ކުރިޔަށް އޮތް ސަރުކާރު ބަންދު ދުވަސްތަކުގައި ބޭންކް އޮފް މޯލްޑިވްސް ހުޅުވުމަށް ހަމަޖެހިފައިވަނީ 21 ޖުލައި އަދި 27 ޖުލައި 2021، މި ދެ ދުވަހުގައި ކަމަށް ބޭންކުން ހާމަކޮށްފިއެވެ.
ފައިސާ ބަލައިގަނެ ދޫކުރުމާއި، ސިޓީ އާއި އެހެނިހެން ތަކެތި ބަލައިގަނެ ދޫކުރާނީ މިމަހުގެ 21ވާ ބުދަދުވަހާއި 27ވާ އަންގާރަ ދުވަހުއެވެ. އެމްއެމްއޭއިން ބުނެފައިވަނީ މިދުވަސްތަކުގައި ބޭންކިންގެ ޚިދުމަތް ދެވޭނީ ހެނދުނު 8:30 އިން 14:00 އަށް ކަމަށެވެ.
ބޭންކުގެ ހިދުމަތްތައް ހޯއްދެއްވުމަށް ކަސްޓަމަރުންނަށް ކިއުބީ އެޕް މެދުވެރިކޮށް ޓޯކަންއަށް އެދެވޭނެ ކަމަށާއި އަދި ކިއުބީ އެޕް މެދުވެރިކޮށް ކިއުގައި ތިބި ކަސްޓަމަރުން ގެ އަދަދު ބްރާންޗަށް އައުމުގެކުރިން އޮންލައިންކޮށް ބަލާލެވޭނެ ކަމަށްވެސް ބެންކުން ހާމަކުރެއެވެ. ބޭންކު ހުޅުވާފައި ހުންނަ ދުވަސްތަކުގައި ހެނދުނު 8.00 އިން މެންދުރު 12:00 އަށް އެޕް މެދުވެރިކޮށް ޓޯކަން ލިބޭ ގޮތަށް ވަނީ ހަމަޖައްސާފައެވެ.
