މިދިޔަ މަހުގެ 26 ވަނަ ދުވަހު ގދ. ތިނަދޫ ސިޓީ ކައުންސިލަށް ބަދަލުވުމުން އެ ރަށު ކައުންސިލަރުންގެ ގޮތުގައި ތިއްބެވި މެންބަރުން އަލުން ހުވާކޮށްފި އެވެ. ތިނަދޫ ކައުންސިލް ސިޓީ ކައުންސިލަކަށް ބަދަލުވުމާއި ގުޅިގެން ތިނަދޫ ސިޓީގެ ޑެޕިއުޓީ މޭޔަރާއި، ސިޓީ ކައުންސިލުގެ މެމްބަރުން ހުވައި ކުރެއްވުމާއި، ތިނަދޫ ސިޓީގެ އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ މެމްބަރުން މަގާމުގެ އިގުރާރުގައި ސޮއިކޮށް ހުވާ ކުރެއްވީ ރޭ ބޭއްވި ހާއްސަ ރަސްމިއްޔާތެއްގަ އެވެ. އަލަށް ހުވާކުރެއްވި މެމްބަރުންނަށް ހުވާ…

އއ. ގަލަގިލި ފަޅަކީ އެ އަތޮޅު އުކުޅަހުގެ ބައެއް ކަމުގައި ކަނޑައަޅައިފި އެވެ. ވަނގާރަކީ ތުރާކުނުގެ ބައެއްގެ ގޮތުގައި ކަނޑައެޅުއްވީ ރައީސް ޑރ. މުހައްމަދު މުއިއްޒު ސޮއިކުރައްވާ މިއަދު ނެރުއްވި ގަރާރަކުންނެވެ. ރައީސް މުއިއްޒު މި ގޮތަށް ކަނޑައެޅުއްވީ ރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުން ލިބިދޭ ބާރުގެ ދަށުންނެވެ. ރައީސް މުއިއްޒު މިއަދު ނެރުއްވި ގަރާރަކުން ހއ. ވަނގާރަކީ އެ އަތޮޅު ތުރާކުނު ބައެއްގެ ގޮތުގައި ވަނީ ކަނޑައަޅުއްވާފަ އެވެ. ރައީސްގެ ގަރާރަކުން…

ރައީސް ޑރ. މުހައްމަދު މުއިއްޒު، އިސްލާމީ ފަތުވާދޭ އެންމެ މަތީ މަޖިލީހަށް އާ މެމްބަރުން މިއަދު އައްޔަންކުރައްވައިފިއެވެ. އިސްލާމިކް މިނިސްޓްރީން ބުނި ގޮތުގައި އެ މަޖިލިހަށް އައްޔަން ކުރެއްވި މެމްބަރުންނަކީ ޑރ. މޫސާ އަންވަރު ހަސަން އާއި ޑރ. އަލީ ޒާހިރެވެ. އެ ދެ ބޭފުޅުން އައްޔަން ކޮށްފައިވަނީ ގާނޫނުގެ ނުވަ ވަނަ މާއްދާގެ (ށ)ގައި ބަޔާންކޮށްފައިވާ ގޮތުގެމަތިން ރާއްޖޭގެ ގައުމީ ޔުނިވަސީޓީ ނުވަތަ އިސްލާމިކް ޔުނިވަސިޓީގެ އެކަޑަމިކް މުވައްޒަފުންގެ ތެރެއިން އައްޔަންކުރާ މެމްބަރުންގެ ތެރެއިން ކަމަަށް…

ނ. މާފަރު ފަޅުތެރޭގައި އޮންނަ ފަރުމުލި އާއި ކަނޑިންމާހުރައަކީ އެ ރަށުގެ ބައެއްގެ ގޮތުގައި ކަނޑައަޅައިފިއެވެ. ފަރުމުލި އާއި ކަނޑިންމާހުރާ އަކީ މާފަރުގެ ބައެއްގެ ގޮތުގައި ކަނޑައަޅަން ނިންމާފައިވާ ކަން އިއުލާނުކޮށްފައިވަނީ ރައީސް މިއަދު ނެރުއްވައި ގެޒެޓު ކުރި ގަރާރުގައެވެ. ގަރާރުގައި ބުނެފައިވަނީ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުން ރައީސުލްޖުމްހޫރިއްޔާ އަށް ލިބިދޭ ބާރުގެ ދަށުން ނ އަތޮޅު ފަރުމުލި އާއި ކަނޑިންމާހުރާ އަކީ ނ. މާފަރުގެ ބައެއް ކަމުގައި ކަނޑައަޅާފައިވާ ކަމަށެވެ. މިއީ…

ވަޒީފާއާބެހޭ ޓްރައިބިއުނަލުގެ މެންބަރުކަމާއި ރައީސާއި ނައިބު ރައީސްކަމުގެ މަޤާމަށް، ރައީސް ޑރ. މުހައްމަދު މުއިއްޒު ބޭފުޅުން ޢައްޔަންކުރައްވައިފިއެވެ. މިބޭފުޅުން މަޤާމަށް ޢައްޔަން ކުރެއްވީ މިއަދު މެންދުރުފަހު ރައީސް އޮފީހުގައި އެކަމަށްޓަކައި ބޭއްވެވި ޚާއްޞަ ރަސްމިއްޔާތެއްގައެވެ. މި ރަސްމިއްޔާތުގައި ވަޒީފާއާބެހޭ ޓްރައިބިއުނަލްގެ މެންބަރުކަމަށާއި ރައީސްކަމުގެ މަޤާމަށް އައްޔަންކުރެއްވީ ޏ.ފުވައްމުލައް، ދަޑިމަގު. ގްލޯރީގެ  އިސްޙާޤު ޙުސައިނެވެ. އަދި ވަޒީފާއާބެހޭ ޓްރައިބިއުނަލްގެ މެންބަރުކަމަށާއި ނައިބު ރައީސްކަމަށް، އައްޔަންކުރައްވާފައި ވަނީ ޅ.ހިންނަވަރު، ހިޔާވަހި ފާޠިމަތު މަހީރާ މުޙައްމަދެވެ. މިރަސްމިއްޔާތުގައި ވަނީ ވަޒީފާއާބެހޭ ޓްރައިބިއުނަލްގެ…

ހުޅުމާލޭ ފޭސް ދޭއް އަދި ފޭސް ތިނެއްގައި މިސްކިތް އިމާރާތް ކުރަން ދެ ބިން މިއަދު ހަވާލުކޮށްފިއެވެ. މިސްކިތް ބިނާކުރުމަށް ބޭނުންވާ ބިން ހަވާލުކުރުމުގެ އެއްބަސްވުމުގައި އެޗްޑީސީގެ ފަރާތުން ސޮއި ކުރައްވާފައިވަނީ އެ ކޯޕަރޭޝަންގެ މެނޭޖިން ޑިރެކްޓާ އިބްރާހިމް ފަޒުލް ރަޝީދެވެ. އަދި އިސްލާމިކް މިނިސްޓްރީގެ ފަރާތުން ސޮއި ކުރެއްވީ މިނިސްޓަރ ޑރ. މުޙައްމަދު ޝަހީމް ޢަލީ ސަޢީދުއެވެ. މިސްކިތް ބިނާކުރުމަށް ހުޅުމާލޭ ދެ ވަނަ ފިޔަވަހިން 27،920 އަކަފޫޓުގެ ބިން ދޫކޮށްފައިވާއިރު، ފޭސް ތިނަކުން ދޫކޮށްފައިވަނީ…

ގާނޫނު ހަދާ މަޖިލީހަށް މެމްބަރުން އިންތިހާބު ކުރުމަށް ފޯކަސް ކުރުމުގެ ބަދަލުގައި އެމްޑީޕީގެ ބެނާތަކުން ވެސް ފެންނަނީ ބަދަލު ހިފުމުގެ ރާގަކަށް ހުރި އިބާރާތްތަކެއް ކަމަށް ޕީއެންސީގެ ތަރުޖަމާނު ހީނާ ވަލީދު ވިދާޅުވެއްޖެއެވެ. ޕީއެންސީ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ހީނާ ވިދާޅުވީ އެމްޑީޕީގެ ބެނާތަކާއި ޕޯސްޓަރުތައް ކަނޑައެޅިގެން އިލެކްޝަންސް ކޮމިޝަނުގެ ގާނޫނާ ހިލާފުވެފައިވާ އިރު، އެ ކަން އިލެކްޝަންސް ކޮމިޝަނަށް ނުފެންނަނީތޯ ސުވާލު ކުރައްވައިފަ އެވެ. ހީނާ ވިދާޅުވީ އެމްޑީޕީގެ ޗެއާޕާސަން ވާހަކަ ދައްކަވާ…

މަކަރާއި ހީލަތުން އޮޅުވާލައިގެން ވެހިކަލް ގެނެސްދޭނެ ކަމަށް ބުނެ ގިނަ ބައެއްގެ އަތުން ފައިސާ ނެގި މައްސަލައެއް ފުލުހުން ބަލަން ފަށައިފިއެވެ. ފުލުހުން މިއަދު ބުނީ، ވެހިކަލް ގެނެސްދޭނެ ކަމަށް ބުނެ އޮޅުވާލައިގެން ފައިސާ ނަގަމުންދާ ކަމުގެ ތުހުމަތު ކުރެވެނީ ''މެގަޓްރޯން މޮޓޯސް މޯލްޑިވްސް ވޭވް އިންޓަނޭޝަނަލް'' ނަމަކަށް ކިޔާ ކުންފުންޏަކަށް ކަމަށެވެ. އެހެންވެ ފުލުހުން ދަނީ އެ ކުންފުނިން އިތުރު މީހުންގެ އަތުން ފައިސާ ނަގާފައިވޭތޯ ބަލަމުންނެވެ. އެކުންފުންޏަށް ވެހިކަލް ގެނައުމުގެ ގޮތުން ފައިސާ ދައްކަވާފައިވާ ފަރާތެއްވާނަމަ…