ލިފްޓްތަކަށް ދިމާވި މައްސަލައަކާއި ގުޅިގެން މިއަދު ކަރަންޓް ދިނުމުގެ މަސައްކަތް ނުކުރާނެ ކަމަށް ސްޓެލްކޯއިން ބުނެފިއެވެ.
ސްޓެލްކޯއިން ބުނީ މިއަދު ކަރަންޓު ދިނުމަށް ނިންމާފައިވާ ހިޔާފްލެޓްތަކުގެ 3 އަދި 4 ވަނަ ޓަވަރުގެ ލިފްޓްތަކަކަށް ދިމާވި ޓެކްނިކަލް މައްސަލައަކާއި ގުޅިގެން ކަރަންޓު ދިނުމުގެ މަސައްކަތް އެޗްޑީސީގެ މަޝްވަރާގެ މަތިން މިއަދަށް މެދުކަނޑާލަން ޖެހިފައިވާ ކަމަށެވެ.
އެޗްޑީސީން މިހާރު ގެންދަނީ ކޮންޓްރެކްޓަރު މެދުވެރިކޮށް އެ މައްސަލަ ހައްލު ކުރުމުގެ މަސައްކަތް ކުރަމުން ކަމަށާއި މި 2 ޓަވަަރަށް ކަރަންޓު ދިނުމުގެ މަސައްކަތް ދެން ކުރިޔަށް ގެންދާނެ ދުވަހެއް އެ ޓަވަރުތަކުން ފްލެޓް ލިބިފައިވާ ފަރާތްތަކަށް އެސް.އެމް.އެސް އަދި ސޯޝަލް މީޑިއާ މެދުވެރިކޮށް އަންގާނެ ކަމަށްވެސް ސްޓެލްކޯއިން ހާމަކުރެއެވެ.
ހިޔާ ފްލެޓްތަކަށް ކަރަންޓް ދޭން ފަށާފައިވަނީ އަންގާރަ ދުވަހުއެވެ.
