އަލް މަނާސިކް ގުރޫޕުން އުމްރާއަށް ދިޔަ ދިވެއްސަކު ހާޓްއެޓޭކެއް ޖެހިގެން ނިޔާވެއްޖެ އެވެ. ރޭގެ ވަގުތެއްގައި ނިޔާވެފައިވަނީ މ. ސައްކެޔޮމާގެ މުޙައްމަދު އިމްތިޔާޒް (އިންތި) އެވެ. އޭނާގެ ކަށުނަމާދު މިއަދު ފަތިސް ނަމާދަށް ފަހު، ހަރަމްފުޅުގައި ވަނީ ބާއްވާފައެވެ. މި ސްކޫލު ބަންދުގައި 7726 މީހުން ރާއްޖޭން އުމްރާގެ އަޅުކަމަށް ގޮސްފައިވާ ކަމަށް އިސްލާމިކް މިނިސްޓްރީން ބުނެ އެވެ. އެންމެ ގިނަ އަދަދެއްގެ އުމްރާވެރިން ފުރީ  މިމަހުގެ 28 ވަނަ ދުވަހުއެވެ. އެދުވަހު އެކަނިވެސް 1049 ޢުމްރާވެރިން…

މަސާޖު ޕާލާތައް ބަންދުކުރުމަށް މިމަހުގެ 9 އިން ފެށި އޮޕަރޭޝަންގައި 96 މަސާޖު ޕާލާ ބަންދުކޮށްފައިވާ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ. އެކްސްގައި ކުރެއްވި ޕޯސްޓެއްގައި ރައީސް މުއިއްޒު ވިދާޅުވީ ހުއްދަ ނަގާފައިވާ ވިޔަފާރީގެ ބަދަލުގައި ފާޙިޝް އަމަލުތައް އެ ވިޔަފާރީގެ ނަން ބޭނުން ކޮށްގެން ހިންގަމުންދާ މަސާޖު ޕާލާތައް ބަންދުކުރުމަށް މިމަހުގެ ނުވަ ވަނަ ދުވަހު ފެށި އޮޕަރޭޝަންގެ ދަށުން މިއަދާ ހަމަޔަށް 96 މަސާޖު ޕާލާ ބަންދުކޮށްފައިވާ ކަމަށެވެ.…

ސަރުކާރުގެ އޮފީސްތަކުގައި މަސައްކަތްކުރާ ސިވިލް ސާވިސް އަންހެން މުވައްޒަފުން ރަސްމީ މަސައްކަތަށް ނުކުންނައިރު ހެދުން ވަކި މިންވަރަކަށްވުރެ ކުރުނުވާގޮތަށް ލާޒިމްކޮށް، ގަވާއިދު އިސްލާހުކޮށްފި އެވެ. މިއަދު އާންމު ކުރި އާ ގަވާއިދުގައިވާ ގޮތުން ރަސްމީ މަސައްކަތަށް އަންހެން މުވައްޒަފުން ނުކުންނަ އިރު ލާން ޖެހޭނީ، ފޫކޮޅު ނިވާވެ، ދެ އިންޗި އަށް ވުރެ ކުރު ނޫން ހެދުމެކެވެ. އާއްމުންނަށް ހިދުމަތް ދޭން އޮފީހަށް ނުކުންނައިރު، އާއްމު އިޖުތިމާއީ މިންގަނޑާ ހިލާފަށް ނުވަތަ ހަށިގަނޑު ނިވާ ނުވާ ގޮތަށް…

ކޭޕާކް ފްލެޓްތައް ވިއްކުމުގެ ނަމުގައި މީހުންގެ އަތުން ފައިސާ ނެގި މައްސަލާގައި ހަސަން މަމްދޫހު (މަންޑޭ) 397 އަހަރަށް ޖަލަށްލާން ކްރިމިނަލް ކޯޓުން މިއަދު ހުކުމްކޮށްފި އެވެ. ކުރިމިނަލް ކޯޓުގައި މިއަދު ބޭއްވި އެ މައްސަލައިގެ ޝަރީއަތުގައި ގާޒީ އަލީ ނަދީމް ވަކިވަކިން މަންޑޭގެ މައްޗަށް އިއްވި ހުކުމްތައް އެއްކޮށްލުމުން ޖުމްލަ 397 އަހަރުގެ ޖަލު ހުކުމެއް އޭނާ ތަންފީޒުކުރަންޖެހެއެވެ. 397 އަހަރުގެ ޖަލު ހުކުމުގައި ހިމެނެނީ ޓެކުމުގެ 46 ދައުވާގައި، ކޮންމެ ދައުވާއެއްގައި އަށް އަހަރުގެ…

ރާއްޖޭގެ ކުރީގެ މަޝްހޫރު ޑައިރެކްޓަރު އަބްދުލް ފައްތާހް ކުއްލި ގޮތަކަށް ނިޔާވެއްޖެ އެވެ. އެނގިފައިވާ ގޮތުގައި ފައްތާހު ނިޔާވީ ސްޓްރޯކެއް ޖެހިގެން ފަރުވާދެމުން އަންނަނިކޮށެވެ. ފައްތާހު އަށް ސްޓްރޯކެއް ޖެހިގެން އިމަޖެންސީގައި ފަރުވާއަށް ހއ. ދިއްދު އަށް ގެންދިޔައީ މިރޭ އިރާކޮޅެވެ. އޭނާ ނިޔާވީ ދިއްދޫގައި ހުންނަ އަތޮޅު ހޮސްޕިޓަލުގައި ފަރުވާދެމުން އަންނަނިކޮށެވެ. ފައްތާހް ދިރިއުޅެމުންގެންދަނީ އުފަން ރަށް ހއ. ކެލާގައި އެވެ. އޭނާ ވަނީ  ކުރިއަށް އޮތް ލޯކަލް ކައުންސިލް އިންތިހާބުގައި ކެލާ ކައުންސިލްގެ ރައީސް ކަމަށް…

ރަޖިސްޓްރީކޮށްގެންގެން ހިންގަމުން އަންނަ އަމިއްލަ ނޫސް މަޖައްލާތަކާއި ބްރޯޑްކާސްޓް މީޑިއާތަކަށް ދައުލަތުން ދިނުމަށް ނިންމި މާލީ އެހީތެރިކަން 41 މީޑިއާއަކަށް ލިބިއްޖެ އެވެ. ބްރޮޑްކާސްޓިންގ ކޮމިޝަނުން ދެންމެ ނެރުނު ބަޔާނުގައި ބުނެފައިވަނީ 57 މީޑިއާއަކުން ޕްރޮފައިލް ކްރިއޭޓް ކުރިނަމަވެސް ޝަރުތު ހަމަވީ 41 މީޑިއާއަށް ކަމަށެވެ. އެކޮމިޝަނުން ބުނީ އެހީއަށް އެދި ހުށައެޅުމުގެ ސުންގަޑިހަމަވުމާއެކު، ޝަކުވާއަށް ހުޅުވާލުމުން 8 ޝަކުވާ ހުށައެޅި ކަމަށާއި އޭގެތެރެއިން ރިވިއު ކޮމެޓީއިން ބަލައި ދިރާސާ ކުރުމަށްފަހު 3 ޝަކުވާ ބަލައިގެންފައިވާކަމަށެވެ. މީޑިއާތަކަށް…

އަދާލަތު ޕާޓީގެ ރައީސްކަމަށް ކުރިމަތިލާން އެ ޕާޓީން މިއަދު ހުޅުވާލައިފިއެވެ. އެ ޕާޓީން މިއަދު ކުރި އިއުލާނެއްގައި ވަނީ، އެ މަގާމަށް ކުރިމަލެވޭނީ އަދާލަތު ޕާޓީގެ ދަފުތަރުގައި އިއްޔެއާ ހަމައަށް ރަޖިސްޓްރީވެފައިވާ މީހުންނަށް ކަމަށެވެ. އެ މަގާމަށް ކުރިމަތިލާން ބޭނުންވާ މީހުންނަށް އަންނަ މަހު އަށެއްގެ 16:00ގެ ކުރިން، އޮންލައިން ފޯމެއް މެދުވެރިކޮށް ހުށަހެޅުމުގެ ފުރުސަތު ވަނީ ހުޅުވާލާފައެވެ. އަދާލަތު ޕާޓީގެ ރައީސްކަމަށް ކުރިމަތިލާ މީހެއްގެ ކިބައިގައި ހުންނަން ޖެހޭ ވަކި ޝަރުތުތަކެއް އެ ޕާޓީން ވަނީ، ކަނޑައަޅާފައެވެ.…

ޕްރައިމަރީއަކާ ނުލައި، ސަރުކާރު ހިންގާ ޕީއެންސީގެ ފަރާތުން ތިނަދޫ ސިޓީއަށް ވާދަކުރައްވަން ޓިކެޓް މުހައްމަދު އަޖީބަށް ލިބިއްޖެއެވެ. ތިނަދޫ ސިޓީގެ މޭޔަރު ކަމަށް ދެތިން މީހަކު ޕާޓީގެ ތެރެއިން ކުރިމަތިލާން ނިންމި ނަމަވެސް އެ މީހުން ވަނީ ނަން އަނބުރާ ގެންގޮސްފަ އެވެ. ތައުލީމީ ދާއިރާއަށް ގިނަ ދުވަހު ޚިދުމަތް ކުރައްވަމުން ގެންދަވާ އަޖީބަކީ މިހާރު ވެސް އަބޫބަކުރު ސްކޫލުގެ ޕްރިންސިޕަލެވެ. ކައުންސިލް އިންތިހާބަށް ޕީއެންސީން ނެރޭނެ ކެންޑިޑޭޓުން ކަނޑައެޅުމަށް ޕީއެންސީގެ އެތެރޭގެ އިންތިޚާބު މިއަދު ކުރިއަށް…