މިދިޔަ 2020 ވަނަ އަހަރު ނިކުތް މަޝްހޫރު ތެލެގޫ ފިލްމު "އަލަ ވައިކުންތަަޕުރަމުލޯ" ގެ ހިންދީ ރީމޭކަށް "ޝެހެޒާދާ" ގެ ނަމުން ނަން ދީފި އެވެ.
ތަމިލް ސުޕަ ސްޓާ އައްލޫ އަރުޖުން ލީޑް ރޯލު ކުޅުނު ތަމިލް ފިލްމުގެ ހިންދީ ރީމޭކުގައި ލީޑް ރޯލުން ފެނިގެން ދާނީ އެކްޓަރު ކާރްތިކް އާރްޔާން އެވެ.
މީގެ ކުރިންވެސް "ޝެހެޒާދާ" ގެ ނަމުގައި ބޮލީވުޑްގައި ފިލްމެއް ރިލީޒް ކުރި އެވެ. އެއީ 1972 ވަަނަ އަހަރު ރާޖޭޝް ކައްނާ ލީޑް ރޯލުން ފެނިގެންދިޔަ ފިލްމެކެވެ.
އަނެއްކާވެސް "ޝެހެޒާދާ" ގެ ނަމުގައި ފިލްމެއް ހަދާއިރު މިފިލްމު ޑައިރެކްޓު ކުރާނީ މަޝްހޫރު ޕްރޮޑިއުސަރު އަދި ޑައިރެކްޓަރު ޑޭވިޑް ދަވަންގެ ދޮށީ ދަރި ރޯހިތު ދަވަން އެވެ. އެއީ އެކްޓަރު ވަރުން ދަވަންގެ ބޭބެ އެވެ. ރޯހިތު މީގެ ކުރިން ވަނީ "ޑިޝޫމް" ޑައިރެކްޓު ކޮށްފަ އެވެ. އެފިލްމުގައި ލީޑް ރޯލުން ފެނިގެން ދިޔައީ ވަރުން އެވެ.
މައުލޫމާތު ލިބޭ ގޮތުގައި "އައްލޫ އަރުޖުން" ގެ ރައިޓްސް ގަތުމަށް ޓީމުން ވަނީ 9 ކްރޯރް ރުޕީސް ދައްކައިފަ އެވެ. ބައެއް މީޑިއާ ރިޕޯޓުތައް ބުނާ ގޮތުން ހިންދީ ފިލްމުގައި އައްލޫ އަރުޖުން ސްޕެޝަލް އެޕިއަރެންސަކުން ފެނިގެން ހިނގައިދާނެ އެވެ.
"ޝެހެޒާދާ" ގެ ޝޫޓިން ފެށުމަށް ހުރިހާ ކަމެއް ތައްޔާރުވެފައިވީ ނަމަވެސް ފިލްމު ޝޫޓު ކުރަން ފަށާނެ ސީދާ ތާރީހެއް އަދި އިއުލާނެއް ނުކުރެ އެވެ.
