މޯލްޑިވްސް މަނިޓަރީ އޮތޯރިޓީ،  އެމްއެމްއޭ ގެ ޑެޕިއުޓީ ގަވަރނަރ އަހުމަދު އިމާދު މިއަދު އިސްތިއުފާ ދެއްވައިފިއެވެ. އިމާދު އިސްތިއުފާ ދެއްވާފައި މިވަނީ، ޑެޕިއުޓީ ގަވަރމަނރުގެ މަޤާމުން އޭނާ ވަކި ކުރެއްވުމަށް މަޖިލީހުގެ މާލިއްޔަތު ކޮމެޓީއަށް މައްސަލައެއް ހުށަހަޅުއްވާފައި ވަނިކޮށެވެ. އެމައްސަލަ މަޖިލީހަށް ހުށަހެޅުއްވީ ދިއްދޫ ދާއިރާގެ މެމްބަރު އަބުދުލަތީފު މުހައްމަދުއެވެ.  އެ މައްސަލައިގައި ވަނީ އޭނާ މަގާމުން ވަކި ކުރަން ހުށަހަޅާފައިވަނީ އެމްއެމްއޭގެ ކުރީގެ ގަވަރުނަރު އަލީ ހާޝިމް ގާނޫނުން މަތިކޮށްފައިވާ ޒިންމާތައް އަދާ ނުކުރައްވައި ހުންނެވިއިރު،…

ރަށްރަށުގައި ޤާއިމު ކުރެވޭ ކުނި މެނޭޖްކުރާ މަރުކަޒުތަކަށް ބޭނުންވާ އިކްވިޕްމަންޓާއި ކުނި އުފުލާނެ އުޅަނދުތައް މިހާރު ނެތް ހުރިހާ ރަށަކަށް މިއަހަރުގެ ތެރޭގައި ފޯރުކޮށްދިނުމަށް ހަމަޖެހިފައިވާ ކަމަށް އެންވަޔަރަމަންޓް މިނިސްޓްރީން ވިދާޅުވެއްޖެއެވެ. މިނިސްޓްރީން މިހެން ވިދާޅުވީ މިހާރު ރާއްޖޭގެ ކުނި މެނޭޖް ކުރުމުގެ ވަސީލަތް ޤާއިމްނުކުރެވޭ 75 ރަށެއްގައި ކުނި މެނޭޖްކުރާ މަރުކަޒު ޤާއިމުކުރުމާއި އަޕްގްރޭޑް ކުރުމުގެ މަސައްކަތް އެމް.ޓީ.ސީ.ސީ، އާރު.ޑީ.ސީ އަދި ފެނަކަ ކޯޕަރޭޝަނާއި ޙަވާލުކުރުމަށް ބޭއްވި ރަސްމިއްޔާތުގައެވެ. އެ ރަސްމިއްޔާތުގައި މިނިސްޓަރ ތޯރިޤް އިބްރާހީމް…

ލ. އިސްދޫގެ 245 ގެއެއްގައި ފެނުގެ ޚިދުމަތް ޤާއިމްކުރެވިފައިވާ ކަމަށް އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވުޒާރާއިން ބުނެފިއެވެ. އެ ވުޒާރާއިން މިއަދު ބުނީ އިސްދޫގައި ކުރިއަށްގެންދިޔަ ފެނުގެ މަޝްރޫޢުގެ މަސައްކަތްތައް ނިމި، އޮޕަރޭޓަރާއި ޙަވާލުކުރެވިފައިވާ ކަމަށާއި، މި މަޝްރޫޢުގެ ދަށުން މިހާރު ދަނީ ޑިފެކްޓްސް ލައަބިލިޓީ ޕީރިއަޑްގެ ދަށުން ރައްޔިތުންނަށް ޚިދުމަތް ފޯރުކޮށްދެމުން ކަމަށެވެ. މި މަޝްރޫޢަކީ އިންޑިއާގެ އެގްޒިމް ބޭންކުގެ ފައިނޭންސިންގގެ ދަށުން ކުރިއަށް ގެންދެވުނު މަޝްރޫޢެކެވެ. މަޝްރޫޢުގެ މަސައްކަތްތައް ކުރިއަށް ގެންގޮސްފައިވަނީ އެސް.އެމް.ސީ…

މާލެ ސިޓީ ކައުންސިލްގެ އިދާރާއަށް ސެކްރެޓަރީ ޖެނެރަލަކު ހޯދަން އިޢުލާންކޮށްފިއެވެ. ސިވިލް ސަރވިސް ކޮމިޝަން (ސީއެސްސީ) އިން މިއަދު ކުރި އިޢުލާނުގައި ބުނެފައިވަނީ މި މަޤާމަށް ހޮވޭ ފަރާތަކަށް މުސާރައިގެ ގޮތުގައި 20،500ރ. އާއި އެގްޒެކެޓިވް އެލަވަންސްގެ ގޮތުގައި 15،000ރ. އާއެކު ޖުމުލަ 35،500ރ. ލިބޭނެ ކަމަށެވެ. މީގެ އިތުރުން ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުޞޫލުން ބޭސްފަރުވާގެ ޚިދުމަތާއި ދިވެހިރާއްޖޭގެ ޕެންޝަނާ ބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން ލިބޭނެއެވެ. ސީއެސްސީން ބުނީ ސެކްރެޓަރީ ޖެނެރަލްގެ މަޤާމަކީ…

އިނގިރޭސި ވިލާތާއި ދިވެހިރާއްޖެއާއި ދެމެދު ވިޔަފާރީގެ ގުޅުން ބަދަހިކުރުމާއި ގުޅޭގޮތުން މަޝްވަރާކޮށްފި އެވެ. މި މަޝްވަރާ ކުރެވުނީ އިކޮނޮމިކް މިނިސްޓަރ އަހްމަދު ސަޢީދުގެ އަރިހަށް އިނގިރޭސިވިލާތުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު، މރ. ނިކޮލަރސް ޑޭވިޑް ލޯވް ކުރެއްވި ޒިޔާރަތުގައި ދެބޭފުޅުން ބައްދަލުކުރައްވާ ކުރެވުނު މަޝްވަރާގެ ތެރެއިންނެވެ. މި ބައްދަލުވުމުގައި ވިޔަފާރީގެ ގުޅުން ބަދަހިކުރުމާއި ދެގައުމުން އިގްތިސާދީ ކަންކަމާއި ގުޅޭ އެއްބާރުލުން ހަރުދަނާކުރުމާ ބެހޭ ގޮތުން މަޝްވަރާކުރި ކުރެވުނު ކަމަށް އިކޮނޮމިކް މިނިސްޓްރީން މައުލޫމާތުދެއެވެ. ދާދި ފަހުން…

ފަލަސްތީނު ރައްޔިތުން އެމީހުންގެ ބިމުން ފޭބުމަށް ގޮވާލާ ގޮވާލުންތައް ފޮރިން މިނިސްޓަރ ޑރ. އަބްދުﷲ ޚަލީލު ކުށްވެރިކުރައްވައިފިއެވެ. މިނިސްޓަރ އެކަން ކުށްވެރިކުރެއްވީ އޯގަނައިޒޭޝަން އޮފް އިސްލާމިކް ކޯޕަރޭޝަން، އޯއައިސީން ސައުދީ ޢަރަބިއްޔާގެ ޖިއްދާގައި، ޚާރިޖީ ވަޒީރުންގެ ފެންވަރުގައި ބޭއްވި އެކްސްޓްރާ އޯޑިނަރީ ސެޝަންގައި ދެއްވި ތަޤްރީރުގައެވެ. އޯއައިސީން ސައުދީ އަރަބިއްޔާގެ ޖިއްދާގައި ޚާރިޖީ ވަޒީރުންގެ ފެންވަރުގައި ކުރިއަށްގެންދާ އެކްސްޓްރާ އޯޑިނަރީ ސެޝަނަކީ އިސްރާއީލުން ފަލަސްތީނާ ދެކޮޅަށް ހިންގަމުންދާ އަނިޔާވެރި އަމަލުތައް ކުށްވެރިކޮށް، ފަލަސްތީނުގެ ރައްޔިތުން އެމީހުންގެ ބިމުން…

’ގެދޮރުވެރިޔާ' ސްކީމުގެ ދަށުން ހުޅުމާލޭގައި އަޅާ 4،000 ހައުސިންގ ޔުނިޓު ލިބޭނެ ފަރާތްތަކުގެ ލިސްޓަށް ޝަކުވާ ހުށަހަޅަން ބޭނުންވާ ފަރާތްތަކަށް އެހީތެރިކަން ފޯރުކޮށްދިނުމަށް މާލޭ ސިޓީ ކައުންސިލުން މިއަދު ނިންމައިފިއެވެ. މިއަދު ބޭއްވުނު ކައުންސިލް ބައްދަލުވުމުގައި، ބައްދަލުވުމަށް ޙާޟިރުވެވަޑައިގެންނެވި 12 ކައުންސިލަރުންގެ ތެރެއިން 8 ކައުންސިލަރުންގެ ވޯޓުން، ފްލެޓް ލިސްޓަށް ޝަކުވާ ހުށަހެޅުމަށް އެހީތެރިކަން ފޯރުކޮށްދޭނެ ސެޓްއަޕެއް ސިޓީ ކައުންސިލްގައި ޤާއިމުކުރުމަށް ފާސްކުރިއެވެ. ހައުސިންގ މިނިސްޓްރީން ފްލެޓް ލިބޭ ފަރާތްތަކުގެ ލިސްޓު މިދިޔަ ހަފުތާ ބުރާސްފަތި ދުވަހު…

އެޓަރނީ ޖެނެރަލްގެ އޮފީހުން ލީގަލް އެއިޑް ކޮންސަލްޓަންޓުންގެ ގޮތުގައި މަސައްކަތްކުރާނެ 6 ޤާނޫނީ ވަކީލުން ހޯދުމަށް އިޢުލާންކޮށްފިއެވެ. މި ވަކީލުންނަކީ ދައުލަތުގެ ފަރާތުން ޤާނޫނީ ވަކީލެއްގެ އެހީތެރިކަމަށް އެދޭ ފަރާތްތަކަށް ޤާނޫނީ އެހީތެރިކަން ފޯރުކޮށްދިނުމަށް ޚާއްޞަކޮށްގެން ހޯދާ ފަރާތްތަކެކެވެ. އިޢުލާނުގައި ބަޔާންކޮށްފައިވާ ގޮތުން، މި މަޤާމަށް ކުރިމަތިލުމަށް ޝައުޤުވެރިވާ ފަރާތްތަކުން "ޓާމްސް އޮފް ރިފަރެންސް" ގައި ބަޔާންކޮށްފައިވާ ލިޔެކިޔުންތައް މި މަހުގެ 16 ވަނަ ދުވަހުގެ މެންދުރުފަހު 2:00 ގެ ކުރިން އެޓަރނީ ޖެނެރަލްގެ އޮފީހަށް ހުށަހަޅަންވާނެއެވެ.…