އަންނަ ހަފްތާގެ އާދިއްތަ ދުވަހު ބާއްވާ ރައްޔިތުންގެ މަޖިލީހުގެ އިންތިހާބުގައި ވޯޓުލާ ގަޑި އިރުއޮއްސި 5:30 އާ ހަމައަށް އިތުރު ކުރަން އިލެކްޝަންސް ކޮމިޝަން (އީސީ)ން ދެންމެ ނިންމައިފިއެވެ. އީސީން ކުރިން ނިންމާފައި އޮތީ، ހެނދުނު 8:00 އިން ފެށިގެން ހަވީރު 4:00 އާ ހަމައަށް ވޯޓުލުން ކުރިއަށް ގެންދާ ގޮތަށެވެ. ނަމަވެސް މި ދުވަސްވަރަކީ ބައެއް ރަށްރަށަށް ވިއްސާރަ ވެދާނެކަމަށް ބަލައި ވޯޓުލާ މީހުންނަށް ފުރުސަތު ދިނުުމުގެ ގޮތުން 5:30 އާ ހަމައަށް ވޯޓުލާ ގަޑި…

ބޮޑެތި ކުށްތައް ހިންގުމަށް ޖަޒީރާގެ ނަމުގައި ޓެލެގްރާމް ޗެނަލްތަކެއް ހަދައިގެން ހިންގި މައްސަލައިގައި މީހަކު ހައްޔަރުކޮށްފި އެވެ. ފުލުހުން ބުނި ގޮތުގައި މި މައްސަލައިގެ ތުހުމަތުގައި ހައްޔަރުކޮށްފައިވަނީ އުމުރުން 60 އަހަރުގެ ދިވެހި ފިރިހެނެކެވެ. އޭނާ ހައްޔަރުކޮށްފައިވަނީ މިދިޔަ މަހުގެ 30 ވަނަ ދުވަހު އެވެ. އެނގިފައިވާ ގޮތުން ހައްޔަރުކުރި މީހާއަކީ ހަށިވިއްކުމުގެ ވިޔަފާރީގައި ބޭނުންކުރި ޓެކްސީއެއްގެ ޑްރައިވަރެކެވެ. ޖަޒީރާ ޓެލެގްރާމް ޗެނަލްތަކުގެ މައްސަލައިގައި މީގެ ކުރިން ދެމަފިރިން ހައްޔަރުކޮށްފަ އެވެ. އެއީ 28 އަހަރުގެ ފިރިހެނަކާއި…

ރައްޔިތުންގެ މަޖިލީހުގެ އިންތިހާބުގައި ބޭނުންކުރާނެ ވޯޓު ކަރުދާހާއި އެހެން ތަކެތި އަތޮޅުތަކަށް ފޮނުވުމުގެ މަސައްކަތް އިލެކްޝަން ކޮމިޝަން (އީސީ) އިން މިއަދު ފަށައިފިއެވެ. ކޮމިޝަންގެ މެންބަރު ކަމަށް އައްޔަންކުރެއްވި ހަސަން ޒަކަރިއްޔާ ވިދާޅުވީ އިންތިހާބަށް، އިދާރީ ގޮތުން ވާންޖެހޭ ހުރިހާ ތައްޔާރީތަކެއްވެ ނިމިފައިވާ ކަމަށެވެ. އެންމެ މުހިއްމު ކަމެއްގެ ގޮތުގައި ހިމެނޭ ވޯޓުލާ މަރުކަޒަށް ފޮނުވަން ޖެހޭ ތަކެތި ފޮނުވުމުގެ މަސައްކަތް ރޭ ފަތިހު ފަށާފައިވާއިރު އއ، އދ، ވ، މ، ފ އަދި ދ އަތޮޅުގެ…

ނ. މާފަރު ފަޅުތެރޭގައި އޮންނަ ފަރުމުލި އާއި ކަނޑިންމާހުރައަކީ އެ ރަށުގެ ބައެއްގެ ގޮތުގައި ކަނޑައަޅައިފިއެވެ. ފަރުމުލި އާއި ކަނޑިންމާހުރާ އަކީ މާފަރުގެ ބައެއްގެ ގޮތުގައި ކަނޑައަޅަން ނިންމާފައިވާ ކަން އިއުލާނުކޮށްފައިވަނީ ރައީސް މިއަދު ނެރުއްވައި ގެޒެޓު ކުރި ގަރާރުގައެވެ. ގަރާރުގައި ބުނެފައިވަނީ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުން ރައީސުލްޖުމްހޫރިއްޔާ އަށް ލިބިދޭ ބާރުގެ ދަށުން ނ އަތޮޅު ފަރުމުލި އާއި ކަނޑިންމާހުރާ އަކީ ނ. މާފަރުގެ ބައެއް ކަމުގައި ކަނޑައަޅާފައިވާ ކަމަށެވެ. މިއީ…

ހދ. ކުޅުދުއްފުށި ސިޓީގައި ކަރަންޓުގެ ހިދުމަތް ދެމުން އަންނަ ޓްރާންސްފޯމަރަކަށް ދިމާވި މައްސަލަ ހައްލުކޮށް, މުޅި ރަށަށް އަލުން ކަރަންޓުގެ ހިދުމަތް ދީފިއެވެ. ކުޅުދުއްފުށިން މިއަދު ކަރަންޓުގެ ހިދުމަތް މެދުކެނޑުނީ ޓްރާންސްފޯމަރަށް ދިމާވި މައްސަލައާ ގުޅިގެން ތިން ޖަނަރޭޓަރެއްގެ މޮޑިއުލް އަނދައިގެންނެވެ. ފެނަކައިން މިރޭ ބުނީ, ކުޅުދުއްފުށީގައި ހިންގަމުންއައި ހަތް ޖަނަރޭޓަރުގެ ތެރެއިން ތިން ޖަނަރޭޓަރެއްގެ ކޮންޓްރޯލްމޮޑިއުލް އަނދައި މުޅިރަށުން ކަރަންޓު ކެޑުނު މައްސަލަ ހައްލުކޮށް މިރޭ 08:10 ގައި ދާއިމީކޮށް ކަރަންޓު ދޫކުރެވިފައިވާ ކަމަށެވެ. އެ…

ފޯނެއް ވަގަށް ނެގި މީހަކު ހޯދަން ފުލުހުން ފަށައިފިއެވެ. ފުލުހުން ބުނީ، އެ ވީޑިއޯ އިން ފެންނަ މީހާ އަކީ ގަލޮޅު ޕޮލިސް ސްޓޭޝަނުން ތަހުގީގުކުރަމުންދާ މައްސަލައެއްގައި ހޯދަމުންދާ މީހެއް ކަމަށެވެ. އޭނާ ހޯދަމުން ދަނީ މިދިޔަ މާޗު މަހުގެ 18 ވަނަ ދުވަހުގެ ވަގުތެއްގައި މަޖީދީ މަގުގައި ހުންނަ ބަންކާ މޯބައިލް ފިހާރައިން މޯބައިލް ފޯނެއް ވަގަށް ނަގާފައިވާ މައްސަލައާ ގުޅިގެންނެވެ. އެ މީހާ އަކީ  ހޯދަން ބޭނުންވެ، ފުލުހުންނަށް ކާކުކަން ދެނެގަނެވިފައިނުވާ މީހެކެވެ.  …