މާފަންނުގެ ގެއެއްގެ ތެރޭގައި މަރުވެފައި އޮއްވާ މިއަދު ފެނުނީ ގެއްލިގެން ހޯދަމުންދިޔަ މއ. ބޯޅަކިންކިރިމާގެ، އުމުރުން 30 އަހަރުގެ އަޙުމަދު އައިމަން، ކަމަށް ދިވެހި ފުލުހުން ބުނެފި އެވެ. ފުލުހުން ބުނީ އަހުމަދު އައިމަން މަރުވެފައި އޮއްވާ ފެނުނީ މ.ރަބީއުވިލާއިންނެވެ. މާފަންނުގެ ގެއެއްގެ ގްރައުންޑް ފްލޯގައި ފިރިހެނަކު މަރުވެފައި އޮތްކަމުގެ ރިޕޯޓް ލިބުނީ މިއަދު މެންދުރުފަހު 2:30 އެހާކަށް ހާއިރުކަމަށް ފުލުހުން ވަނީ ބުނެފަ އެވެ. ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ. ވީގޮތެއް…

މަސްވެރިން ބާނާ މަހަށް ދޭންޖެހޭ ފައިސާގެ ތެރެއިން، އޭޕްރީލް މަހާ ހަމައަށް މިހާރު ފައިސާ ދީފައިވާ ކަމަށް ސަރުކާރުގެ މަސް ކުންފުނި މިފްކޯއިން މިއަދު ބުނެފިއެވެ. މިފްކޯއިން ބުނީ، މަސްވެރިންނަށް ދޭންޖެހޭ ފައިސާ އެންމެ ފަހުން ދޫކޮށްފައިވަނީ، މިދިޔަ ބުރާސްފަތި ދުވަހު ކަމަށެވެ. އެއީ، އޭޕްރީލް މަހުގެ ފައިސާއެވެ. އެހެންކަމުން ފައިސާ ނުދީ މިހާރު އޮތީ ތިން ވަރަކަށް ހަފުތާކަމަށް އެ ކުންފުނިން ބުންޏެވެ. މިފްކޯއިން ބުނީ އެ ކުންފުނިން މަސްވެރިންނަށް ނުދެވި ހުރީ ގާތްގަނޑަކަށް 63…

ގދ. އަތޮޅުގައި އޮންނަ ރަފެލްސް މޯލްޑިވްސް ރިސޯޓުން އިއްޔެ ހެނދުނު ގެއްލުނު ބިދޭސީ މީހާ ކަޔަކް ބޯޓުގައި ގއ. އަތޮޅު ރިސޯޓަކަށް މިއަދުވަނީ ގޮސްފައިވާ ކަމަށާއި އޭނާގެ ހާލު ރަނގަޅުކަމަށް ފުލުހުން ބުނެފިއެވެ. ފުލުހުން ބުނީ މި ބިދޭސީ މީހާ ގެއްލުނީ ގދ، އަތޮޅުގައި އޮންނަ ރަފެލްސް މޯލްޑިވްސް ރިޒޯޓުން އިއްޔެ ހެނދުނު ކަޔަކްއެއްގައި މޫދަށް ފޭބި ފަހުން ކަމަށެވެ. އެމީހާ ގެއްލިގެން އުޅޭ ކަމުގެ ރިޕޯޓް ލިބުމާއެކު ފުލުހުން އިއްޔެ އޭނާ ހޯދުމުގެ މަސައްކަތް ކޮށްފައި ވެއެވެ.…

ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެންނެވި ފަހުން ފާއިތުވި ހަމަސް ދުވަހުގެ ތެރޭގައި މަސްތުވާތަކެއްޗާ ދެކޮޅަށް 309 އޮޕަރޭޝަން ހިންގައި 35 ކިލޯގެ މަސްތުވާތަކެތި އަތުލައިގެންފި އެވެ. ފުލުހުންގެ އިދާރާ އިން އާންމުކުރި މިދިޔަ ހަމަސް ދުވަހުގެ ތަފާސްހިސާބު ދައްކާގޮތުން  ވައްކަމުގެ އެކި މައްސަލަތަކުން ހަތަރު މިލިއަނެއްހައި ރުފިޔާ އަނބުރާ ހޯދާފައިވާއިރު ގަވާއިދާ ހިލާފަށް ރާއްޖޭގައި މަސައްކަތް ކުރަމުންދާ ބިދޭސީންގެ ތެރެއިން ޖިނާއީ ކުށްތަކުގައި ޝާމިލުވި 50 މީހަކު ޑީޕޯޓުކުރުމަށްވެސް މިމުއްދަތުގެ ތެރޭގައި މޯލްޑިވްސް އިމިގްރޭޝަނާ…

މިހާރު ރާއްޖެއަށް ކުރަމުންދާ ވިއްސާރައިގައި ވިލާގަނޑުގައި ގަޑިއަކު 50 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާކޮށް މޫސުމާ ބެހޭ ގައުމީ އިދާރާއިން މުޅި ރާއްޖެއަށް ރީނދޫ ސަމާލު ނެރެފި އެވެ. މޯލްޑިވްސް މީޓިއޮރޮލޮޖިކަލް ސާވިސް (މެޓް އޮފީސް)އިން މުޅި ރާއްޖެއަށް ޔެލޯ އެލާޓް ނެރެފައިވަނީ މިރޭ 01:00 ޖެހުމާ ހަމައަށެވެ. އެ އެލާޓް ގައި ބުނެފައިވަނީ ބޯކޮށް ވާރޭވެހި، ގަޑިއަކު 25 މޭލާއި 30 މޭލާ ދެމެދުގެ ބާރުމިނުގައި ވައި ޖެހޭނެ ކަމަށެވެ. އަދި ވިލާގަނޑުގައި…

ރާއްޖޭގެ އިންޓަރނެޓު ބޭނުންކުރާ ފަރާތްތަކަށް އެ މާހައުލުގެ ރައްކައުތެރިކަން ކަށަވަރުކޮށްދިނުމުގެ ގޮތުން ހާއްސަ އެޖެންސީއެއް އުފެއްދުމަށް ކަނޑައެޅިފައިވާކަމަށް ހޯމްލޭންޑް މިނިސްޓްރީއިން ބުނެފިއެވެ. ރާއްޖޭގައި މިފަހަކަށް އައިސް އިންޓަރނެޓު މެދުވެރިކޮށް ހިންގާ ކުށުގެ އަދަދުތައް މައްޗަށް އަރިގެންގޮސްފައިވާއިރު ޝިކާރައަކަށް ވެގެންދާ ފަރާތްތަކުގެ އަތުން ގެއްލިގެންދާ އަދަދުތައްވެސް ބޮޑުވަމުންދާކަން ސޯޝަލްމީޑިއާގައި އެކި ފަރާތްތައް ހިއްސާކުރަމުންދާ މައުލުމާތަށް ބެލުމުންނާއި ފުލުހުންގެ މުއައްސަސާއިން މީގެ ކުރިން ހާމަކޮށްފައިވާ މައުލޫމާތުތަކަށް ބެލުމުން ފެނިގެންދެއެވެ. އަދި މިފަދަ މައްސަލަތަކުގެ ތެރެއިން ގެއްލިގެންދާ ގިނަ އަދަދެއްގެ ފައިސާ…

ރައްޔިތުންގެ މަޖިލީހުގެ ކުރެންދޫ ދާއިރާގެ އިންތިހާބީ މެންބަރު ޝާމިން ހަބީބު މިއަދު ޕީއެންސީއަށް ސޮއި ކުރައްވައިފި އެވެ. މުލިއާގޭގައި އޮތް ރަސްމިއްޔާތެއްގައި ޝާމިންގެ ފޯމާ ހަވާލުވެވަޑައިގަތީ ޕީއެންސީގެ ރައީސް އަދި ރައީސުލްޖުމްހޫރިއްޔާ ޑރ. މުހައްމަދު މުއިއްޒު އެވެ. ނިމިގެން ދިޔަ ރައްޔިތުންގެ މަޖިލީހުގެ އިންތިހާބުގައި ޝާމިން ވާދަކުރެއްވީ އަމިއްލަ ކެންޑިޑޭޓެއްގެ ގޮތުގައެވެ. މިދިޔަ އޭޕްރީލް 21 ވަނަ ދުވަހު ބޭއްވި ރައްޔިތުންގެ މަޖިލިސް އިންތިހާބުގައި 93 ދާއިރާއަށް މެންބަރުން ހޮވިއިރު ޕީއެންސީގެ ޓިކެޓްގައި ވާދަކުރައްވައިގެން 66 ބޭފުޅަކު…

މޯލްޑިވްސް އިމިގްރޭޝަން އިން ހޯދާ އިންޑިއާ 3 މީހަކު އަދިވެސް ނުފެންނާތީ، ފޮޓޯއާއި ވަނަވަރާއެކު އާންމުކޮށްފިއެވެ. އިމިގްރޭޝަނުން ހޯދަނީ ރޯހިތް ކުމާރު (33އ) އާއި ގުރުޖަންތް ސިންގް (24އ) ގެ އިތުރުން ޝަމްޝޭން އަލަމް (35އ) އެވެ. އެ ތިން މީހުން ހޯދަމުންދަނީ ކޮން މަައްސަލައަކާއި ގުޅިގެން ކަމެއް ހާމަކޮށްފައި ނުވި ނަމަވެސް ފަސް ދުވަސް ތެރޭ އެ އިދާރާއަށް ހާޒިރުވާން އަންގާ ކަމަށް އިމިގްރޭޝަނުން ބުންޏެވެ. ހާޒިރުވާން ޖެހެނީ ސަރުކާރުން ބަންދު ނޫން ދުވަސްތަކުގެ ހެނދުރު…