ހިޔާ މަޝްރޫއުގެ ދަށުން އިމާރާތް ކޮށްފައިވާ ހިޔާ ފްލެޓްތައް ހުންނަ ހުޅުމާލެ ފޭސް 2 ގައި ކްލިނިކެއް އެޅުމަށް ބަޔަކާ ހަވާލުކޮށްފިއެވެ.
އެޗްޑީސީން ބުނީ ހުޅުމާލެ ފޭސް 2 ގައި އިމާރާތްކޮށްފައިވާ ހިޔާ ފްލެޓްތަކުގައި މީހުން ދިރިއުޅެން ފަށައި ކުލި ނަގަން ފަށަންވާއިރަށް ކޮންމެހެން ބޭނުންވާނެ ގިނަ ހިދުމަތްތަކެއް ފޫކޮށްދިނުމުގެ މަސައްކަތްއެ ކޯޕަރޭޝަންގެ ފަރާތުން ދަނީ ކުރަމުން ކަމަށެވެ. އެގޮތުން ވަކިން ހާއްސަކަމެއް ދީގެން ހިޔާ ކޮމާޝަލްގެ ގޮތުގައި ކަނޑައަޅާފައިވާ ޔުނިޓްތަކުގައި ހިދުމަތްތައް ވީހާވެސް އަވަހަކަށް ފޯރުކޮށްދިނުމަށް އެސަރަހައްދުގައި ކްލިނިކެއް ހުޅުވުމަށް އެގްރީމަންޓްގައި ސޮއިކުރެވި އެފަރާތާއި ޔުނިޓް ހަވާލުކޮށްފައިވާ ކަމަށެވެ.
އެގޮތުން މިމަސައްކަތް ހަވާލުކޮށްފައިވަނީ ޕައިތަން ޕްރައިވެޓް ލިމިޓެޑާއެވެ. މި އެއްބަސްވުމުގެ ދަށުން ލައިފް ސަޕޯޓް މެޑިކަލް ސެންޓަރގެ ނަމުގައި ހިންގުމަށް ހަމަޖެހިފައިވާ މި ކްލިނިކް 3 މަސް ދުވަހުގެ ތެރޭގައި ނިންމާ ހިދުމަތް ދިނުމަށް ވަނީ ހަމަޖެހިފައި ކަމަށް އެޗްޑީސީން ހާމަކުރެއެވެ.
މީގެ އިތުރުން އިތުރު 2 ކްލިނިކް އެއް އެ ސަރަހައްދުގައި ގާއިމުކުރުމަށް ވަނީ ހަމަޖެހިފައި ކަމަށްވެސް އެޗްޑީސީން ހާމަކުރެއެވެ.
