ފަރަންސޭސިވިލާތުން ސްރީލަންކާއަށާއި ރާއްޖެއަށް ކަނޑައަޅުއްވާފައި ހުންނަވާ ސަފީރު ޖީން-ފްރާންސުއާ ޕެކްޓެޓް މިއަދު އަވަހާރަވެއްޖެއެވެ. އޭނާ އަވަހާރަވިއިރު ޑިޕްލޮމެޓުގެ އުމުރަކީ 53 އަހަރެވެ. ސަފީރު ޕެކްޓެޓް އަވަހާރަވީ ކުއްލި އާލާސްކަންފުޅެއްގެ ސަބަބުންކަމަށް މީޑިއާތަކުން ރިޕޯޓު ކޮށްފައި ވެއެވެ. 1970 ވަނަ އަހަރު އުފަންވެވަޑައިގެންނެވި ޖީންފްރާންސުއާ ޕެކްޓެޓް ވަނީ 2022 ވަނަ އަހަރުގެ އޮކްޓޫބަރު މަހުން ފެށިގެން ފަރަންސޭސިވިލާތުން ސްރީލަންކާއަށާއި ރާއްޖެއަށް ކަނޑައަޅުއްވާފައި ހުންނަވާ ސަފީރުކަން ކުރައްވާފައެވެ. ކެރިއާ ޑިޕްލޮމެޓެއްގެ ގޮތުގައި ހުންނެވި އޭނާ ވަނީ މީގެ ކުރިން ފްރާންސްގެ ފޮރިން މިނިސްޓްރީގެ ޑެޕިއުޓީ ޑިރެކްޓަރ އޮފް ކަލްޗާ އެންޑް އެޑިއުކޭޝަންގެ މަގާމު ވެސް ފުރުއްވާފަ އެވެ. މީގެ ކުރިން ޖީން-ފްރާންސުއާ ޕެކްޓެޓް ހުންނެވީ ވޮޝިންޓަންގައި ހުންނަ ފްރާންސް އެމްބަސީގައި (2012-2016) އަދި ބްރަސަލްސްގައި ހުންނަ ފްރާންސް ޕާމަނަންޓް ރެޕްރެޒެންޓޭޝަން ޓު ނޭޓޯގަ އެވެ. އަދި ފްރާންސްގެ ފޮރިން މިނިސްޓްރީގެ ޑެޕިއުޓީ ސްޕޯކްސްޕާސަންކަން ވެސް ކުރެއްވި އެވެ.

މި ފަހަރު ގައުމީ ފެންވަރުގައި އަޟްހާާ އީދު ފާހަގަ ކުރާ ގޮތަށް ކަނޑައަޅާފައިވާ ރަށްތައް އިއުލާންކޮށްފިއެވެ. ދިވެހިބަހާއި ސަގާފަތާއި ތަރިކައާ ބެހޭ ވުޒާރާއިން ނިންމާފައި ވަނީ ރާއްޖޭގެ އުތުރާއި، މެދު ރާއްޖެ ތެރެ އާއި ދެކުނުގެ ރަށެއްގައި އަޟްހާ އީދު ގައުމީ ފެންވަރުގައި ފާހަގަ ކުރުމަށެވެ. މި އަހަރުގެ އަޟްހާ އީދު ފާހަގަ ކުރުމަށް ޝައުގުވެރިވާ ރަށްރަށުން އެކަމަށް އެދި ޕްރޮޕޯސަލް ހުށަހެޅުމުގެ ފުރުސަތު ހުޅުވާލިއެވެ. އަދި އެ އިއުލާނާ އެއްގޮތަށް 26 ރަށަކުން ޕްރޮޕޯސަލް ހުށަހެޅިއެވެ.…

ހުޅުމާލޭގެ ފޭސް ދޭއްގައި ހިއްކަމުންދާ ސަރައްހައްދުން ބައެއްގައި އަޅާފައިވާ ސަފާރީތައް ނެގުމަށް ހައުސިންގ ޑިވެލޮޕްމެންޓް ކޯޕަރޭޝަން (އެޗްޑީސީ) އިން އަންގައިފި އެވެ. އެޗްޑީސީން އިއްޔެ ކުރި އިއުލާނެއްގައި ވަނީ ހުޅުމާލޭ ދެވަނަ ފިޔަވަހީގެ ބިން ހިއްކާ ސަރަހައްދުގެ ބައެއްގައިވާ ސަފާރީތައް އެ ސަރަހައްދުން ނެގުމަށް އަންގާފަ އެވެ. އެޗްޑީސީ އިން ބުނީ އެކޯޕަރޭޝަނުން މިގޮތަށް އެންގީ އެެ ސަރަހައްދަށް ވަންނަ ކޮޅުވެއްޓިތަކުގެ ސަބަބުން ގެއްލުންހުރި ނުރައްކާތެރި ހާދިސާ ހިނގައިފައި ވުމާއި އަދި ކުރިއަށް އޮތްތަނުގައި ހިނގާފާނެ ކަމަށް…

އިންޓަނޭޝަނަލް ކްރިމިނަލް ކޯޓް (އައިސީޖޭ) އިން އިޒްރޭލާ ދެކޮޅަށް ނެރުނު އަމުރު ތަންފީޒުކުރަން ދިވެހި ސަރުކާރުން ބާރުއަޅައިދިނުމަށް އިދިކޮޅު އެމްޑީޕީން ގޮވާލައިފި އެވެ. އެމްޑީޕީން ނެރުނު ބަޔާނެއްގައި ބުނީ އައިސީޖޭއިން ޣައްޒާގައި ހާލުގައި ޖެހިފައި ތިބި ފަލަސްތީނުގެ ރައްޔިތުންނަށް ބޭނުންވާ އިންސާނީ އެހީތެރިކަން ވަގުތުން ވަގުތަށް ފޯރުކޮށްދިނުމަށް އަމުރުކޮށްފައިވާއިރު އެ އެންގުމަށް ވެސް ބައިނަލްއަގްވާމީ މުޖުތަމައުއިން ފުރިހަމައަށް އަމަލުކުރުމަށް އެ ޕާޓީން ގޮވާލާ ކަަމަށެވެ. އަދި އިސްރާއީޅުގެ އަމަލުތަކާ ދެކޮޅަށް ތެދުވުމަށް މިއީ އެންމެ ރަނގަޅު ވަގުތު…

ހިޔާ ފްލެޓެއްގެ ކުޑަދޮރުން ސިޑިގޮޅިއަށް ކުޑަކުއްޖަކު ފައިބާ މަންޒަރު ފެންނަ ވީޑިއޯއެއް އާއްމުވެއްޖެއެވެ. މީސްމީޑިއާގައި އިއްޔެ އާންމުވި ވީޑިއޯއިން ފެނިގެން ދަނީ ވައިބާރު ވަގުތެއްގައި ކުޑަ އަންހެން ކުއްޖަކު ހިޔާ ފްލެޓެއްގެ ކުޑަދޮރުން ނުކުމެ، އެތަނުގައި ހަދާފައިވާ ޝީޓުގެ މައްޗަށް ނުކުމެގެން ގޮސް، ސިޑިގޮޅިއަށް ފައިބަން އުޅޭ މަންޒަރެވެ. ވީޑިއޯއިން ފެންނަ ގޮތުން، އެކުއްޖާ ފޭބުމަށް މަސައްކަތް ކުރީ ފުރަތަމަ ފަންގިފިލާގެ ކުޑަދޮރަކުންނެވެ. މަންޒަރު ފެންނަގޮތުން އެކުއްޖާ ކުޑަދޮރުން ފޭބުމަށް މަސައްކަތްކުރި ވަގުތަކީ ބާރަށް ވައިޖެހެމުންދިޔަ ވަގުތެކެވެ.…

ހަތަރު ވަނަ އިންޓަނޭޝަނަލް ކޮންފަރެންސް އޮން ސްމޯލް އައިލެންޑް ޑިވެލޮޕިން ސްޓޭޓްސް (ސިޑްސް) ގައި ބައިވެރިވެވަޑައިގަތުމަށް ރައީސް ޑރ. މުހައްމަދު މުއިއްޒު އުތުރު އެމެރިކާގެ ކެރީބިއަންގައި އޮންނަ އެންޓިގުއާ އެންޑް ބާބިއުޑާއަށް ރޭ ފުރާވަޑައިގެންފި އެވެ. ރައީސްއާއެކު ބާބިއުޑާއަށް ފުރާވަޑައިގެންނެވި ވަފުދުގައި ފޮރިން މިނިސްޓަރު މޫސާ ޒަމީރާއި ތިމާވެއްޓާ ބެހޭ މިނިސްޓަރު ތޯރިގު އިބްރާހިމް އާއި ހައުސިން މިނިސްޓަރު ޑރ. އަލީ ހައިދަރު އަހްމަދު ހިމެނިވަޑައިގަންނަވަ އެވެ. އޭގެ އިތުރުން, އެޗްޑީސީގެ މެނޭޖިން ޑިރެކްޓަރު އިބްރާހިމް ފަަޒުލް…

ސައުދި އަރަބިއްޔާގެ ރަސްގެފާން ސަލްމާން ބިން އަބްދުލްއަަޒީޒު ހޮސްޕިޓަލްގައި އެނދުމަތިކުރައްވައިގެން ފަރުވާ ދެއްވަމުން ގެންދަވާތީ އެމަނިކުފާނަށް އަވަސް ޝިފާއަކަށް ރައީސް ޑރ. މުހައްމަދު މުއިއްޒު އެދިވަޑައިގެންފި އެވެ. ސޯޝަލްމީޑިއާގައި ކުރެއްވި ޕޯސްޓެއްގައި ރައީސް މުއިއްޒު ވިދާޅުވީ ރަސްގެފާންގެ ސިއްހީ ހާލުކޮޅު ހުރި ގޮތުން ކަންބޮޑުވެވަޑައިގަންނަވާ ކަމަށެވެ. އެހެންވެ ރައީސް މުއިއްޒު ވަނީ އެމަނިކުފާނާއި ދިވެހިންގެ ނަމުގައި ސައުދީ ރަސްގެފާނަށް އަވަސް ޝިފާއަކަށް އެދިވަޑައިގެންފަ އެވެ. "ރަސްގެފާނަށް ފުރިހަހަމަ ސިއްހަތަކާއި ދިގު އުމުރުފުޅު މިންވަރުކުރެއްވުން އެދި ﷲއަށް ދުއާ…

އުމުރުން 13 އަހަރުގެ އަންހެން ކުއްޖަކާ ބެހުނު މައްސަލައެއް ފުލުހުން ބަލަން ފަށައިފި އެވެ. ފުލުހުން ބުނީ އުތުރުގެ ރަށެއްގައި 13 އަހަރުގެ އަންހެން ކުއްޖަކަށް ޖިންސީ ގޯނާކުރި ކަމަށް ތުހުމަތު ކުރެވޭ މައްސަލައެއް މި މަހުގެ 19 ވަނަ ދުވަހު ހުށަހަޅާފައިވާ ކަމަށެވެ. މައުލޫމާތު ލިބިފައިވާ ގޮތުގައި މަސްތުވާތަކެތި ދީ، މަސްތުކޮށްގެން ރޭޕް ކޮށްފައިވާ 13 އަހަރުގެ އަންހެން ކުއްޖާއަކީ ހާއްސަ އެހީއަށް ބޭނުންވާ ކުއްޖެކެވެ. މި މައްސަލައާ ގުޅިގެން މިހާތަނަށް މީހަކު ހައްޔަރުކޮށްފައެއް ނުވެ…