މަލްޓި ލޭންގުއޭޖް ބޮލީވުޑް ފިލްމު "އާރްއާރްއާރް" ގައި އާލިއާ ބަޓް ފެނިގެންދާ ލަވައަށް 3 ކްރޯރް ރުޕީސްގެ ބަޖެޓެއް ހޭދަކުރާނެ ކަމަށް ރިޕޯޓުތައް ބުނެފި އެވެ.
އެސްއެސް ރާޖާމޯލީގެ މި ފިލްމުގައި އާލިއާ ފެންނާނީ އައިޓަމް ލަވައަކުންނެވެ. މި ލަވައަކީ މިހާތަނަށް ބޮލީވުޑް ފިލްމެއްގައި ހިމެނޭ އެންމެ އަގުބޮޑު ލަވައަށް ވާނެ އެވެ. އެގޮތުން ލަވައަށް ޖުމްލަ 3 ކްރޯރް ރުޕީސް ހަރަދު ކުރާނެ ކަމަށް ރިޕޯޓުތައް ބުނެ އެވެ.
ލަވައިގެ ކޮސްޓިއުމްއަށް އެކަނިވެސް ކްރޯރް ރުޕީސް ހޭދަ ކުރާނެ އެވެ. އަދި ލަވައިގެ ލޮކޭޝަނަށްވެސް ބޮޑު ހަރަދެއް ކުރާނެ އެވެ.
ލަވަ ޝޫޓު ކުރާނީ އިންޑިއާގެ ހައިދްރަބާދުގަ އެވެ. ފިލްމުގައި މުހިންމު ރޯލުތަކުން ފެންނަ ރާމްޗަރަން ތޭޖާ އާއި އެންޓީއާރު ޖޫނިއާ ވެސް ލަވައިން ފެންނާނެ އެވެ. މި ދެތަރިންނާއިއެކު އާލިއާ މިމަހު ފަހުކޮޅު ޝޫޓިންއަށް ފުރާނެ ކަމަށް ރިޕޯޓުތައް ބުނެ އވެެ.
"އާރްއާރްއާރް" ރިލީޒް ކުރާނީ ތިން ބަހުރުވައަކުންނެވެ. އެއީ ހިންދީ، ތެލެގޫ އަދި ތަމިލް އިންނެވެ. ކޮވިޑުގެ ސަބަބުން ފިލްމު ރިލީޒް ކުރާނެ ތާރީހު ފަސްކޮށްފައިވާއިރު ބެލެވޭ ގޮތުގައި ވަރަށް އަވަހަށް ރިލީޒް ކުރާނެ ތާރީހެއް އަނެއްކާވެސް އިއުލާން ކުރާނެ އެވެ.
