މާލެހިޔާ ކައިރީގައި ޕާރކްކޮށްފައި އޮތް ޕިކަޕެއްގައި ރޯވެއްޖެއެވެ. އެމްއެންޑީއެފުން ބުނީ މާލެހިޔާ ކައިރީ ޕާކް ކޮށްފަ އޮތް ޕިކަޕެއްގައި ރޯވި އަލިފާން، އެމްއެންޑީއެފް އެފްއާރުއެސްއިން ހަރަކާތްތެރިވެ ނިއްވާލައިފައިވާ ކަމަށެވެ. މި ހާދިސާގެ ރިޕޯޓް އެމްއެންޑީއެފަށް ލިބުނީ މިރޭ 20:49 ހާއިރު ކަމަށް އެ އިދާރާއިން ހާމަކުރެއެވެ. އަދި ހާދިސާގައި އެއްވެސް މީހަކަށް ގެއްލުމެއް ލިބިފައެއްނުވާ ކަމަށް މޯލްޑިވްސް ނެޝަނަލް ޑިފެންސް ފޯސް އިން ހާމަކުރެއެވެ.
ރާއްޖެއިން އިތުރު 70 މީހުން ކޮވިޑަށް ޕޮޒިޓިވްވެއްޖެއެވެ. ހެލްތް ޕްރޮޓެކްޝަން އެޖެންސީގެ ތަފާސް ހިސާބުތައް ދައްކާގޮތުން މާލެ ސަރަހައްދުން މިއަދު ޕޮޒިޓިވްވީ 13 މީހުންނެވެ. އަތޮޅު ތެރެއިން މިއަދު ޕޮޒިޓިވްވީ 54 މީހުންނެވެ. ރިސޯޓް ތަކުން މިއަދު ވަނީ 3 މީހުން ޕޮޒިޓިވްވެފައެވެ. މިހާތަނަށް ރާއްޖެއިން ކޮވިޑަށް ޕޮޒިޓިވްވެފައިވަނީ 85،348 މީހުންނެވެ. އެކްޓިވް ކޭސްގެ ގޮތުގައި މިވަގުތު ތިބީ 1،319 މީހުންނެވެ. ހޮސްޕިޓަލްތަކުގައި 15 މީހުން ވަނީ މިވަގުތު އެޑްމިޓްކޮށްފައެވެ. ރާއްޖެއިން މިހާތަނަށް މިބަލީގައި ނިޔާވެފައިވަނީ 232…
ވޯލްޑް އެޗްއާރުޑީ ކޮންގްރެސް އާއި އެމްޕްލޯޔަރ ބްރޭންޑިންގ އިންސްޓިޓިއުޓްއިން ދޭ ޝަރަފުވެރި އެވޯޑް "އޭޝިއަރސް ބެސްޓް އެމްޕްލޯޔަރ ބްރޭންޑް އެވޯޑް" ހަތަރު ވަނަ ފަހަރަށް ބޭންކް އޮފް މޯލްޑިވްސް އަށް ލިބިއްޖެއެވެ. މިއެވޯޑް ބޭންކާ ހަވާލުކޮށްފައިވަނީ މިއަދު ބޭއްވުނު ހާއްސަ ހަފްލާއެއްގައެވެ. ބޭންކް އޮފް މޯލްޑިވްސް އިން ކަނޑައަޅާފައިވާ ސިޔާސަތުތަކާއި ވަޒީފާ ދިނުމާއި މުވައްޒަފުން ތަމްރީނުކުރުމާ އަދި ހުނަރުވެރި މުވައްޒަފުން ވަޒީފާގައި ދެމެހެއްޓުމަށް ބޭންކުން ކުރަމުންދާ މަސައްކަތުގެ ސަބަބުން އޭޝިޔާ ސަރަހައްދުގައި ވަޒީފާ އަދާކުރުމަށް އެންމެ ރަނގަޅު…
ހުޅުމާލެ ސެންޓަރްޕާރކްގެ ފައުންޓެއިން ޒޯން އަދިވެސް ނުނިމޭތީ މެމްބަރު ޝިޔާމް ކަންބޮޑުވުން ފާޅުކޮށްފިއެވެ. ނައިފަރު ދާއިރާގެ މެމްބަރު ކުރެއވްި ޓުވީޓެއްގައި ވިދާޅުވީ، ހުޅުމާލެ ސެންޓްރަލް ޕާރކްގެ ފައުންޓެއިން ޒޯން އަކީ 2018ގައި ރައީސް ޔާމީންގެ ޒައާމަތު ނިމުނުއިރު 90 އިންސައްތަ ނިންމާފައިވާ ތަނެއް ކަމަށެވެ. އެހެންނަމަވެސް 3 އަހަރު މިނަގަނީ އެ ތަނުގެ މަސައްކަތުގެ އެންމެ 10 އިންސައްތަ ނިންމަން ކަމަށާއި ގައުމީ ދުވަހާއި ދިމާކޮށް އާއިލާތަކަށް އެތަން ހުޅުވާލި ނަމަ ކިހާ ރަނގަޅުވާނެ ތޯ ވިދާޅުވެ…
ބަންދުގައި ހުރި މީހާ ނިޔާވި މައްސަލަ ބަލާނެ ކަމަށް ޕްރޮސިކިއުޓަރ ޖެނެރަލް ހުސެއިން ޝަމީމް ވިދާޅުވެއްޖެއެވެ. ބުދަ ދުވަހުގެ ރޭ 7 ޖެހިއިރު ނޭވާލާން އުނދަގޫތަކެއް ހުރުމުން އެމަޖެންސީ ހާލަތުގައި އައިޖީއެމްއެޗަށް ގެންގޮސް ފަރުވާ ދެމުންދިޔަ އިސްމާޢީލް ޝަބީން (46 އަހަރު)، ހާލު ދެރަވެ އައިސީޔޫއަށް ބަދަލުކޮށް ފަރުވާ ދެމުން ދަނިކޮށް ރޭ ނިޔާވެފައިވާ ކަމަށެވެ. މިމީހާ ނިޔާވި ކަން ހޮސްޕިޓަލުން ހާމަކޮށްދީފައިވަނީ 7:30ގައި ކަމަށާއި މިމީހާއަކީ ހަކުރު ބައްޔަށް ބޭސްކުރަމުންދިޔަ ފަރާތެއް ކަމަށް ކަރެކްޝަންސްއިން ވަނީ…
ދިވެހީން ބައިބައިކޮށް ދިވެހީންގެ ޒަމާންވީ އެކުވެރިކަމާ އެއްބައިވަންތަކަން ނަގާލީ ވެސް މި ސަރުކާރުން ކަމަށް ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވެއްޖެއެވެ. އަދުރޭ މިހެން ވިދާޅުވީ، ގައުމީ ދުވަހުގެ މުނާސަބަތުގައި ރައީސް ދެއްވި ހިތާބުގައި ނުރަނގަޅު ފިކުރުތައް ރާއްޖެއަށް ފަތުރައި، އިޖުތިމާޢީ އަދަބު އަހްލާގުގެ ހަފޮޅުން ބޭރުކޮށް ދިވެހިން ބައިބައިކުރުމަށް، ބަޔަކު ކެނޑިނޭޅި އެބަ މަސައްކަތްކުރާ ކަމަށް ވިދާޅުވެފައިވާތީ އެކަމަށް އިޝާރަތް ކުރެއްވި ޓުވީޓެއްގައެވެ. ރައީސް ވިދާޅުވީ، މިފަދަ ފިކުރުތަކަށް ފާޅުގައި ނޫނެކޭ ބުނެ، އަހްލާގީ އެންމެ…
ދުނިޔޭގެ އެންމެ އުސް ކުރިބޯށީގައި ވިހުރެމުންދަނީ ދިވެހިރާއްޖޭގެ ފަހުރުވެރި ދިދަކަމަށާއި، ފެއްސާއި ރަތާއި ހުދުގެ އެދިދަ އެހިސާބަށް ގެންގޮސްދެއްވީ ރާއްޖޭގެ ރައީސުލްޖުމްހޫރިއްޔާ އިބްރާހިމް މުހައްމަދު ސާލިހުކަމަށް ފޮރިން މިނިސްޓަރ އަބްދުﷲ ޝާހިދު ވިދާޅުވެއްޖެއެވެ. އދގެ އާއްމު މަޖިލީހުގެ ރައީސް ކަން ވެސް ކުރައްވަމުން ގެންދަވާ ޝާހިދު އިތުރަށް ވިދާޅުވީ، އެކަމައްޓަކައި ރައީސް ސާލިހަށް ހިފެހެއްޓުމެއް ނެތި ޝުކުރާއި ތަޢުރީފު ރައްދުވަމުންދާކަމަށެވެ. ޝާހިދު ވަނީ ހިނގަމުންމިދާ އ.ދ. ގެ އާއްމު މަޖިލީހުގެ ދައުރުގައި ކުރިއަށްގެންދާ ވެކްސިންއާ ތިމާވެއްޓާއި ގުޅޭ…