އިލެކްޝަންސް ކޮމިޝަންގެ ސެކެޓްރީޖެނެރަލްގެ މަގާމަށް ބޭފުޅަކު ހަމަޖައްސަވައިފިއެވެ. އެމަގާމަށް ހަމަޖައްސަވާފައިވަނީ އަބްދުﷲ އުނައިސްއެވެ. އުނައިސް އެމަގާމަށް ހަމަޖައްސަވާފައިވަނީ ސެކެޓްރީޖެނެރަލްގެ މަގާމްގައި ހުންނެވި ހަސަން ޒަކަރިއްޔާ ކޮމިޝަންގެ މެމްބަރުކަމަށް އައްޔަން ކުރެވުމާއި ގުޅިގެންނެވެ. އުނައިސްވަނީ 2015 ވަނަ އަހަރުން ފެށިގެން އިލެކްޝަންސް ކޮމިޝަންގެ އެކި މަގާމްތައް ފުރުއްވާފައެވެ. އޭނާ ސެކެޓްރީޖެނެރަލްގެ މަގާމަށް އައްޔަން ކުރުމުގެ ކުރިން އޭނާ ހުންނެވީ ކޮމިޝަނުގެ ޑިރެކްޓަރުގެ މަގާމުގައެވެ. އެސްޖީގެ މަގާމްގެ އިތުރުން އީސީން ވަނީ އެކޮމިޝަންގެ ޕްލޭނިން އެންޑް ރަޖިސްޓްރޭޝަން ޑިވިޝަންގެ ޑިރެކްޓަރަކަށް…

މ. އަތޮޅުގެ ރަށަކުން ލޯންޗެއް ވަގަށް ނަގައިގެން ހުޅުމާލެ އައި ކުޑަ ކުއްޖާ އާއިލާއާ ހަވާލުކޮށްފައިވާ ކަމަށް ފުލުހުން ބުނެފިއެވެ. ސިނަމަން ހަކުރާ ރިސޯޓު ލޯންޗެއް ވަގަށް ނަގައިގެން އުމުރުން 14 އަހަރުގެ ކުޑަ ފިރިހެން ކުއްޖަކު އޭނާގެ ލޯބިވެރިޔާ ގާތަށް ގޮސްފައި ވަނީ ލޯބިވެރިޔާ "އަނިޔާއިން ސަލާމަތް ކުރުމަށް" ކަމަށް ބުނެއެވެ. ފުލުހުން ބުނީ ލޯންޗުގައި މާލެ އައި ފިރިހެން ކުއްޖާ އާއިލާއާ މިހާރު ހަވާލުކޮށްފައިވާ ކަމަށެވެ. ރަށުގެ ބަނދަރުގައި އަޅާފައި އޮތް ރިސޯޓެއްގެ ލޯންޗެއް…

އިދިކޮޅު މައި ޕާޓީ އެމްޑީޕީގެ ގައުމީ މަޖިލީހުގެ ޖަލްސާއެއް މިރޭ ބާއްވަން ނިންމައިފިއެވެ. މިއީ މިދިޔަ މަހު ބޭއްވި ރައްޔިތުންގެ މަޖިލިސް އިންތިހާބުގައި އެމްޑީޕީއަށް ލިބުނު ނާކާމިޔާބީއަށްފަހު ބާއްވާ ފުރަތަމަ ގައުމީ މަޖިލީހުގެ ޖަލްސާއެވެ. ވިހިވަނަ މަޖިލީހުގެ 93 ދާއިރާއަކަށް މެންބަރުން އިންތިހާބުކުރި އިރު، އެމްޑީޕީއަށް ލިބުނީ 12 ގޮނޑިއެވެ. ސުޕަ މެޖޯރިޓީއެއް ލިބުނީ ސަރުކާރު ހިންގާ ޕީއެންސީއަށެވެ. އެގޮތުން ވިހިވަނަ މަޖިލީހުގައި ޕީއެންސީގެ 76 މެންބަރުން ތިބޭނެއެވެ.

މިއަދު ފާހަގަ ކުރެވެމުންދާ ބައިނަލްއަގުވާމީ މަސައްކަތްތެރިންގެ ދުވަހުގެ މުނާސަބަތުގައި ބާއްވާ ޚާއްސަ ރެލީ މިއަދު ހަވީރު ކުރިޔަށްދާނެކަމަށް، މި ހިނގާލުން އިންތިޒާމްކުރާ މޯލްޑިވްސް ޓްރޭޑް ޔޫނިއަން ޗެމްބާސްއިން ބުނެފިއެވެ. އެ ޔޫނިއަން ބުނެފައިވަނީ މިއަދުގެ ރެލީ ފެށިގެންދާނީ ރަސްފަންނުން 3:45ގައި ކަމުގައެވެ. އަދި މަޖީދީމަގުން ހިނގާލާފަ ގޮސް ރެލީ ނިމިގެންދާނީ އާރޓިފިޝަލް ބީޗަށްކަމަށްވެސް އެ ޔޫނިއަންއިން ބުނެފައި ވެއެވެ. އެ ޔޫނިއަން ބުނެފައިވަނީ މި ރެލީގަ މަސައްކަތްތެރިން ނިސްބަތްވާ ހުރިހާ މަސައްކަތްތެރިން ބައިވާނެ ކަމަށާއި، މި ރެލީގެ…

މިއަހަރުގެ ފުރަތަމަ ކުއާޓަރުގައި އެސްޓީއޯއަށް ލިބު ސާފު ގައިދާ 195 މިލިއަން ރުފިޔާއަށް އަރާކަމަށް އެ ކުންފުނީގެ ތަފާސް ހިސާބުތަކުން ދައްކައިފިއެވެ. މިއީ ފާއިތުވި އަހަރުގެ ފަހު ކުރާޓަރުގައި އެ ކުންފުންޏަށް ލިބުނު 182.6 މިލިއަން ރުފިޔާއަށް ވުރެ 6.8 ޕަސެންޓް އިތުރު އަދަދެކެވެ. އެހެންމަވެސް އެސްޓީއޯގެ މިއަަހަރުގެ ފުރަތަމަ ކުއާޓަރުގެ ސާފު ފައިދާވަނީ ފާއިތުވެދިޔަ އަހަރުގެ އެ މުއްދަތަށްވުރެ 27.9 ޕަސެންޓް ދަށަށް ގޮސްފައެވެ. ފާއިތުވި އަހަރުގެ އެސްޓީއޯގެ ފުރަތަމަ ކުއާޓަރުގެ ސާފު ފައިދާއަކީ 270…

ހަށިވިއްކުމުގެ ވިޔަފާރި ޕްރޮމޯޓްކުރަމުންދިޔަ ޓެލެގްރާމް ޗެނަލެއް ބަންދު ކޮށްފައިވާކަމަށް ފުލުހުން ބުނެފިއެވެ. ފުލުހުން ބުނެފައިވަނީ ބަންދު ކޮށްފައިވަނީ "އެމްވީ ކޯލް ގާލްސް" ގެ ނަމުގައި ހިންގަމުންދިޔަ ޓެލެގްރާމް ޗެނަލެއް ކަމުގައެވެ. މި ޗެނަލުން ބޮޑެތި އެކި ކުށްތަކަށް އަރައިގަތުމަށް ހިތްވަރު ލިބޭ ގޮތަށް ގިނަކަންކަން ކުރަމުން ދިޔަ ކަމަށާއި ޗެނަލް ބަންދުކޮށް އެ މައްސަލަ ފުލުހުން ބަލަމުން އަންނަ ކަމަށް ބުންޏެވެ. ނަމަވެސް އެއީ ސީދާ ކޮން ކުށްތަކެއް ކަން ފުލުހުން ހާމަކޮށްފައިނުވެ އެވެ. މީގެ ކުރިން…

ރާއްޖޭގެ ބައެއް ޓީވީ ޗެނަލްތަކަށާއި ބައެއް ފަރުދުންނަށް ގެއްލުން ދޭނެކަމުގެ އިންޒާރުދީފައިވާ މައްސަލަތައް ދިވެހި ފުލުހުންގެ ޚިދުމަތުން ބަލަން ފަށައިފިއެވެ. ހުޅުޖަހައި އަންދާލާނެ ކަމަށް ބުނެ ސޯޝަލް މީޑިއާގައި އިންޒާރުދީފައިވަނީ ރާއްޖެ ޓީވީއަށާއި ޗެނަލް 13 އަށެވެ. ފުލުހުން ބުނީ އެފަދަ މައްސަލަތައް އެ އިދާރާގެ ސަމާލުކަމަށް އައިސްފައިވާ ކަމަށެވެ. އެހެންކަމުން އެ މައްސަލަތައް ތަޙުގީގުކޮށް، ޤާނޫނީ ފިޔަވަޅު އެޅުމަށް ކުރަންޖެހޭ މަސައްކަތްތައް ސައިބަރ ކްރައިމް ޑިޕާޓްމަންޓާއި ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓުން ބަލަމުންދާ ކަމަށް…