ފަސް މިލިއަން ގަސް ޕްރޮގުރާމަށް ޕާކިސްތާނުގެ އެހީތެރިކަން ހޯދުމަށް މަޝްވަރާކޮށްފިއެވެ. މި މަޝްވަރާތައް ކުރައްވާފައިވަނީ ޔޫއެންއަށް ރައީސް މުއިއްޒު މިހާރު ކުރައްވަމުން ގެންދަވާ ދަތުރުފުޅުގެ ހަވާސާގައި ޕާކިސްތާނުގެ ބޮޑުވަޒީއާކު ބޭއްވުނު ބައްދަލު ކުރައްވުމުގައެވެ. އެ ބައްދަލުވުމުގައި ރައީސް މުއިއްޒުވަނީ ކޮޕް-28 ސަމިޓުގައި އެމަނިކުފާނު އިއުލާނު ކުރެއްވި ފަސް މިލިއަން ގަސް ޕްރޮގުރާމު ހިންގުމުގައި ޕާކިސްތާނާއި ރާއްޖެއަށް ގުޅިގެން ކުރެވެންހުރި މަސައްކަތްތައް ފާހަގަކުރައްވާފަ އެވެ. ރައީސުލްޖުމްހޫރިއްޔާ ޑރ.މުހައްމަދު މުއިއްޒު އިއުލާނު ކުރައްވާފައިވާ ފަސް މިލިއަން ގަސް ޕްރޮގުރާމު ހިންގުމުގައި…

ނޭވާލާ ނިޒާމަށް އަސަރުކުރާ ވައިރަހެއް ކަމަށްވާ ރެސްޕިރޭޓަރީ ސިންސިޓިއަލް ވައިރަސް (އާރުއެސްވީ) ކުޑަކުދިންގެ މެދުގައި އިތުރުވަމުންދާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ. އެޗްޕީއޭއިން ބުނީ އާރުއެސްވީ ކުޑަކުދިންގެ ތެރޭގައި އިތުރުވާތީ އެކަން ވަރަށް ގާތުން ބަލަމުން އަންނަ ކަމަށެވެ. އާރުއެސްވީ އަކީ ގައިން ގަޔަށް އަރާ ވައިރަހެކެވެ. ވައިރަސް ފެތުރެނީ އާންމުކޮށް ކެއްސުމާއި ކިނބިހި އެޅުމުގެ ތެރޭގަ އެވެ. ބަލީގެ އަލާމާތްތަކުގެ ތެރޭގައި ރޯގާ އާއި ކެއްސުމާއި ނޭވާލާން އުނދަގޫވުމާއި ބުރަކަށީގައި…

އދގެ އާންމު މަޖިލީހުގެ 79 ވަނަ ބައްދަލުވުމުގައި ރައީސް ޑރ. މުހައްމަދު މުއިއްޒު ދެއްވި ތަގުރީރާ މެދު ފަހުރުވެރިވާ ކަމަށް ވެރިކަން ކުރާ ޕީއެންސީން ބުނެފި އެވެ. ރައީސްގެ ތަގުރީރުގައި ވަނީ ގިނަ ދުނިޔޭގެ މައްސަލަތަކަކަށް އަލިއަޅުވާލާފަ އެވެ. އެގޮތުން އިޒްރޭލުން ހިންގަނީ ޓެރަރިޒަމްގެ އަމަލުތަކެއް ކަމަށާއި އެ ކަންކަމަށް އެގައުމު ޖަވާބުދާރީ ކުރުވަންޖެހޭ ކަމަށް ވެސް ރައީސް ވިދާޅުވި އެވެ. ރައީސްގެ ތަގުރީރާ ގުޅިގެން ޕީއެންސީން ނެރުނު ބަޔާނެއްގައި ބުނީ އެ ތަޤުރީރާމެދު ފަހުރުވެރިވާ ކަމަށާއި…

މާފުށީ ޖަލުގައި ގައިދީއަކު މިއަދު މަރުވެއްޖެ އެވެ. މަރުވީ ޝަރީޢަތް ނިމެންދެން ބަންދުކޮށްފައި ހުރި މާލޭ ގ. އެއްތެޔޮމާގޭ ޢަބްދުލް ޣަނީ އިސްމާޢީލް، 61، އެވެ. ކަރެކްޝަންސް އިން ބުނީ ހެނދުނު 6:52 ގައި ޣަނީގެ ގޮޅީގައި ދަންޖެހިފައި ހުއްޓާ ފެނުމުން، ވަގުތުން އޭނާ ވަނީ މާފުށީ ހޮސްޕިޓަލަށް ގެންގޮސްފައިވާ ކަމަށެވެ. އަދި ހެނދުނު 7:21 ގައި މަރުވެފައިވާ ޑޮކްޓަރު ކަނޑައަޅާފައިވާ ކަމަށެވެ. ޣަނީ އަކީ ކުޑަކުއްޖަކަށް ޖިންސީ ހާނިކައެއް ކުރުމުގެ މައްސަލައެއްގައި ޝަރީޢަތް ނިމެންދެން ބަންދުކޮށްފައި…

އައްޑޫ މަރަދޫ ގެއެެއްގެ ގުދަނަކާއި ހަޓެއްގައި އަލިފާން ރޯވެ އަނދައިފި އެވެ. އެ އަވަށު އެތުމާގޭގައި މި ހާދިސާ ހިނގާފައި ވަނީ އައްޑޫގެ ގުޅިފައިވާ އަވަށްތަކުން ރޭ މެންދަމު ކަރަންޓް ވެސް ކެނޑިފައި ވަނިކޮށް ފަތިހު 5:30 އެހާކަށްހާ އިރު އެވެ.   އެތުމާގޭގައި ރޯވީ ގުދަނާއި ހަޓް އާންމުންނާއި އެމްއެންޑީއެފްގެ ފަޔަރ އެންޑް ރެސްކިއުގެ އިތުރުން ފުލުހުން ގުޅިގެން ނިއްވައިލެވުނު އިރު އެތަންތަމުގައި ހުރި ހުރިހާ އެއްޗެއް ވަނީ އަނދައިފަ އެވެ. އެތަނަކީ ގާޑިޔާ ވިޔަފާރި…

މާލޭގައި ސައިކަލެއްގެ ޕޮކެޓްގައި އޮއްވާ ވަގަށް ނެގި 32،000ރ. ރުފިޔާގެ ފޯނެއް ފުލުހުން ހޯދައިފި އެވެ. ފުލުހުން ބުނީ ވެރިމީހާ އަށް ހަނދާން ނެތިގެން ފޯނު ސައިލްގައި ބާއްވާފައި ދެވުމުން ފޯނު ވަގަށް ނެގީ ދީދި ގޯޅީގައި ސައިކަލް ޕާކްކޮށްފައި ހުއްޓައި ކަމަށެވެ. ފޯނު ވަގަށް ނެގި މައްސަލަ ފުލުހުންނަށް ރިޕޯޓްކުރީ މިދިޔަ ހޮނިހިރު ދުވަހު އެވެ. ފުލުހުން ބުނި ގޮތުގައި ފޯނު ހޯދީ ސީސީޓީވީ ފުޓޭޖް ބަލައިގެންނެވެ. އެގޮތުން ފޯނު ވަގަށް ނެގި މީހާ ދެނެގަނެ…

މޫސުމަށް އަންނަ ބަދަލުތަކުގެ މައްސަލައަށް އަވަސް ފިޔަވަޅުތަކެއް އަޅަންޖެހޭ ކަމުގައި، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ. ރައީސުލްޖުމްހޫރިއްޔާ މިހެން ވިދާޅުވީ އދ.ގެ މައި އިދާރާގެ އާންމު މަޖިލީހުގެ ހޯލުގައި ކުރިޔަށްދިޔަ ސަމިޓް އޮފް ދަ ފިއުޗަރ ހުޅުވުމުގެ ބައްދަލުވުމުގައި ވާހަކަފުޅު ދައްކަވަމުންނެވެ. ރައީސުލްޖުމްހޫރިއްޔާގެ ވާހަކަފުޅުގައި މަލްޓިލެޓަރަލް ނިޒާމަކީ ހަމައެކަނި ކަނޑައެޅިފައި އޮންނަ ކޮންސެޕްޓެއްގެ ބަދަލުގައި އެއީ ދުނިޔެއަށް ކުރިމަތިވެފައިވާ އެކި މައްސަލަތަކުގައި ޢަމަލީގޮތުން މަސައްކަތްކުރެވޭ ނިޒާމަކަށް ވާންޖެހޭކަމުގައި ވިދާޅުވިއެވެ. އެމަނިކުފާނު ވަނީ މަލްޓިލެޓަރަލް ނިޒާމު އިތުރަށް…

މާލޭގެ މަގުތަކުގައި ހުރި ގިނަދުވަސްވީ އުޅަނދުތައް ނެގުމުގެ މަސައްކަތް އަނެއްކާވެސް ފަށައިފި އެވެ. މި އުޅަނދުތައް ނެގުމުގެ މަސައްކަތް ކުރަނީ ލޯކަލް ގަވަމަންޓް މިނިސްޓްރީ އާއި މާލޭ ސިޓީ ކައުންސިލްގެ އިތުރުން ފުލުހުން ގުޅިގެންނެވެ. އެ ގޮތުން މާލެ ސިޓީގެ މަގުތަކަކީ ސާފުތާހިރު ހިތްފަސޭހަތަނަކަށް ހެދުމަށްޓަކައި ކުރާ މަސައްކަތުގެ ތެރެއިން މާލޭ މަގުމަތީ ގިނަދުވަސްވެ، ބާވެ ހަލާކުވެފައި ހުރި އުޅަނދުތައް ނަގަން ފަށާފައިވާ ކަމަށް މާލޭ ސިޓީ ކައުންސިލުން ވަނީ ބުނެފަ އެވެ. މާލޭގެ މަގުމަތީގައި ގިނަ…