މެލޭޝިއާގައި ގެއްލިގެން ހޯދަމުން ދިޔަ ދިވެހި ރައްޔިތެއް ކަމަށްވާ އަޙްމަދު ޢުސައިދު އިބްރާހީމް އަފީފް ފެނިއްޖެއެވެ. ޢުސައިދު ފެނުނުއިރު ހުރީ މެލޭޝިއާގެ ފުލުހުންގެ ބެލުމުގެ ދަށުގައެވެ. ނަމަވެސް އޭނާ މެލޭޝިއާގެ ފުލުހުންގެ ބެލުމުގެ ދަށުގައި ހުރި ސަބަބު އަދި އެނގިފައި ނުވެއެވެ. ރައްޔިތުންގެ ހާއްސަ މަޖިލީހުގެ ބ. އަތޮޅުގެ ކުރީގެ މެންބަރު އިބްރާހީމް އަފީފްގެ ދަރިފުޅު އުސެއިދު އަކީ މެލޭޝިއާގެ މޮނާޝް ޔުނިވާސިޓީގައި ކިޔަވަމުން ދިޔަ ދަރިވަރެކެވެ. އުސެއިދުގެ ބައްޕަ، އަފީފް ރޭ ފޭސްބުކުގައި ކުރެއްވި ޕޯސްޓެއްގައި…

ޕޯސްޓު މެދުވެރިކޮށް ރާއްޖެ އެތެރެކުރަން އުޅުނު ކިލޯއެއްހާ މަސްތުވާތަކެތި މޯލްޑިވްސް ކަސްޓަމްސް ސާވިސްއިން އަތުލައިގެންފިއެވެ. މޯލްޑިވްސް ކަސްޓަމްސް ސާވިސްއިން "އެކްސް" ގައި ކުރި ޕޯސްޓެއްގައި ބުނެފައިވާ ގޮތުގައި، އިއްޔެ އަތުލައިގަތް މިތަކެއްޗަކީ ކެނެބިސް ކަމަށްވާއިރު، އޭގެ ބަރުދަނުގައި 1070 ގްރާމް ހުރިކަމަށް ވެއެވެ. މި މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައިވާކަން ނުވަތަ ނޫންކަން އަދި އެނގިފައެއް ނުވެއެވެ.  

’ގެދޮރުވެރިޔާ' ސްކީމުގެ ދަށުން ހުޅުމާލޭގައި އަޅާ 4،000 ހައުސިންގ ޔުނިޓު ލިބޭނެ ފަރާތްތަކުގެ ލިސްޓަށް ޝަކުވާ ހުށަހަޅަން ބޭނުންވާ ފަރާތްތަކަށް އެހީތެރިކަން ފޯރުކޮށްދިނުމަށް މާލޭ ސިޓީ ކައުންސިލުން މިއަދު ނިންމައިފިއެވެ. މިއަދު ބޭއްވުނު ކައުންސިލް ބައްދަލުވުމުގައި، ބައްދަލުވުމަށް ޙާޟިރުވެވަޑައިގެންނެވި 12 ކައުންސިލަރުންގެ ތެރެއިން 8 ކައުންސިލަރުންގެ ވޯޓުން، ފްލެޓް ލިސްޓަށް ޝަކުވާ ހުށަހެޅުމަށް އެހީތެރިކަން ފޯރުކޮށްދޭނެ ސެޓްއަޕެއް ސިޓީ ކައުންސިލްގައި ޤާއިމުކުރުމަށް ފާސްކުރިއެވެ. ހައުސިންގ މިނިސްޓްރީން ފްލެޓް ލިބޭ ފަރާތްތަކުގެ ލިސްޓު މިދިޔަ ހަފުތާ ބުރާސްފަތި ދުވަހު…

އެޓަރނީ ޖެނެރަލްގެ އޮފީހުން ލީގަލް އެއިޑް ކޮންސަލްޓަންޓުންގެ ގޮތުގައި މަސައްކަތްކުރާނެ 6 ޤާނޫނީ ވަކީލުން ހޯދުމަށް އިޢުލާންކޮށްފިއެވެ. މި ވަކީލުންނަކީ ދައުލަތުގެ ފަރާތުން ޤާނޫނީ ވަކީލެއްގެ އެހީތެރިކަމަށް އެދޭ ފަރާތްތަކަށް ޤާނޫނީ އެހީތެރިކަން ފޯރުކޮށްދިނުމަށް ޚާއްޞަކޮށްގެން ހޯދާ ފަރާތްތަކެކެވެ. އިޢުލާނުގައި ބަޔާންކޮށްފައިވާ ގޮތުން، މި މަޤާމަށް ކުރިމަތިލުމަށް ޝައުޤުވެރިވާ ފަރާތްތަކުން "ޓާމްސް އޮފް ރިފަރެންސް" ގައި ބަޔާންކޮށްފައިވާ ލިޔެކިޔުންތައް މި މަހުގެ 16 ވަނަ ދުވަހުގެ މެންދުރުފަހު 2:00 ގެ ކުރިން އެޓަރނީ ޖެނެރަލްގެ އޮފީހަށް ހުށަހަޅަންވާނެއެވެ.…

މޯލްޑިވްސް ކަރެކްޝަނަލް ސަރވިސްގެ އައްސޭރި ޖަލާއި ހުޅުމާލޭ ޖަލުގައި ޙުކުމް ތަންފީޒުކުރަމުންދާ ޤައިދީންނަށް ރަމަޟާން މަހަށް ޚާއްސަކޮށް 'އަވަސްވެ ގަންނާށެ' މި ނަމުގައި ޕްރޮގްރާމެއް ފަށައިފިއެވެ. ފަސް ހަފްތާއަށް ބަހައިގެން ކުރިއަށްގެންދާ މި ޕްރޮގްރާމްގައި އައްސޭރި ޖަލުގެ 116 ޤައިދީން ބައިވެރިވެފައިވެއެވެ. އަދި ހުޅުމާލޭ ޖަލުން ބައިވެރިވީ 51 ޤައިދީންނެވެ. މި ޕްރޮގްރާމުގެ މަޤްޞަދަކީ ޤައިދީން ރަމަޟާން މަހަށް ފުރިހަމަ ގޮތުގައި އިސްތިޤްބާލު ކުރުވުމާއި އެ މައްސަރުގެ ބޭނުން އެންމެ އެދެވޭ ގޮތުގައި ހިފުމަށް ބާރުއެޅުމާއި، އިސްލާމް…

މިދިޔަ ފެބުރުއަރީ މަހުގެ ނިޔަލަށް ރާއްޖެއަށް ހަތަރު ލައްކައަށް ވުރެ ގިނަ ފަތުރުވެރިން ޒިޔާރަތްކޮށްފައިވާ ކަމަށް ޓޫރިޒަމް މިނިސްޓްރީގެ ތަފާސްހިސާބުތަކުން ދައްކައިފިއެވެ. މި ނިމުނު ފެބުރުއަރީމަހު ރާއްޖެއަށް 200004 ފަތުރުވެރިން ވަނީ ޒިޔާރަތްކޮށްފައެވެ. މިދިޔަ އަހަރުގެ މި މުއްދަތުގައި ރާއްޖެއަށް ޒިޔާރަތްކުރީ 392389 ފަތުރުވެރިންނެވެ. ޖަނަވަރީމަހުވެސް ރާއްޖެއަށް 2 ލައްކައަށްވުރެ ގިނަ ފަތުރުވެރިން ޒިޔާރަތްކޮށްފައިވެއެވެ. މިއަހަރުގެ ޖަނަވަރީ މަހު ރާއްޖެއަށް 214،863 ފަތުރުވެރިން ޒިޔާރަތް ކުރިއެވެ. ފެބުރުއަރީ މަހުގެ ނިޔަލަށް ރާއްޖެއަށް 417234 ފަތުރުވެރިން ޒިޔާރަތްކޮށްފައިވާކަމަށް ތަފާސްހިސާބުތަކުން…

ސުޕްރީމް ކޯޓުގެ ފަނޑިޔާރު ހުސްނުއްސުއޫދު ފަނޑިޔާރުކަމުން މިއަދު އިސްތިއުފާ ދެއްވައިފިއެވެ. ހުސްނުއްސުއޫދު ގެ އިސްތިއުފާ ސިޓީ ސޯޝަލް މީޑިއާގައި ދަނީ ދައުރުވަމުންނެވެ. އެ ސިޓީގައި ވިދާޅުވެފައިވަނީ ރައްޔިތުންގެ މަޖިލީހުގެ މެމްބަރުން ޕާޓީން ވަކިވެއްޖެ ނަމަ ނުވަތަ ވަކިކޮށްފި ނަމަ ގޮނޑި ގެއްލޭ ގޮތަށް ގާނޫނުއަސާސީއަށް ގެނައި އިސްލާހު ބާތިލް ކޮށްދިނުމަށް އެދި ސުޕްރީމް ކޯޓަށް ހުށަހަޅާފައިވާ މައްސަލަ ބެލުމުގެ އިހުތިސާސް އެ ކޯޓަށް ލިބިގެންވާ ކަމަށް ނިންމުމާ އެކު، ރައީސް ޑރ. މުހައްމަދު މުއިއްޒުގެ ސަރުކާރުގެ ފަރާތުން…