ހިޔާނާތާއި މަނީލޯންޑަރިންގެ ދައުވާކޮށް ބައްސާމްގެ މައްސަލަ ޕީޖީން ކޯޓަށް ފޮނުވައިފިއެވެ. ޕިޖީ އޮފީހުން ކޯޓަށް ފޮނުވާފައިވަނީ 2018 ވަނަ އަހަރު، ފީފާއިން އެފްއޭއެމްއަށް ފޮނުވި 10،000 އެމެރިކާ ޑޮލަރު ބައްސާމްގެ އަމިއްލަ އެކައުންޓަށް ޖަމާކުރި މައްސަލައެވެ. މި ފައިސާ ބައްސާމްގެ އެކައުންޓަށް ޖަމާ ކޮށްފައިވަނީ 26 އޮގަސްޓް 2018ގައެވެ. ފުލުހުންގެ އިކޮނޮމިކް ކްރައިމް ޑިޕާޓުމަންޓުން ތަހުގީގު ކުރަމުން އަންނަ ބޮޑެތި މައްސަލަތަކުގެ ތަފްސީލުތައް ދިނުމަށް އިއްޔެ ބޭއްވި ނޫސްވެރިންގެ ބައްދަލުވުމުގައި ފުލުހުން ބުނެފައިވަނީ ފުޓުބޯޅަ އެސޯސިއޭޝަން (އެފްއޭއެމް)އިން…

ފެބްރުއަރީ 1 އިން ފެށިގެން ހުޅުމާލެ ފުރަތަމަ ފިޔަވަހީގެ ސޯޝަލް ހައުސިން ޔުނިޓްތަކުގެ މަހު ކުލި ކުޑަ ކުރަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އިން ނިންމައިފި އެވެ. އެޗްޑީސީން  ކުރި އިއުލާނެއްގައި ބުނީ، ހުޅުމާލޭ ފުރަތަމަ ފިޔަވަހީގެ ސޯޝަލް ހައުސިން ޔުނިޓް ތަކަށް އިންސްޓޯލްމަންޓްގެ ގޮތުގައި ކޮންމެ މަހަކު ދައްކާ ފައިސާއިން 20 އިންސައްތަ ކުޑަ ކުރަން ނިންމާފައިވާ ކަމަށެވެ. ފެބްރުއަރީ މަހުގެ އެއްވަނަ ދުވަހުން ފެށިގެން ފްލެޓްތަކުގެ މަހު ކުލި ކުޑަކުރާނެކަން އިއުލާނު ކުރި ނަމަވެސް،…

ރާއްޖޭގެ ސަރަހައްދުގައި އޮތް ދިވެހި މަސްދޯންޏަކަށް ބޭރުގެ ސިފައިންތަކެއް އެރި ކަމަށް ބުނާ ރިޕޯޓެއް ލިބިގެން، އެ މައްސަލަ ބަލަމުން އަންނަ ކަމަށް އެމްއެންޑީއެފުން ބުނެފިއެވެ. އެމްއެންޑީއެފް އިން ބުނީ ބޭރުގެ ސިފައިންގެ ބަޔަކު ދިވެހި މަސް ދޯންޏަކަށް އެރި ކަމަށް ރިޕޯޓުކޮށްފައި ވަނީ ދިވެހި އީއީޒެޑްގެ ތެރެއިން ކަމަށް މައުލޫމާތު ލިބޭ ކަމަށެވެ. މި ނޫހަށް އެނގިފައިވާ ގޮތުގައި އިންޑިއާ ސިފައިންގެ ބަޔަކު އެރީ އދ. މަހިބަދޫއަށް ނިސްބަތްވާ "އަސުރުމާ 3" ދޯންޏަށެވެ. އެމްއެމްޑީއެފުން އެ…

ބާ ކައުންސިލްގެ ދެވަނަ ދައުރުގެ ރައީސް އަދި ކުރީގެ އެސިސްޓަންޓް އެޓާނީ ޖެނެރަލް އިސްމާޢިލް ވިޝާމް މިރޭ އަވަހާރަ ވެއްޖެއެވެ. އޭނާ އަވަހާރަވިއިރު، ދަރިއަކާއި އަތްބަކު ދުނިޔޭގައި އެބަ ހުއްޓެވެ. ވިޝާމް އަކީ ބޮޑެތި މައްސަލަތަކުގައި ވަކާލަތު ކުރައްވާފައިވާ ބޭފުޅެކެވެ. ވިޝާމް އަކީ ބޮޑެތި އެކި މައްސަލަތަކުގައި ވަކާލާތުކުރައްވާފައިވާ ރާއްޖޭގެ ތަޖުރިބާކާރު ވަކީލުންގެ ތެރޭގައި ހިމެނިވަޑައިގަންނަވާ ބޭފުޅެކެވެ. މެލޭޝިއާގެ އިސްލާމިކް ޔުނިވަސިޓީން 2008 ވަނަ އަހަރު މާސްޓަސް ހާސިލްކުރެއްވުމަށް ފަހު ވިޝާމް 2009 ވަނަ އަހަރުން ފެށިގެން…

ހަމަލާގެ ސަބަބުން ވާއަތުގައި ރެނދުލާފައިވާ ކަމަށާއި އެނބުރި ވަޑައިގެން މަސައްކަތުގައި ދެން ފެނިގެންދާނީ ކުރިއަށްވުރެ މާ ގަދަކޮށް ކަމަށް ބަޔަކު ދިން ހަމަލާއެއްގައި ޒަހަމްވި، ޕްރޮސެކިއުޓަރ ޖެނެރަލް، ހުސައިން ޝަމީމް ވިދާޅުވެއްޖެއެވެ. ސައިކަލެއްގައި އައި ދެ މީހަކު މިއަދު ހެނދުނު ވަނީ ޝަމީމަށް ހަމަލާދީ، އަތް ޒަޚަމުކޮށްލައިފައެވެ. ހަމަލާއަށް ފަހު، ސިފައިން މިހާރު ވަނީ އޭނާގެ ސެކިއުރިޓީ ވެސް ވަރުގަދަކޮށްފައެވެ. ހަމަލާގައި ލިބުނު ޒަހަމްތަކަށް އޭޑީކޭ ހޮސްޕިޓަލުން ފަރުވާ ހޯއްދެވުމަށްފަހު، އަތުގައި ބޭސް އަޅުއްވައިގެން ހުންނެވި ފޮޓޯ…

ޕްރޮސެކިއުޓާ ޖެނެރަލް (ޕީޖީ) ހުސައިން ޝަމީމަށް މިއަދު ހެނދުނު ހަމަލާދީފައިވަނީ ސައިކަލެއްގައި އައި ދެ މީހަކު ކަމަށާއި މިހާރު އެމްއެންޑީއެފުން އޭނާގެ ސެކިއުރިޓީ ވަރުގަދަކޮށްފައިވާ ކަމަށް ޕީޖީ އޮފީހުން މިއަދު ބުނެފިއެވެ. ޝަމީމަށް ދިން ހަމަލާ ކުށްވެރިކޮށް، ޕީޖީ އޮފީހުން މިއަދު ނެރުނު ބަޔާނެއްގައި ބުނެފައިވަނީ، އެނާއަށް ހަމަލާދީފައިވަނީ ސައިކަލެއްގައި އައި ދެ މީހަކު ހަތިޔާރެއް ބޭނުންކޮށްގެން ކަމަށެވެ. މި ހާދިސާ ހިނގާފައިވަނީ މިއަދު ފަތިހުގެ ވަގުތެއްގައި މާލޭގެ މަގުމަތީގައެވެ. އެ ހަމަލާގައި ލިބުނު ޒަޚަމުތަކަށް އޭޑީކޭ…

ޕީޖީ ޝަމީމްއަށް މަގުމަތިން މީހަކު ހަމަލާ ދީފިއެވެ. އޭނާއަށް ހަމަލާ ދީފައިވާކަމުގެ ރިޕޯޓ ލިބިފައިވާކަން ފުލުުހުން ވަނީބުނެފައެވެެ. ފުލުހުން ބުނީ، ޕީޖީ ޝަމީމަށް ހަމަލާދިން ކަމަށް ރިޕޯޓުކޮށްފައިވަނީ މިއަދު ކަމަށެވެ. އަދި، އެ ހަމަލާގައި ލިބުނު ޒަޚަމުތަކަށް އޭޑީކޭ ހޮސްޕިޓަލުގައި އޭނާއަށް ފަރުވާ ދެމުން އަންނަ ކަމަށް ފުލުހުން ވަނީ ބުނެފައެވެ. "ހަމަލާދީފައިވަނީ ތޫނު އެއްޗަކުން ނޫން ކަމަށް މިހާތަނަށް ބެލި ބެލުމުން އެނގިފައިވޭ،" ފުލުހުން ބުނެފައިވެ އެވެ. މައުލޫމާތު ލިބިފައިވާ ގޮތުގައި އޭނާއަށް މިހާރު ދަނީ…

ކާށިދޫ ދާއިރާގެ މަޖިލިސް މެންބަރު އަބްދުﷲ ޖާބިރުގެ ކަމަށްވާ ހ.ތިމާވެށި ގެކޮޅުން މިލިއަނަކަށްވުރެ ގިނަ ރުފިޔާގެ ތަކެތި ވަގަށްނެގި މައްސަލައެއްގެ ތުހުމަތުގައި ދެމީހަކު ހައްޔަރުކޮށްފިއެވެ. ހ. ތިމާވެށި، ފަސްވަނަ ފަންގިފިލާއިން މިލިއަނަކަށްވުރެ ގިނަ ރުފިޔާގެ ތަކެތި ވަގަށްނަގާފައިވާ މައްސަލައެއް މި ޖަނަވަރީ މަހުގެ 25 ވަނަ ދުވަހު ފުލުހުންނަށް ރިޕޯޓު ކޮށްފައިވެއެވެ. ފުލުހުން ބުނީ މި މައްސަލައާ ގުޅިގެން ހިންގި އޮޕަރޭޝަނުގައި ކޯޓު އަމުރެއްގެ ދަށުން، 30 އަހަރުގެ ދިވެހި ފިރިހެނަކާއި 38 އަހަރުގެ ދިވެހި ފިރިހެނަކު…