މިއަދު ރާއްޖެއިން ކޮވިޑަށް ޕޮޒިޓިވްވީ 233 މީހުން ކަމަށް ހެލްތް ޕްރޮޓެކްޝަން އެޖެންސީން ހާމަކޮށްފިއެވެ. ތަފާސް ހިސާބުތަކުން ދައްކާގޮތުން އަތޮޅު ތެރެއިން މިއަދު ޕޮޒިޓިވްވީ 157 މީހުންނެވެ. މާލެއިން މިއަދު ޕޮޒިޓިވްވީ 31 މީހުންނެވެ. ރިސޯޓްތަކުން ވެސް މިއަދު 45 މީހުން ވަނީ ޕޮޒިޓިވްވެފައެވެ. މިވަގުތު ރާއްޖޭގައި އެކްޓިވްކޭސްގެ ގޮތުގައި 4075 މީހުންގެ އެބަތިއްބެވެ. މުޅި ރާއްޖެއިން މިހާތަނަށް ކޮވިޑަށް ޕޮޒިޓިވްވެފައިވަނީ 73،327 މީހުންނެވެ. ކޮވިޑް ބަލި ޖެހުމަށްފަހު ރަނގަޅުވެފައިވަނީ 69،031 މީހުންނެވެ.

ކޮވިޑް19 ހަލުވި ކަމާއެކު ފެތުރެން ފެށުމުން މާލެ ސަރަހައްދުގައި ފިޔަވަޅުތައް ވަރުގަދަ ކޮށްފައިވާއިރު ކޮވިޑް ޕޮޒިޓިވް ރޭޓް ސަތޭކަ އަށްވުރެ ދަށްވެފައި ވާތާ ހަފްތާއަކަށްވުރެ ގިނަ ދުވަސް ވެގެން ދިޔައީއެވެ. އަދި ކޮވިޑް ޖެހިގެން ނިޔާވާމީހުންގެ އަދަދުވެސް ވަނީ ބޮޑު ތަނުން ދަށްވެފައެވެ. ހަލުވިކަމާއެކު މާލެ ސަރަހައްދުގައި ކޮވިޑް19 ފެތުރެން ފެށުމުން ފިޔަވަޅުތައް ވަރުގަދަ ކޮށްފައިވަނީ މެއި މަހުގެ ތެރޭގައެވެ. އޭރު ޕޮޒިޓިވް ރޭޓް ހާހުން މައްޗަށް އަރައިގެން ދިޔައެވެ. ނަމަވެސް އިއްޔެވެސް މާލެއިން ޕޮޒިޓިވްވެފައިވަނީ 30…