މިއަދު ހަވީރު މާލޭގެ ބައެއް ސަރަހައްދުތަކުން ކަރަންޓު ކެނޑިދާނެކަމަށް ސްޓެލްކޯއިން ބުނެފިއެވެ. ‏ސްޣެލްކޯއިން ބުނެފައިވަނީ މިއަދު ހަވީރު 4:00 އިން 4:30 އާ ދެމެދު މާލޭގެ ބޮޑުތަކުރުފާނު މަގުގައި ހުންނަ ހުޅުމާލޭ ފެރީޓާމިނަލް ސަރަޙައްދުގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތެއް ކުރުމަށް ހަމަޖެހިފައިވާ ކަމުގައެވެ. އެގޮތުން މި މަސައްކަތް ކުރިއަށްދާ ވަގުތު އެ ސަރަޙައްދުން ކަރަންޓުގެ ޚިދުމަތް މެދުކެމިނޑުމަކީ އެކަށީގެންވާ ކަމެއް ކަމަށާއި ކަސްޓަމަރުންނަށް ދިމާވެދާނެ ދަތިތަކަށް މަޢާފަށް އެދޭކަމަށްވެސް ސްޓެލްކޯއިން ބުނެފައި ވެއެވެ.

ހުޅުމާލޭގެ 2 ވަނަ ފިޔަވަހީގެ ރުއްގަނޑު 3 ގެ ބީޗް ސަރަހައްދުގައި އަމިއްލަ ފަރާތްތަކުން ހަދާފައިވާ ހަޓްތައް ނަގައި، އެ ސަރަހައްދު ތަރައްގީ ކުރަން ނިންމައިފިއެވެ. ހައުސިންގް ޑިވެލޮޕްމެންޓް ކޯޕަރޭޝަން (އެޗްޑީސީ) އިން ބުނީ، އެ ސަރަހައްދު ތަރައްގީ ކުރުމަށް އެތަނުގައި ހުރި ހަޓުތަކާއި، އެތާނގައި ބަހައްޓާފައިވާ ތަކެތި މި މަހުގެ 30 ގެ ނިޔަލަށް ނަގަން އަންގާފައިވާ ކަމަށެވެ. އިތުރަށް އެޗްޑީސީއިން ބުނީ، ދެވިފައިވާ މުއްދަތުގައި މި ތަކެތި ނަގާފައި ނުވާނަމަ، އެ ތަކެތި ނަގައި…

އިންޑިއާއިން ރާއްޖޭގައި އޮޕަރޭޓުކުރާ ދެ ހެލިކޮޕްޓަރުގެ ތެރެއިން އެއް ހެލިކޮޕްޓަރު އެމްއެންޑީއެފްގެ ހުއްދައެއް ނެތި ތ. ތިމަރަފުށީގައި ޖެއްސިކަމަށް ވިދާޅުވެ ޑިފެންސް މިނިސްޓަރ ޢައްސާން މައުމޫން ދެއްކެވި ވާހަކަ އިންޑިއާ ހައިކޮމިޝަނުން ދޮގު ކޮށްފިއެވެ. މިމަހުގެ 11 ވަނަ ދުވަހު ދިވެހި ސަރުކާރުން ބޭއްވި ނޫސްވެރިންގެ ބައްދަލުވުމުގައި، ރާއްޖޭގައި ބޭނުން ކުރަމުންދާ އިންޑިއާގެ ހެލިކޮޕްޓަރ ހުއްދަ ނެތި ބޭނުންކޮށްފައިވާކަމަށް ވިދާޅުވެ ޑިފެންސް މިނިސްޓަރ ދެއްކެވި ވާހަކައާއި ގުޅިގެން އިންޑިއާ ހައިކޮމިޝަނުން މިއަދު ނެރުނު ބަޔާނެއްގައި ބުނެފައިވަނީ، ރާއްޖޭގައި…

ހއ.ދިއްދޫއަށް ރޭ ކުރި ވިއްސާރައިގައި އެ ރަށުގެ ހަ ގެއެއްގެ ފުރާޅު އެއްލާލައިފިއެވެ.  ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) ބުނެފައިވަނީ ގެއްލުން ލިބުނު ގެތަކުގެ ފުރާޅުތައް އަލަށް ހަރުކުރުމުގެ ކުރިން ކަމާބެހޭ އިދާރާތަކުން ހަލާކުވި ފުރާޅުތައް ނެގުމުގެ މަސައްކަތް ކުރަމުން އަންނަ ކަމަށާއި، އެގެތަކުގެ އާއިލާތަކަށް ވަގުތީ ބޯހިޔާވަހިކަން މިހާރު ފޯރުކޮށްދީފައިވާ ކަމަށެވެ. އަދި އޭގެ ތެރެއިން ބައެއް އާއިލާތަކުން ގާތްތިމާގެ މީހުންނާ އެކު ހިޔާވަހިކަން ހޯދާފައިވާ ކަމަށް އެންޑީއެމްއޭ ބުނެފައި ވެއެވެ. އަދި އަންގާރަ ދުވަހުގެ ރޭގެ ވަގުތެއްގައި އެ އާއިލާތައް ގެތަކަށް ދެވޭނެ ކަމަށް އުއްމީދު ކުރާކަމަށްވެސް އެންޑީއެމްއޭ ބުނެފައި ވެއެވެ. ގެއްލުން ލިބުނު ކޮންމެ ގެއެއްގެ ފުރާޅުގެ ގެއްލުން ތައް މަރާމާތު ކުރުމަށް 150،000 ރުފިޔާ ޚަރަދުވާނެކަަމަށް ލަފާ ކުރެވޭކަމަށްވެސް އެންޑީއެމްއޭ އިން ބުނެފައި ވެއެވެ.

މާލޭގައި ސިފައިންގެ އާއިލާތައް ދިރިއުޅެމުން އަންނަ ބަނޑޭރިކޮށީގެ އެޕާޓްމެންޓެއްގައި މަރުވެފައި އޮއްވައި މިރޭ ފެނުނު މީހާގެ އޮޓޮޕްސީއެއް ހަދަން ނިންމައިފިއެވެ. ފުލުހުންގެ ތަރުޖަމާނު އަހުމަދު ޝިފާން މީޑިއާތަކާ ހިއްސާކުރެއްވި މެސެޖެއްގައި ވިދާޅުވީ އެ މީހާގެ މަރުގެ ތަހުގީގު ކުރުމަށް، އޮޓޮޕްސީއެއް ހަދަން ނިންމައިފައިވާ ކަމަށެވެ. ފުލުހުން މީގެ ކުރިން ބުނެފައިވާ ގޮތުގައި، ބަނޑޭރިކޮށީގެ އެޕާޓްމެންޓެއް މިރޭ ފުލުހުން ބަލައި ފާސްކުރީ ލިބުނު މައުލޫމާތަކާ ގުޅިގެންނެވެ. އެ އެޕާޓްމެންޓުން މަރުވެފައި އޮއްވައި ފެނުނީ 30 އަހަރުގެ ދިވެހި ފިރިހެނެއް…

އިންޑިއާއިން ރާއްޖޭގެ ބަޖެޓު ސަޕޯޓަށް ދިން 50 މިލިއަން ޑޮލަރުގެ ޓީބިލު ރާއްޖެއިން އަނބުރާ ދައްކަންޖެހޭ މުއްދަތު އިތުރު އެއް އަހަރު ފަސްކޮށްދީފައިވާ ކަމަށް ރާއްޖޭގެ ފޮރިން މިނިސްޓްރީން ބުނެފިއެވެ. އެ މިނިސްޓްރީން މިއަދު ނެރުނު ބަޔާނެއްގައި ބުނީ ބަޖެޓު ސަޕޯޓަށް ދިން އެ ޓީބިލު ދެއްކުން ފަސްކޮށްދިނުމަށް އިންޑިއާ ސަރުކާރުން ނިންމީ މިދިޔަ ހަފުތާ ތެރޭ ފޮރިން މިނިސްޓަރު މޫސާ ޒަމީރު އިންޑިއާއަށް ކުރެއްވި ރަސްމީ ދަތުރުފުޅުގެ ތެރެއިން އެދިވަޑައިގަތުމުން ކަމަށެވެ. އެ ކަން ހާމަކޮށް…

އިނގިރޭސިވިލާތުގެ މިނިސްޓަރ އޮފް ސްޓޭޓް ފޮރ ދަ އިންޑޯ-ޕެސިފިކް، ދަ ރައިޓް އޮނަރަބަލް އޭން-މެރީ ޓްރެވެލިޔަން، އެމް.ޕީ. ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފްގެ އަރިހަށް އިޙުތިރާމުގެ ޒިޔާރަތެއް ކުރައްވައިފިއެވެ. މި ބައްދަލުކުރެއްވުން ކުރިއަށްދިޔައީ މިއަދު ހެނދުނު ރައީސުލްޖުމްހޫރިއްޔާގެ އޮފީހުގައެވެ. މި ބައްދަލުކުރެއްވުމުގައި ރައީސުލްޖުމްހޫރިއްޔާގެ ނައިބު ދެއްކެވި ވާހަކަފުޅުގައި، އިނގިރޭސިވިލާތުގެ ސަރުކާރުން ދިވެހިރާއްޖެއަށް ވެދެއްވަމުން ގެންދަވާ އެހީތެރިކަމަށާއި، އެއްބާރުލެއްވުމަށްޓަކައި ޝުކުރު އަދާކުރެއްވިއެވެ. އަދި ދިވެހިރާއްޖެއާއި އިނގިރޭސިވިލާތާ ދެމެދު އޮތް ދޭދޭ ގުޅުން އިތުރަށް ވަރުގަދަ ކުރުމަށާއި،…

ބައިނަލްއަގުވާމީ ނަރުހުންގެ ދުވަސް ފާހަގަކުރުމުގެ ގޮތުން، ނަރުހުންނަށް އަމާޒުކޮށްގެން އެމްއެންޑީއެފުން ލީޑަރޝިޕް އެންހޭންސްމެންޓް ޕްރޮގްރާމެއް ހިންގައިފިއެވެ. މޭ 11 ވަނަ ދުވަހު ކުރިއަށްގެންދިޔަ މި ޕްރޮގްރާމްގެ އިވެންޓްތައް ބާއްވާފައިވަނީ ކ.ގިރިފުށީގައެވެ. މި ޕްރޮގްރާމަކީ އެމްއެންޑީއެފް މެޑިކަލް ކޯރއިން އިސްނަގައިގެން، އެމްއެންޑީއެފް ކޮލެޖް އޮފް ޑިފެންސް ސެކިއުރިޓީ ސްޓަޑީޒްއާ ގުޅިގެން ކުރިއަށް ގެންދިޔަ ހަރަކާތެކެވެ. ޓީމް ބިލްޑިންގްއާއި ލީޑަރޝިޕާ ގުޅުންހުރި ހަރަކާތްތައް ހިމަނައިގެން ކުރިއަށް ގެންދިޔަ މި ޕްރޮގްރާމްގައި، މާލެ ސިޓީގެ ހޮސްޕިޓަލްތަކުންނާއި، އެމްއެންޔޫގެ ސްކޫލު އޮފް ނާސިންއާއި،…