ސިއްޙީ ކުއްލި ހާލަތްތަކުގައި އަމަލުކުރާނެ ގޮތުގެ ދެ ގައިޑްލައިން ހެލްތު މިނިސްޓްރީން މިއަދު ނެރެފިއެވެ. މި ގައިޑްލައިން ނެރެދެއްވީ މިއަދު ހެލްތު މިނިސްޓްރީގައި ބޭއްވި ރަސްމިއްޔާތެއްގައި ހެލްތު މިނިސްޓަރު އަބުދުﷲ ނާޒިމާއި ދުނިޔޭގެ ޞިއްހަތު ޖަމިއްޔާގެ ރެޕްރެޒެންޓޭޓިވް ޕޭޑެން ޕީ އެވެ. ހެލްޓް މިނިސްޓްރީން ބުނީ މި ގައިޑްލައިންގައި، ކުއްލި ހާލަތުގައި ފަރުވާދޭންޖެހޭ ހާލަތެއް އަތުވެއްޖެނަމަ އަމަލުކުރާނެ ގޮތުގެ ފުރިހަމަ މައުލުމާތު ހިމެނޭނެކަމަށެވެ. އޭގެ ތެރޭގައި ހޮސްޕިޓަލްތަކާއި ސިއްހީ މަރުކަޒުތަކާއި ސިއްހީ ޚިދުމަތެރިން އަމަލުކުރާނެ ގޮތުގެ މައުލޫމާތު…

ކުރީ ސަރުކާރުގެ ބޯހިޔާވަހިކަމުގެ މަޝްރޫއުގެ ދަށުން ކުރިއަށްގެންދިޔަ ގެދޮރުވެރިޔާ ސްކީމްގެ ދަށުން އެޅި ފުލެޓުތަކުގެ ހައްގުވެރިންގެ ލިސްޓު އަންނަ ބުރާސްފަތި ދުވަހު ހާމަކުރާނެ ކަމަށް ރައީސް ޑރ. މުޙައްމަދު މުއިއްޒު މިއަދު ވިދާޅުވެއްޖެއެވެ. ރައީސް ދ. އަތޮޅަށް ކުރައްވަމުން ގެންދަވާ ދަތުރުފުޅުގައި ހުޅުދެލީގެ ރައްޔިތުންނާ ބައްދަލުކުރައްވައި އެ މަނިކުފާނުވަނީ، މި އަހަރުގެ ރިޔާސީ ދައުރު ފެށުމަށް ބޭއްވި ޖަލްސާގައި ދެއްވި ބަޔާނުގައި، ފުލެޓު ލިސްޓު ރޯދައިގެ ކުރިން ސަރުކާރުން ހާމަކުރާނެ ކަމަށް ވިދާޅުވިކަން ފާހަގަކުރައްވައިފައެވެ. ކަލަންޑަރުގައި އޮތް…

ދިވެހިބަހުގެ އެކެޑަމީން ދިވެހިރާއްޖޭގެ ހުރިހާ ރަށެއްގެ އަތޮޅު ކައުންސިލްތަކާއި ރަށު ކައުންސިލްތަކާއި ސްކޫލްތަކަށް ދެންނެވި ދެންނެވުމަށް އިޖާބަދީ މާދަރީބަހުގެ ދުވަސް ތަފާތު ހަރަކާތްތަކާ އެކު ގިނަ ރަށްތަކެއްގައި ފާހަގަކޮށްފިއެވެ. މާދަރީބަހުގެ ދުވަސް ފާހަގަކުރުމުގެ ގޮތުން ތިން ކައުންސިލަކުން ވަނީ ޚާއްސަ ހަރަކާތްތަކެއް ކުރިޔަށް ގެންގޮސްފައެވެ. އެގޮތުން މުވައްޒަފުންގެ ހިތްތަކުގައި މާދަރީބަހާއި، އަދަބިއްޔާތަށާއި ޤައުމިއްޔަތަށް ލޯ ބިޖެއްސުމުގެ މަގުސަދުގައި މިދިޔަ ހަފުތާ ބުރާސްފަތި ދުވަހުގެ ހެނދުނު 9:00ގައި ކުރިއަށް ގެންދިޔަ އެސެންބުލީއެއް ވަނީ ބާއްވާފައެވެ. މި އެސެންބްލީގައި ހައްދުންމަތީ…

ހޯމްލޭންޑް ސެކިއުރިޓީ މިނިސްޓަރު އަލީ އިހްސާނަށް އިތުބާރު އޮތް ކަމަށް ރައްޔިތުންގެ މަޖިލީހުން ފާސްކޮށްފި އެވެ. މީގެ މަހަކަށް ވުރެ ގިނަ ދުވަސް ކުރިން އެމްޑީޕީގެ 12 މެމްބަރުންގެ ސޮޔާއެކު އިހުސާންގެ އިތުބާރު ނެތް ކަމުގެ މައްސަލައެއް މަޖިލީހަށް ވެއްދީ އޭނާ ގާނުނުތަކާ ޚިލާފުވެވަޑައިގެންފައިވާ ކަމަށް ބުނެއެވެ. އެގޮތުން، އެ މައްސަލައިގައި އެންމެ ބޮޑަށް ފާހަގަކޮށްފައި ވަނީ ޑިޕާޓްމެންޓް އޮފް ނެޝަނަލް ރެޖިސްޓްރޭޝަން (ޑީއެންއާރު)ގެ މައުލޫމާތު ބޭނުންކޮށްގެން ވެރިކަން ކުރާ ޕީއެންސީއަށް މެމްބަރުން ވެއްދި ކަމަށެވެ. މިއަދުގެ…

އެގްރިކަލްޗަރ މިނިސްޓްރީގެ ބެލުމުގެދަށުގައި އޮތް، ދ. އަތޮޅު އުއްދޫ، ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާއި ބެހޭ ވުޒާރާ އާއި ހަވާލު ކޮށްފިއެވެ. އުއްދޫ ސިޓީސް މިނިސްޓްރީއާއި ރަސްމީކޮށް ހަވާލު ކުރެއްވީ، މިހާރު ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ދ. އަތޮޅަށް މިހާރު ކުރައްވަމުންގެންދަވާ ދަތުރުފުޅުގެ ތެރެއިންނެވެ. އުއްދޫ ރަސްމީކޮށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާއި ބެހޭ ވުޒާރާގެ މިނިސްޓަރ އާދަމް ޝަރީފް އާއި ހަވާލު ކުރެއްވީ އެގްރިކަލްޗަރ މިނިސްޓަރ ޑރ. މަރްޔަމް…

ދ. ކުޑަހުވަދޫގައި ވިޔަފާރި ބަނދަރެއް ތަރައްޤީކުރުމަށްޓަކައި މޯލްޑިވްސް ޕޯޓްސް ލިމިޓެޑާއި ހަވާލުކޮށްފިއެވެ. ރައިސުލް ޖުމުހޫރިއްޔާ ޑރ. މުޙައްމަދު މުއިއްޒު ދ އަތޮޅަށް މިހާރު ކުރަވަމުން ގެންދަވާ ދަތުރުފުޅުގައި، މި މަސައްކަތް ހަވާލުކުރުމުގެ އެއްބަސްވުމުގައި ސޮއިކުރެއްވީ އިކޮނޮމިކް މިނިސްޓަރ މުޙައްމަދު ސައީދުއާއި އެމްޕީއެލްގެ ސީއީއޯ މުހައްމަދު ރިޝްވާންއެވެ. ކުޑަހުވަދޫ ވިޔަފާރި ބަނދަރު ތަރައްޤީކުރުމާއި ގުޅޭގޮތުން ވާހަކަދައްކަވަމުން ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ވިދާޅުވީ އެރަށުގައި ވިޔަފާރި ބަނދަރެއް ތަރައްޤީކުުރުމުގެ ވާހަކައަކީ އަބަދުވެސް ދެކެވޭ ވާހަކައެއް ނަމަވެސް އެ މަޝްރޫޢު…

އިތުރު ޚިދުމަތްތަކާއި އެކު މާއެނބުދޫ ސިއްޙީ މަރުކަޒުގެ އައު އިމާރާތް ހުޅުވައިފިއެވެ. މި އިމާރާތް ހުޅުވައިދެއްވީ ރައީސުލްޖުމުހޫރިއްޔާ ޑރ. މުހައްމަދު މުއިއްޒު އެވެ. އެމަނިކުފާނު ދ. އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން މާއެނބޫދޫގައި ޤާއިމްކޮށްފައިވާ ސިއްޙީ މަރުކަޒު ހުޅުއްވައި ދެއްވާ އެމަނިކުފާނު ވަނީ އެތަން ބައްލަވާ ލައްވާފައެވެ. މާއެނބޫދޫ ސިއްޙީ މަރުކަޒުގެ އައު އިމާރާތަކީ އެ މަރުކަޒުން ޚިދުމަތް މިހާރު ދިނުމަށް ދިމާވެފައިވާ ޖާގައިގެ ދަތިތަކަށް ހައްލެއް ހޯއްދައިވައި ދެއްވުމަށް، ތަރައްޤީކޮށްފައިވާ އިމާރާތެކެވެ. މާއެނބޫދޫ ސިއްޙީ…