ދުނިޔޭގެ އެންމެ އުސް ކުރިބޯށީގައި ވިހުރެމުންދަނީ ދިވެހިރާއްޖޭގެ ފަހުރުވެރި ދިދަކަމަށާއި، ފެއްސާއި ރަތާއި ހުދުގެ އެދިދަ އެހިސާބަށް ގެންގޮސްދެއްވީ ރާއްޖޭގެ ރައީސުލްޖުމްހޫރިއްޔާ އިބްރާހިމް މުހައްމަދު ސާލިހުކަމަށް ފޮރިން މިނިސްޓަރ އަބްދުﷲ ޝާހިދު ވިދާޅުވެއްޖެއެވެ.
އދގެ އާއްމު މަޖިލީހުގެ ރައީސް ކަން ވެސް ކުރައްވަމުން ގެންދަވާ ޝާހިދު އިތުރަށް ވިދާޅުވީ، އެކަމައްޓަކައި ރައީސް ސާލިހަށް ހިފެހެއްޓުމެއް ނެތި ޝުކުރާއި ތަޢުރީފު ރައްދުވަމުންދާކަމަށެވެ. ޝާހިދު ވަނީ ހިނގަމުންމިދާ އ.ދ. ގެ އާއްމު މަޖިލީހުގެ ދައުރުގައި ކުރިއަށްގެންދާ ވެކްސިންއާ ތިމާވެއްޓާއި ގުޅޭ މުހިއްމު ބައްދަލުކުރެއްވުންތަކުގެ ތެރެއިން ރާއްޖޭގެ އެންމެ މަތީވެރިޔާގެ އަޑުފުޅު ދުނިޔެއަށް އިއްވައި ދިނުމަށް އެދިވަޑައިގެންފައެވެ.
އެއް އަހަރު ދުވަހަށް ދެމިގެންދާ އދ.ގެ އާންމު މަޖިލީހުގެ މިފަހަރުގެ ރިޔާސަތުން އިސްނަގައިގެން ކުރިއަށްއޮތް އަހަރުގެ ތެރޭގައި ކުރައްވާނެ ބޮޑެތި ކަންކަމުގެ ތެރޭގައި އަންނަ ޖެނުއަރީމަހުގެ ތެރޭގައި ވެކްސިނާއި ގުޅޭގޮތުން ޚާއްސަ ބައްދަލުވުމެއް ބާއްވާނެކަމަށާއި، އޭގެ މަގުސަދަކީ 2022 ވަނަ އަހަރު ނިމުމުގެ ކުރިން ދުނިޔޭގެ އެންމެނަށް ވެކްސިންދީ ނިންމުމަށް މަސައްކަތް ކުރުންކަމަށް އަބްދުﷲ ޝާހިދު ވިދާޅުވިއެވެ.
އަދި ތިމާވެއްޓާއި ގުޅޭ ދެ ބައްދަލުވުމެއް ކުރިއަށް އެބައޮތްކަމަށާއި އެއިން ކޮންމެ ބައްދަލުވުމެއްގައިވެސް ރާއްޖޭގެ އަޑު ދުނިޔެއަށް އިތްވައި ދިނުމަށް އެދޭކަމުގައި އާއްމު މަޖިލީހުގެ ރައީސް ވިދާޅުވިއެވެ.
ދިވެހިން ތިބީ ބަނޑަށް ޝާހިދު އާއި ރައީސް އިބޫ މިލިއަނުން ދައުލަތުގެ ޚަޒާނާގައި ހުރި ފައިސާ ނަގައިގެން އިންޑިއާ އަށް ކަޓް ދީގެން ރާއްޖެއިން އދ. ގައި އެއްވެސް ބޭނުމެއް ނެތް މަގާމް އެއް ރާއްޖޭން ފުރަން މަހަކު 10 މިލިއަން ޑޮލަރު އެކަމަށް ހޭދަ ކުރާއިރު ހިޔާ ފްލެޓްްސް ތަކުގެ ކުލި ސަރުކާރުން ކުޑަ ކުރަން ނުކުރުނޭ ދިވެހި ދިދަ ނާރައޭ ދުނިޔޭގެ އެންމެ އުސް ކުރި ބޯއްޓަށް އެއީ ދޮގޭ އިންޑިއާގައި އެތައް ބަޔަކު ފަގީރު ކަން މަތީ ތިބޭއިރު އެގައުމުން އެހެން ގައުމު ތަކަށް ހިލޭ އެހީދޭތީވެ އެގައުމު ތަކުގެ ރައްޔިތުން ޝަކުވާ ކުރުމުން އެކަމާއި އިންޑިއާ އިން އަޅާ ނުލާ ގޮތަށް މިސަރުކާރުން ވެސް ދިވެހިރައްޔިތުންނާއި މެދު ކަންކަންކުރަނީ..