އެމްފައިސާ މެދުވެެރިކޮށް ބިދޭސީ މަސައްކަތްތެރިންނަށް އެހީތެރިކަން ފޯރުކޮށްދެވޭ ގޮތް ހަދައިފިއެވެ.
މި އެހީ ތެރިކަން ފޯރުކޮށްދެނީ މައިގްރެންޑް ވޯކާސް މޯލްޑިވްސް (އެމްޑަބްލިއުޑަބްލިއު) ޖަމިއްޔާއާ އުރީދޫ މޯލްޑިވްސްއާ ދެމެދު ވެވުނު އެއްބަސްވުމުގެ ދަށުންނެވެ. މި އެއްބަސްވުމުގެ ދަށުން އެމްފައިސާ ކަސްޓަމަރުންނަށް މިހާރު އެ ޖަމިއްޔާއަށް އެއްޗެހި ހަދިޔާ ކުރެވޭނެއެވެ.
މި ޖަމިއްޔާގެ އިތުރުންވެސް ރާއްޖޭގެ ހިލޭ ސާބަހަށް މަސައްކަތް ކުރާ ޖަމިއްޔާތަކަށް އެމްފައިސާ މެދުވެރިކޮށް އެހީތެރިކަން ފޯރުކޮށްދޭ ގޮތަށް ވަނީ ހަމަޖައްސާފައެވެ. މީގެ ތެރޭގައި “މޮމްސް އާއި “ޕީސް” އާއި ކެންސަރ ސޮސައިޓީ އާއި ޑެފް އެސްސޯސިއޭޝަނާއި ކުޑަ ކުދިންގެ ހިޔާ އާއި ފިޔަވަތި ފަދަ ޖަމިއްޔާތައް ހިމެނެއެވެ.
އުރީދޫގެ އެޕްލިކޭޝަން ބޭނުން ކޮށްގެން އެމްފައިސާއަށް ރަޖިސްޓްރީ ކުރެވޭނެ ކަމަށް އުރީދޫ އިން ހާމަކުރެއެވެ. މިގޮތުން، މި އެޕްލިކޭޝަން ޑައުންލޯޑު ކުރުމަށްފަހު ރަޖިސްޓްރީ ކުރުމަށްފަހު އެމްފައިސާއަށް ލޮގިން ވެވުމުން ބޭނުންވާ ޖަމިއްޔާއެއް އިހުތިޔާރުކޮށް ހަދިޔާ ކުރެވޭނެއެވެ.
