މާދަމާ ދައުރު ހަމަވާ 19 ވަނަ ރައްޔިތުންގެ މަޖިލީހާއި މެދު އެމްޑީޕީން ފަހުރުވެރިވާ ކަމަށް އެ ޕާޓީގެ ރައީސް އަބްދުﷲ ޝާހިދު ވިދާޅުވެއްޖެ އެވެ. މީގެ ފަސް އަހަރު ކުރިން 2019 ގައި ރައްޔިތުން އިންތިޚާބުކުރި 87 މެމްބަރުންގެ ދައުރު ހަމަވާނީ މާދަމާގެ ނިޔަލަށެވެ. ނަމަވެސް މަޖިލީހުގެ ރައީސް، މުހައްމަދު އަސްލަމް ނިންމެވީ ޖަލްސާތައް އިއްޔެ ނިޔަލަށް ކުރިއަށް ގެންދިޔުމަށެވެ. މަޖިލީހުގެ ރައީސްއާއެކު މިއަދު ބޭއްވި ބައްދަލުވުމަށްފަހު ޝާހިދު "އެކްސް"ގައި ކުރެއްވި ޕޯސްޓެއްގައި ވިދާޅުވީ 19 ވަނަ…

މިނިސްޓަރ އޮފް ފޮރިން އެފެއާޒް މޫސާ ޒަމީރު މިމަހުގެ 11 އިން 13 އަށް ގަތަރަށް ކުރެއްވި ރަސްމީ ދަތުރުފުޅު ނިންމަވާލައްވައިފިއެވެ. މި ދަތުރުފުޅަކީ ރާއްޖެއާއި ގަތަރާ ދެމެދު އޮތް ގުޅުން އިތުރަށް ބަދަހިކުރެއްވުމަށް ކުރެއްވި ދަތުރުފުޅެކެވެ. މިނިސްޓަރ ޒަމީރުގެ މި ދަތުރުފުޅުގައި ޤަތަރު ސްޓޭޓްގެ ބޮޑުވަޒީރު އަދި މިނިސްޓަރ އޮފް ފޮރިން އެފެއާޒް އައްޝައިޚް މުޙައްމަދު ބިން ޢަބްދުއްރަޙްމާން އަލްޘާނީގެ އަރިހަށް އިޙްތިރާމްގެ ޒިޔާރަތެއް ކުރައްވައި، ދެޤައުމުގެ ދެމެދުގައި މިހާރު އޮތް ގުޅުން ބައްލަވާލައްވައި، އިތުރަށް ގުޅުން ބަދަހިކުރެވޭނެ ގޮތްތަކާ ގުޅޭގޮތުން މަޝްވަރާ ކުރެއްވިއެވެ. މި ދަތުރަށްފަހު މިނިސްޓަރު ޒަމީރު ވިދާޅުވެފައިވަނީ ކުރިއަށް އޮތް ދުވަސްތަކުގައި ދެގައުމުގެ މެދުގައި އޮތް ސިޔާސީ ގުޅުން އިތުރަށް ބަދަހިވެގެންދާނެ ކަމުގެ ޔަގީންކަން އެބައޮތް ކަމުގައެވެ. މި ދަތުރުފުޅުގައި މިނިސްޓަރ ޒަމީރުގެ އަރިހުގައި ސެކްރެޓަރީ، ބައިލެޓަރަލް ޑރ.ހާލާ ހަމީދާއި، އެމްބެސެޑަރ އެޓް ލާޖް ޑރ.ފަޒީލް ނަޖީބާއި އެސިސްޓެންޓް ޑިރެކްޓަރ ލަމްހާ ސަލީމް ބައިވެރިވެވަޑައިގެންނެވިއެވެ.

މި މަހު 28 ގައި ހުވާ ކުރާ 20 ވަނަ ރައްޔިތުންގެ މަޖިލީހުގައި އިދިކޮޅު އެމްޑީޕީ ތަމްސީލު ކުރާ މެންބަރުންނާ ކުރީގެ ރައީސް އިބްރާހިމް މުހައްމަދު ސޯލިހު ބައްދަލުކުރައްވައިފި އެވެ. އެމްޑީޕީން ބުނެފައިވަނީ 20 ވަނަ ރައްޔިތުންގެ މަޖިލިސް އަށް އެމްޑީޕީގެ ޓިކެޓްގައި އިންތިޚާބުވި މެންބަރުންގެ ތެރެއިން މިވަގުތު މާލޭގައި ތިއްބެވި މެންބަރުންނާ ކުރީގެ ރައިސް އިބްރާހިމް މުހައްމަދު ސޯލިހް ބައްދަލުކުރައްވާފައިވާކަމަށެވެ. މިދިޔަ މަހު 21 ގައި ބޭއްވި މަޖިލިސް އިންތިހާބުގައި އެމްޑީޕީއަށް ވަނީ ބޮޑު ނާކާމިޔާބީއެއް…

ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) ގެ މެންބަރު ކަމަށް ރައީސް ޑރ. މުހައްމަދު މުއިއްޒު އައްޔަން ކުރެއްވި ހަ ބޭފުޅުންނަށް ރައްޔިތުންގެ މަޖިލީހުން ރުހުން ދީފި އެވެ. ޕީސީބީގެ މެންބަރު ކަމަށް ރުހުން ދިން ބޭފުޅުން: ހަމްދީ އަގީލް، ހ. ރަންގަލި 4 - ޕީސީބީގެ ރައީސަކަށް މުހައްމަދު އާޒާދް، ކޮކާގެ، ހއ. ކެލާ - އެކައުންޓިން އަދި ފައިނޭންސިން ދާއިރާ ހަސަން ޒަރީރު، ހުޅުމާލެ ފްލެޓް 139-ޖީ-06 - އިކޮނޮމިކްސް ދާއިރާ ލީނާ އަބްދުލް…

ކެނެބިސް ޓްރެފިކް ކުރުމުގެ މައްސަލައަކާ ގުޅިގެން ކޯޓަށް ހާޒިރުކުރަން ޖެހޭ މީހަކު ހޯދުމަށް ފުލުހުން އިއުލާންކޮށްފި އެވެ. ފުލުހުން މިއަދު ކުރި އިއުލާނެއްގައި ވަނީ ކްރިމިނަލް ކޯޓަށް ހުށަހަޅާފައިވާ މައްސަލައަކާ ގުޅިގެން އެ ކޯޓަށް ހާޒިރުކުރަން ބޭނުންވެ ހާޒިރުކުރެވިފައިނުވާ މީހަކު ބަންދުގައި ބަހައްޓައިގެން ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރަކާ ގުޅިގެން އެ މީހާ ހޯދުމުގެ މަސައްކަތް ފުލުހުން ކުރަމުން ދާ ކަމަށް ބުނެފަ އެވެ. މި އަމުރާ ގުޅިގެން ހޯދަމުންދަނީ ސ. ހިތަދޫ /…

ސްރީލަންކާ އަސްކަރިއްޔާއާ ގުޅިގެން ހިންގި ބޭސިކް "އީއޯޑީ ކޯސް" ގެ ދަސްވެނިވުމުގެ ރަސްމިއްޔާތު ބާއްވައިފި އެވެ. މިކަމަަށް ޓަކައި މިއަދު އެމްއެންޑީއެފް ސަދަން އޭރިއާ ކޮމާންޑް، ހެޑްކުއޯޓަރޒްގައި ބޭއްވި ރަސްމިއްޔާތު ޝަރަފުވެރި ކޮށްދެއްވައި، ކޯހުން ދަސްވެނިވުނު ސިފައިންނަށް "އީއޯޑީ ބެޖު" ހަވާލުކޮށްދެއްވީ އެމްއެންޑީއެފް ސަދަން އޭރިއާ ކޮމާންޑުގެ ކޮމާންޑަރ، ކާނަލް މުޙައްމަދު ޖަމްޝާދުއެވެ. އަދި ކޯހުގެ ވަނަތައް ހާސިލުކުރި ސިފައިންނަށް ހަނދާނީ ލިޔުން ހަވާލުކޮށްދެއްވީ ވެސް ޝަރަފުވެރި މެހުމާނެވެ. މި ކޯސް ފުރިހަމަކުރި ސިފައިންނަށް ހަނދާނީ ލިޔުން…

ފަލަސްތީނަށް ޔޫއެން މެމްބަރުންކަން ދިނުމާމެދު އަލުން ވިސްނުމަށް ސެކިއުރިޓީ ކައުންސިލަށް ގޮވާލާ ގަރާރު ޔޫއެންގެ އާންމު މަޖިލީހުގެ ބޮޑު އައުލަބިއްޔަތަކުން ފާސްކޮށްފިއެވެ. އދ.ގެ ސަލާމަތީ މަޖިލީހުން ފަލަސްތީނުގެ މެމްބަރުކަން އަލުން މުރާޖައާ ކުރުމަށް ގޮވާލައި އދ.ގެ އާންމު މަޖިލީހުން ފާސްކުރި ގަރާރުގައި 143 ވޯޓު ލިބިފައިވާއިރު، ނުފެންނަ ކަމަށް ނުވަ ވޯޓު އަދި އެއްވެސް ކޮޅަކަށް ވޯޓު ދޭން ނުފެންނަކަމަށް 25 ވޯޓު ވަނީ ލިބިފަ އެވެ. އެ ގަރާރުގައި ވަނީ ސަލާމަތީ މަޖިލީހުން "މި މައްސަލަ އަލުން މުރާޖައާ ކުރުމަށް" ގޮވާލާ، ފަލަސްތީނު އޮތޯރިޓީއަށް އދ.ގެ މެމްބަރުކަން ދިނުމަށް ބާރުއަޅައި، ފަލަސްތީނުގެ ދައުލަތަކީ އދ.ގެ މެންބަރުކަމަށް ޝަރުތު ހަމަވާ ދައުލަތެއް ކަމަށް ބުނެފައެވެ. އދ.ގެ އާންމު މަޖިލީހުގެ ޖަލްސާ ފެށުމުގެ ކުރިން އދ.ގައި ހުންނަ އެމެރިކާގެ މިޝަނުން އިޝާރާތްކޮށްފައި ވަނީ ގަރާރު ފާސްކޮށް ސަލާމަތީ މަޖިލީހަށް މެމްބަރޝިޕް އެޕްލިކޭޝަން ފޮނުވައިފިނަމަ އެމެރިކާއިން އަނެއްކާވެސް އެ ގަރާރު ވީޓޯ ކުރާނެ ކަމަށާއި އޭޕްރީލް މަހު ކުރިމަތިވިފަދަ ނަތީޖާއަކާ އެގަރާރު ކުރިމަތިލާން ޖެހޭނެ ކަމުގައެވެ. އެމެރިކާގެ މިޝަނުން ބުނީ ފަލަސްތީނު އޮތޯރިޓީއަކީ އދ.ގެ މެންބަރުކަމުގެ ޝަރުތު ހަމަވާ އޮތޯރިޓީއެއް ނޫން ކަމަށާއި އެ ގަރާރުގެ ސަބަބުން ފަލަސްތީނުގެ މެމްބަރުކަމާ މެދު ކުރިން އުފެދުނު ކަންބޮޑުވުންތަކަށް ހައްލެއް ނުލިބޭ ކަމަށެވެ. މިދިޔަ އޭޕްރީލް މަހު ފަލަސްތީނު އޮތޯރިޓީން ވަނީ އެ އޮތޯރިޓީގެ މެންބަރުކަމަށް އެދުނު މައްސަލަ އަލުން ލޯންޗްކޮށް، އެ މަހުގެ ފަހުކޮޅު އެމެރިކާއިން ވަނީ ފަލަސްތީނުން މެމްބަރޝިޕްގެ ދަރަޖަ ހޯދުމަށް ކުރި މަސައްކަތް ވީޓޯކޮށްފަ އެވެ. އެގަރާރާމެދު އޭރު ސަލާމަތީ މަޖިލީހުގައި ނެގި ވޯޓުގައި އެމެރިކާ ވީޓޯ ކޮށްފައިވާއިރު ގަރާރަށް ސަލާމަތީ މަޖިލިހުގެ 12 މެމްބަރަކު ތާއީދުކޮށްފައި ވެއެވެ. އެމެރިކާގެ ވީޓީގެ އިތުރުން އެ ގަރާރާ ދެކޮޅަށް ވޯޓު ދީފައިވަނީ އެންމެ މެމްބަރެކެވެ. ފަލަސްތީނުގެ ބިޑަކީ ލަދުވެތި ހުށަހެޅުމެއް ކަމަށް ބުނެ އިޒްރޭލުން އެމެރިކާ ވީޓޯއަށް ތައުރީފުކޮށްފައިވާއިރު، ފަލަސްތީނު އޮތޯރިޓީގެ ރައީސް ވަނީ ވީޓޯއަކީ ބޭއިންސާފު، ނާތަހުޒީބު އަދި ބޭއިންސާފު ހުށަހެޅުމެއް ކަމަށް ސިފަކޮށްފަ އެވެ.    

ޚާރިޖީ ވަޒީރު މޫސާ ޒަމީރު އިންޑިއާއަށް ކުރައްވާ ރަސްމީ ދަތުރުފުޅުގެ ތެރެއިން ނިއުދިއްލީގައި ތިބި ދިވެހިންނާ ބައްދަލުކުރައްވައިފިއެވެ. ވަޒީރު ދިވެހިންނާ ބައްދަލުކުރެއްވީ ދިއްލީގެ ތާޖް ޕެލަސް ހޮޓެލްގައި ޚާރިޖީ ވަޒީރުގެ ޝަރަފުގައި އިންޑިއާގައި ހުންނަވާ ދިވެހި ރާއްޖޭގެ ހައިކޮމިޝަނަރު ބޭއްވި ރޭގަނޑުގެ ފަރިއްކޮޅެއްގެ ތެރެއިންނެވެ. މި ހަފްލާގައި ދިއްލީގައި ދިރިއުޅޭ ދިވެހި ޢާއިލާތަކާއި، އެކި ބޭނުންތަކުގައި އެސިޓީގައި މިވަގުތު ތިބި ބައެއް ދިވެހިން ބައިވެރިވިއެވެ. މި ބައްދަލުކުރެއްވުމުގެ ތެރެއިން ޚާރިޖީ ވަޒީރުވަނީ ދިވެހިންނާ ބައްދަލުކުރައްވައި އެމީހުންނަށް ދިމާވާ…