން ތާވަލުކޮށްފައި އޮތް "ރަކްޝާ ބަންދަން" އަށް ފަލަވާން ލިބުނީ މަދު ދުވަސްކޮޅެކެވެ.
މިކަމާއި ބެހޭގޮތުން ސުވާލު ކުރުމުން އަކްޝޭ ބުނީ ބަރުދަން ލުއި ކުރުމާއި އިތުރު ކުރުމަކީ އޭނާއަށް މާ އުނދަގޫ ކަމެއް ނޫން ކަަމަށެވެ. އަދި ސިއްހަތަށް ގެއްލުން ނުވާ ގޮތަށް އެކަން ކުރެވޭ ކަމަށާއި އެހެންވެ އެއީ ކުރާ ހިތުން ކުރާ ކަމެއްކަމަށްވެސް އަކްޝޭ ބުންޏެވެ.
"ފަލަވާން ޖެހިއްޖެނަމަ މަންމަ އަތުން ހަދާ ހަލުވާ އެއީ އެއްވަނަ" އަކްޝޭ ބުންޏެވެ.
"ރަކްޝާ ބަންދަން" ގައި އަކްޝޭ އަދާކުރަނީ ދިއްލީއަށް އުފަން މަސައްކަތްތެރިއެއްގެ ރޯލެވެ. މި ފިލްމުގައި ހަތަރު އަންހެން ކުދިންގެ ބޭބެގެ ރޯލުން އަކްޝޭ ފެންނައިރު އަންހެން ކުދިންގެ ރޯލުން ފެންނާނީ އާ މޫނުތަކެކެވެ.
