ޕީއެންސީގެ ތަރުޖަމާނަކަށް މުހައްމަދު ފިރުޒުލް އަބްދުالله ހަލީލް ހަމަޖައްސަވައިފި އެވެ. ޕީއެންސީން ބުނީ އެ ޕާޓީގެ ތަރުޖަމާނަކަށް ފިރުޒުލް އައްޔަންކޮށްފައިވާ ކަމަށެވެ. ފިރުޒުލް މިހާރު ހުންނެވީ ރައީސުލްޖުމްހޫރިއްޔާގެ އޮފީހުގެ އަންޑަ ސެކެރެޓަރީގެ މަގާމުގަ އެވެ. މީގެ އިތުރުން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިންތިޚާބީ ރައީސެއްގެ ގޮތުގައި ހުންނެވި ދުވަސްވަރު، އެމަނިކުފާނުގެ ތަރުޖަމާނެއްގެ ގޮތުގައިވެސް މަސައްކަތް ކުރެއްވީ ފިރުޒުލް އެވެ. އޭނާއަކީ ގާނޫނީ ދާއިރާއިން މަތީ ތައުލީމު ހާސިލްކުރައްވައިގެން ހުންނެވި ބޭފުޅެކެވެ.

އެމްޑީޕީގެ ޗެއާޕާސަން އިންތިހާބު ފަސްކުރަން އެ ޕާޓީގެ ވަގުތީ ޗެއާޕާސަން އަބްދުލްޣަފޫރު މޫސާ (ގަޕޯ) ހުށަހަޅުއްވައިފި އެވެ. އެމްޑީޕީގެ ގައުމީ މަޖިލީހުގެ ވަޓްސްއެޕް ގްރޫޕަށް ފޮނުއްވި މެސެޖެއްގައި ގަޕޯ ވިދާޅުވީ ޗެއާޕާސަން އިންތިހާބާއި ގައުމީ މަޖިލިސް އިންތިހާބު މިވަގުތު ބާއްވައިފިނަމަ ޕާޓީގެ އެތެރޭގެ މަސްލަހަތު ގެއްލި، އޭގެ ސަބަބުން ސަރުކާރު ޖަވާބުދާރީކުރުވުމުގެ މަސައްކަތަށް ހުރަސްތަކެއް ކުރިމަތިވެދާނެ ކަމަށެވެ. ދެވަނަ ކަމެއްގެ ގޮތުގައި ގަޕޯ ފާހަގަ ކުރެއްވީ ދެ އިންތިހާބު ބާއްވަން ފައިސާ ނެތުމެވެ. އެގޮތުން، ދައުލަތުގެ ބަޖެޓުން…

ށ. ފޯކައިދޫ ޕޮލިސް ސްޓޭޝަންގެ އިންޗާޖަށް އަމާޒުކޮށް އޭނާގެ ސައިކަލުގައި ގަސްތުގައި ރޯކޮށްލި މައްސަލަ ފުލުހުން ސީރިއަސް މައްސަލައެއްގެ ގޮތުގައި ތަހުގީގު ކުރަން ފަށައިފިއެވެ. މިދިޔަ ހޯމަ ދުވަހުގެރޭ 10:30 ހާއިރު ހިނގި މި ހާދިސާގައި، އިންޗާޖު ދިރިއުޅޭ ގޭގެ ކައިރީގައި ބަހައްޓާފައި ހުރި އެ ސައިކަލު ވަނީ ބޭނުން ނުކުރެވޭ ވަރަށް އަންދާލާފައެވެ. އަދި އަލިފާނުގެ ސަބަބުން އެ ގޭގެ ގޭޓަށާއި ގޭގެ ބައެއް ސަރަހައްދުތަކަށް ވެސް ވަނީ ގެއްލުންތަކެއް ލިބިފައެވެ. މިކަމާ ގުޅިގެން ފުލުހުން…

ބައިނަލްއަޤުވާމީ މަސައްކަތްތެރިންގެ ދުވަސް ނުވަތަ މޭޑޭގައި އެމްޑީޕީގެ ފަރާތުން އެކަށީގެންވާ ހަރަކާތްތެރިކަމެއް ނުފެނުމަކީ ހިތާމައެއް ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެ އެވެ. މިއަދު ފާހަގަކުރަމުންދާ މަސައްކަތްތެރިންގެ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައި ނަޝީދު ވިދާޅުވީ މޭޑޭ އަކީ 2006 ވަނަ އަހަރުން ފެށިގެން އެމްޑީޕީން އިސްނަގައިގެން ފާހަގަކުރަމުން އަންނަ، މަސައްކަތްތެރިންގެ ޙައްޤުތަކާ ގުޅޭ ތާރީޚީ މުހިންމު ހަރަކާތްތަކެއް ހިންގާފައިވާ ވަރަށް މުހިންމު މުނާސަބަތެއް ކަމަށެވެ. ރާއްޖޭގައި މޭޑޭ ބަންދު ދުވަހެއްގެ ގޮތުގައި ފުރަތަމަ…

މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ޑިރެކްޓަރުންގެ ބޯޑުގެ އެގްޒެކްޓިވް މެންބަރުކަމުގެ މަގާމަށް މުޙައްމަދު ލަމްޢާން އައްޔަންކޮށްފި އެވެ. ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ބުނީ އެމްޕީއެލް ގެ ޑިރެކްޓަރުންގެ ބޯޑުގެ އެގްޒެކްޓިވް މެންބަރުކަމުގެ މަޤާމުން ހ. އާހަމަ، އިބްރާހިމް ޒިޔަތު ވަކިކޮށް، އެކުންފުނީގެ ޑިރެކްޓަރުންގެ ބޯޑުގެ އެގްޒެކްޓިވް މެންބަރުކަމުގެ މަޤާމަށް ލަމްއާން މިއަދުން ފެށިގެން އައްޔަންކޮށްފައިވާ ކަމަށެވެ. ލަމްއާން އެންމެފަހުން ހުންނެވީ އެމްއޭސީއެލްގެ ޑެޕިއުޓީ މެނޭޖިން ޑިރެކްޓަރުކަމުގެ މަގާމުގަ އެވެ. އެމްއޭސީއެލްގެ ޑީއެމްޑީގެ މަގާމަށް…

ބޮޑުތަކުރުފާނު މަގު ތަރައްޤީކުރުމުގެ މަޝްރޫޢުގެ ދަށުން، އެ މަގުގެ ހުރިހާ ސެގްމަންޓެއްގައިވެސް އެއްފަހަރާ ތާރުއެޅުމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ނިންމައިފިއެވެ. ދައުލަތުގެ މީޑިއާއަށް މަޢުލޫމާތު ދެއްވަމުން އެމްޓީސީސީގެ ސީނިއަރ ޕްރޮޖެކްޓް މެނޭޖަރ ޝަރްވަސް ޢަބްދުﷲ ފާއިޒު ވިދާޅުވީ، މަގު ހެދުމުގެ މަސައްކަތުގެ ތެރެއިން ސެގްމަންޓް 5 ގެ ގާތްގަނޑަކަށް ހުރިހާ މަސައްކަތެއް މިހާރު ނިމިފައިވާ ކަމަށާއި، މިވަގުތު ކުރިއަށްދަނީ އެ ސެގްމަންޓުގެ ސައިޑްވޯކް ހެދުމުގެ މަސައްކަތް ކަމަށެވެ. މީގެ އިތުރުން، ބާކީ…

ބައިނަލްއަގުވާމީ މަސައްކަތްތެރީންގެ ދުވަހުގެ މުނާސަބަތުގައި ސޯޝަލް މީޑިއާގެ އެކްސްގައިވެސް ރައީސުލްޖުމްހޫރިއްޔާ ގެ ދެކަނބަލުން ދުވަހުގެ ތަހުނިޔާ ފޮނުއްވައިފިއެވެ. ރައީސުލްޖުމްހޫރިއްޔާގެ މެސެޖުގައި، އަމިއްލަ ނަފްސާއި ޢާއިލާގެ ފުދުންތެރިކަމަށްޓަކައި، އަދި ޤައުމުގެ ލާބައާއި މަންފާއަށްޓަކައި ކޮންމެ ދާއިރާއެއްގައި ބުރައުފުލާ މަސައްކަތްތެރިއަކީވެސް ޝަރަފްވެރިއެއްކަމަށާއި އެއީ މި ޤައުމުން އަގުވަޒަން ކުރާނެ ޚިދުމަތްތެރިއެއްކަމުގައި ވިދާޅުވިއެވެ. އަދި ބައިނަލްއަޤްވާމީ މަސައްކަތްތެރިންގެ ދުވަހުގެ ތަހުނިޔާ އަރިސްކުރައްވަނީ، ދިވެހިރާއްޖެ މިއަދު މިދެކޭ ކުރިއެރުންތައް މި ޤައުމަށް ގެނެސްދިނީވެސް، އަދި މާދަމާއަށް ދިވެހީންކުރާ އުންމީދުތައް ހަގީގަތަކަށް ހަދައިދެވޭނީވެސް ހީވާގި މަސައްކަތްތެރީންނަށްކަން ޤަބޫލުކުރައްވަމުން،…

ޔޫއޭއީގެ ރައީސް އައްޝައިޚް މުޙައްމަދު ބިން ޒައިދު އަލް ނަޙްޔާން އާއި އިންޑިއާގެ ނޭޝަނަލް ސެކިއުރިޓީ އެޑްވައިޒަރު (އެންއެސްއޭ) އަޖިތު ދޯވާލް އަބޫދާބީގައި މުހިންމު ބައްދަލުވުމެއް ބާއްވަވައިފިއެވެ. މި ބައްދަލުކުރެއްވުމުގައި މައިގަނޑު ގޮތެއްގައި މަޝްވަރާކުރެވުނީ ސަރަހައްދީ ހަމަޖެހުން ގާއިމުކުރުމާއި، ދުނިޔޭގެ ހަކަތައިގެ ރައްކާތެރިކަން ކަށަވަރުކުރުމުގެ އިތުރުން ދެ ގައުމުގެ ދެމެދުގައި އޮތް ޒަމާންވީ ގުޅުން އިތުރަށް ބަދަހިކުރުމާ ގުޅޭގޮތުންނެވެ. މިގޮތުން، މެދުއިރުމަތީގެ މިހާރުގެ ހާލަތާއި، ސަރަހައްދީ އަދި ބައިނަލްއަގުވާމީ ސަލާމަތަށް ހުރި ނުރައްކާތަކާ ބެހޭގޮތުން ދެ ބޭފުޅުން…