ދުނިޔޭގެ ނޫސްވެރިކަމުގެ މިނިވަންކަމުގެ ދުވަހާ ގުޅިގެން، ވަކި އަތަކަށް ނުޖެހޭ އިންސާފުވެރި އަދި ޒިންމާދާރު ނޫސްވެރިކަމަކަށް މަގުފަހިވާނެ މާހައުލެއް ގާއިމުކުރުމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު ގޮވާލައްވައިފިއެވެ. މި ދުވަހުގެ ތަހުނިޔާ ފޮނުއްވައި ސޯޝިއަލް މީޑިއާގައި ހިއްސާކުރެއްވި މެސެޖެއްގައި އެކަމަނާ ވަނީ، ޑިމޮކްރަސީގެ އުސޫލުތައް ނެގެހެއްޓުމަށާއި، އިންސާނީ ހައްގުތައް ރައްކާތެރިކުރުމުގެ އިތުރުން ކޮރަޕްޝަން ނައްތާލުމުގައި މިނިވަން ނޫސްވެރިކަން އަދާކުރާ މުހިންމު ދައުރު ފާހަގަކުރައްވާފައެވެ. މީގެ އިތުރުން މިއަދަކީ ނޫސްވެރިންގެ އަޚުލާގީ މިންގަނޑުތަކާމެދު ފުންކޮށް ވިސްނަންވީ ދުވަހެއްކަން ފާހަގަކުރައްވައި،…

ނޫސްވެރިންގެ ޖަމިއްޔާ (އެމްޖޭއޭ)އިން ނުވަ ކަމެއް ސަރުކާރަށް މިއަދު ހުށަހަޅައިފި އެވެ. ނޫސްވެރިކަމުގެ މިނިވަންކަމުގެ ދުވަހާ ގުޅިގެން އެމްޖޭއޭއިން މިއަދު ނެރުނު ބަޔާނެއްގައި ވަނީ، ރިޕޯޓާސް ވިތުއައުޓް ބޯޑާސް (އާރުއެސްއެފް)އިން ނެރުނު މިއަހަރުގެ ނޫސްވެރިކަމުގެ މިނިވަންކަމުގެ އިންޑެކްސްގައި ރާއްޖެ ހަތަރު ދަރަޖަ ފަހަތަށް ސޮއްސާލައިފައިވާ ކަމަށާއި މިއީ ނޫސްވެރިކަމުގެ މިނިވަންކަން ހިމާޔަތްކުރުމަށް ވަގުތުން ފިޔަވަޅު އަޅަންޖެހިފައިވާ ވަގުތެއް ކަަމަށެވެ. "ނޫސްވެރިންނަށް ބިރުދެއްކުމާއި ނޫސް އިދާރާތަކަށް ފުލުހުން ވަދެ ހިންގާ އަމަލުތަކަކީ ޑިމޮކްރެޓިކް މުޖުތަމައުއެއްގައި ބަލައިގަނެވޭނެ ކަންކަމެއް ނޫނެވެ.…

އެމްޑީޕީގެ ޗެއާޕާސަން ކަމަށް ވާދަކުރައްވަން ކުރީގެ ރައީސް މުހައްމަދު ނަޝީދު ފޯމު ހުށަހަޅުއްވައިފި އެވެ. ޗެއާޕާސަންގެ މަގާމަށް ކުރިމަތިލާން ނަޝީދު ފޯމު ހުށަހެޅުއްވީ މިދިޔަ މަހުގެ 28 ގަ އެވެ. އެމްޑީޕީގެ ޗެއާޕާސަންގެ މަގާމަށް ދެން ވާދަކުރައްވާ ގަލޮޅު ދެކުނު ދާއިރާގެ މެމްބަރު މީކާއިލް ނަސީމް ވެސް ވަނީ ފޯމު ހުށަހަޅުއްވާފަ އެވެ. ޗެއާޕާސަންގެ މަގާމަށް ވާދަކުރައްވަން ފޯމު ހުށަހެޅުމުގެ މުއްދަތު މިއަދުގެ މެންދުރު 2:00 ގައި ހަމަވާނެ އެވެ. އިންތިހާބު ބޭއްވުމަށް ތާވަލުކޮށްފައިވަނީ އަންނަ މަހުގެ…

އެމްޑީޕީގެ ޗެއާޕާސަން އިންތިހާބު ފަސްކުރަން އެ ޕާޓީގެ ވަގުތީ ޗެއާޕާސަން އަބްދުލްޣަފޫރު މޫސާ (ގަޕޯ) ހުށަހަޅުއްވައިފި އެވެ. އެމްޑީޕީގެ ގައުމީ މަޖިލީހުގެ ވަޓްސްއެޕް ގްރޫޕަށް ފޮނުއްވި މެސެޖެއްގައި ގަޕޯ ވިދާޅުވީ ޗެއާޕާސަން އިންތިހާބާއި ގައުމީ މަޖިލިސް އިންތިހާބު މިވަގުތު ބާއްވައިފިނަމަ ޕާޓީގެ އެތެރޭގެ މަސްލަހަތު ގެއްލި، އޭގެ ސަބަބުން ސަރުކާރު ޖަވާބުދާރީކުރުވުމުގެ މަސައްކަތަށް ހުރަސްތަކެއް ކުރިމަތިވެދާނެ ކަމަށެވެ. ދެވަނަ ކަމެއްގެ ގޮތުގައި ގަޕޯ ފާހަގަ ކުރެއްވީ ދެ އިންތިހާބު ބާއްވަން ފައިސާ ނެތުމެވެ. އެގޮތުން، ދައުލަތުގެ ބަޖެޓުން…

ށ. ފޯކައިދޫ ޕޮލިސް ސްޓޭޝަންގެ އިންޗާޖަށް އަމާޒުކޮށް އޭނާގެ ސައިކަލުގައި ގަސްތުގައި ރޯކޮށްލި މައްސަލަ ފުލުހުން ސީރިއަސް މައްސަލައެއްގެ ގޮތުގައި ތަހުގީގު ކުރަން ފަށައިފިއެވެ. މިދިޔަ ހޯމަ ދުވަހުގެރޭ 10:30 ހާއިރު ހިނގި މި ހާދިސާގައި، އިންޗާޖު ދިރިއުޅޭ ގޭގެ ކައިރީގައި ބަހައްޓާފައި ހުރި އެ ސައިކަލު ވަނީ ބޭނުން ނުކުރެވޭ ވަރަށް އަންދާލާފައެވެ. އަދި އަލިފާނުގެ ސަބަބުން އެ ގޭގެ ގޭޓަށާއި ގޭގެ ބައެއް ސަރަހައްދުތަކަށް ވެސް ވަނީ ގެއްލުންތަކެއް ލިބިފައެވެ. މިކަމާ ގުޅިގެން ފުލުހުން…

ބައިނަލްއަގުވާމީ މަސައްކަތްތެރީންގެ ދުވަހުގެ މުނާސަބަތުގައި ސޯޝަލް މީޑިއާގެ އެކްސްގައިވެސް ރައީސުލްޖުމްހޫރިއްޔާ ގެ ދެކަނބަލުން ދުވަހުގެ ތަހުނިޔާ ފޮނުއްވައިފިއެވެ. ރައީސުލްޖުމްހޫރިއްޔާގެ މެސެޖުގައި، އަމިއްލަ ނަފްސާއި ޢާއިލާގެ ފުދުންތެރިކަމަށްޓަކައި، އަދި ޤައުމުގެ ލާބައާއި މަންފާއަށްޓަކައި ކޮންމެ ދާއިރާއެއްގައި ބުރައުފުލާ މަސައްކަތްތެރިއަކީވެސް ޝަރަފްވެރިއެއްކަމަށާއި އެއީ މި ޤައުމުން އަގުވަޒަން ކުރާނެ ޚިދުމަތްތެރިއެއްކަމުގައި ވިދާޅުވިއެވެ. އަދި ބައިނަލްއަޤްވާމީ މަސައްކަތްތެރިންގެ ދުވަހުގެ ތަހުނިޔާ އަރިސްކުރައްވަނީ، ދިވެހިރާއްޖެ މިއަދު މިދެކޭ ކުރިއެރުންތައް މި ޤައުމަށް ގެނެސްދިނީވެސް، އަދި މާދަމާއަށް ދިވެހީންކުރާ އުންމީދުތައް ހަގީގަތަކަށް ހަދައިދެވޭނީވެސް ހީވާގި މަސައްކަތްތެރީންނަށްކަން ޤަބޫލުކުރައްވަމުން،…

ކުރިމަތިފަރާތުގައި ފޮރުވައިގެން ކޮކެއިން ގެނައި ދިވެހި އަންހެނަކު ހައްޔަރުކޮށްފިއެވެ. ކުރިމަތިފަރާތުގައި ފޮރުވައިގެން ކޮކެއިން ރާއްޖެއަށް އެތެރެކުރިކަމުގެ ތުހުމަތުގައި ހައްޔަރުކޮށްފައިވަނީ، މއ. މޯނިންވިޔު އާމިނަތު ޝަފަގު، 32އ އެވެ. އޭނާގެ ބަންދަށް ކްރިމިނަލް ކޯޓުން ވަނީ ބުރާސްފަތި ދުވަހު، 30 ދުވަހުގެ މުއްދަތެއް ޖަހައިފައެވެ. މި އަންހެން މީހާގެ ބަންދު އަމުރުގައި ބުނެފައިވާ ގޮތުގައި އޭނާގެ ކުރިމަތިފަރާތުގައި އެއްޗެއް ފޮރުވައިގެން އުޅޭ ކަމަށް އެކްސްރޭއިން ދައްކާތީ، އެއީ ކޯޗެއްތޯ ސުވާލުކުރުމުން އެއީ ކޮކެއިން ކަމަށް އޭނާ ވަނީ އެއްބަސްވެފައެވެ.…

ހުޅުމާލެ ފޭސް ދޭއްގައި ހުންނަ އެމްޕީއެލްގެ ޓަވަރުން މީހަކު ވެއްޓި މަރުވެއްޖެ އެވެ. ވެއްޓިފައި ވަނީ އަންހެނެކެވެ. އޭނަ ވެއްޓިފައިވަނީ އެމްޕީއެލްގެ އެމް ޓަވަރާއި ޕީ ޓަވަރާ ދެމެދަށް ވާގޮތަށް އިންނަ ބައިގެ ހަ ވަނަ ބުރިންނެވެ. މި ހާދިސާ ހިނގަން މެދުވެރިވި ސަބަބެއް ސާފެއް ނުވެ އެވެ. ފުލުހުން ބުނީ އެކަން އިތުރަށް ބަލަމުން އަންނަ ކަމަށެވެ.