ހުޅުމާލޭ ފޭސް އެކެއްގައި ކާރަކާއި ވޭނެއް މުޑިއަރައިގެން ނުރައްކާތެރި އެކްސިޑެންޓެއް ހިނގައިފިއެވެ. ފުލުހުން ބުނީ މި އެކްސިޑެންޓް ހިނގާފައިވަނީ ހުޅުމާލޭ ފޭސް 1 ގެ ނިރޮޅު މަގު ދެވަނަ ރުއްގަނޑާ ހިސާބުގައި ކަމަށެވެ. މި އެކްސިޑެންޓް ހިނގަން މެދުވެރިވީ އެހިސާބުން ދުއްވަމުންދިޔަ ކާރެއްގެ ފަހަތުން އައި ވޭން ކާރާއި މުޑި އަރައިގެންނެވެ. ވޭން ޖެހުނުލެއް ބާރުކަމުން ދުއްވަމުން އައި ކާރު ދިޔަގޮތަށް ގޮސް އެހެންކާރުތަކުގައި ވެސް ޖެހިފައި ވެއެވެ. އެކްސިޑެންޓެއް ހިނގައިގެން ފުލުހުންނަށް ރިޕޯޓު ކޮށްފައިވަނީ މިއަދު ހެދުނު…

ދިވެހި ދައުލަތަށް ޚިދުމަތް ކުރުމުގެ އިނާމަށް މިއަހަރު ނަން ހުށަހެޅުމުގެ ފުރުޞަތު، ޤައުމީ އިނާމާބެހޭ ކޮމިޓީއިން މިއަދު ހުޅުއްވައިލައްވައި، އިނާމު ދިނުމުގެ އުސޫލު ދިވެހި ސަރުކާރުގެ ގެޒެޓުގައި ޝާއިޢު ކުރައްވައިފިއެވެ. ދައުލަތަށް ޚިދުމަތް ކުރުމުގެ އިނާމަކީ، ދިވެހި ދައުލަތަށް 35 އަހަރަށްވުރެ ދިގު މުއްދަތަކަށް ޚިދުމަތް ކޮށްފައިވާ މުވައްޒަފުންގެ ތެރެއިން، މަގާމުގެ މަސްއޫލިއްޔަތު އަދާކުރުމުގައި ޤާބިލުކަމާއި އިޚްލާޞްތެރިކަމާއެކުގައި ކޮށްފައިވާ ޚިދުމަތްތަކަށާއި، އެ މުއައްސަސާއެއްގެ ކުރިއެރުމަށް ކޮށްދީފައިވާ ޚިދުމަތްތަކުގެ އަގުވަޒަންކުރުމުގެގޮތުން ޤައުމީ ފެންވަރުގައި ދިވެހި ދައުލަތުން ރައީސުލްޖުމްހޫރިއްޔާ ދެއްވާ…

ކުރިއަށް އޮތް ރަމަޟާން މަހުގެ ހަނދު ސާބިތު ކުރުމުގެ ކަންކަން އަންނަ މަހުގެ 10 ގައި ކުރިއަށް ގެންދާ ގޮތަށް ހަމަޖެހިއްޖެއެވެ. ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން ނެރުނު އިއުލާނެއްގައި ބުނީ ކުރީ އަހަރުތަކެކޭ ވެސް އެއްފަދައިން މިއަހަރު ވެސް ރޯދަމަހުގެ ހަނދު ސާބިތު ކުރުމަށްޓަކައި ރޯދަމަހުގެ ހަނދު ދުށް މީހަކު ނުވަތަ ބަޔަކު ހެކިބަސް ދިނުމަށް ހަމަޖެހިފައިވަނީ މާލޭގައި ނަމަ މާލޭގެ ކޯޓެއްގެ ގާޒީއެއްގެ ކުރި މަތީގައި ކަމަށެވެ. އަދި އަތޮޅުތަކުގައި ނަމަ…

ހއ.ދިއްދޫގައި އެއަރޕޯޓެއް ތަރައްޤީކުރައްވާނެ ކަމަށް މުޙައްމަދު މުޢިއްޒުވެސް ވައުދުވެވަޑައިގެން ފިއެވެ. ވައިގެ ދަތުރުފަތުރާއި ކަނެކްޓިވިޓީ އިތުރުކުރުމަށް ޓަކައި ރާއްޖޭގެ މުހިންމު ތަންތަނުގައި އެއަރޕޯޓު ތަރައްޤީކުރުމުގެ މުހިންމުކަމުގެ މައްޗަށް އަލިއަޅުއްވާލައްވަމުން ރައީސުލްޖުމްހޫރިއްޔާ ޑޮކްޓަރ މުޢިއްޒު ވަނީ، ދިއްދޫގައި އެއަރޕޯޓެއް ޤާއިމުކުރެއްވުމަށް ވަޢުދުވެވަޑައިގެންފައެވެ. ރައީސުލްޖުމްހޫރިއްޔާ މިހެން ވިދާޅުވީ، އުތުރުގެ ރަށްތަކަށް މިހާރު ކުރައްވަމުން ގެންދަވާ ދަތުރުފުޅުގައި، އެރަށްރަށުގެ ޙާލަތު ބައްލަވައި، ތަރައްޤީގެ މަޝްރޫޢުތައް ކުރިއަށްދާގޮތް ބައްލަވާލެއްވުމަށް ކުރައްވަމުން ގެންދަވާ ދަތުރުފުޅުގައެވެ. "الله އިރާދަކުރެއްވިއްޔާ މިރަށަށް ތަރައްޤީގެ ގިނަ މަސައްކަތްތަކެއް ކޮށްދޭނަން" ދިއްދޫރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން ޑރ.މުޢިއްޒު ވިދާޅުވީ، އެއަރޕޯޓް ޤާއިމުކުރުމަށް މި ސަރުކާރުން އަބަދުވެސް މަސައްކަތްކުރައްވާނެ ކަމަށެވެ. އެއާޕޯޓު ތަރައްގީ ކުރުމަށް އިސްކަން ދެއްވާ ކަމަށް ބުނެ އިދިކޮޅު ފަރާތްތަކުން އަމާޒުކުރާ ފާޑުކިޔުންތަކަށް ރައްދު ދެއްވަމުން ޑރ.މުއިއްޒު ވިދާޅުވީ ރާއްޖޭގެ ޑޮމެސްޓިކް އޭވިއޭޝަން ރަނގަޅު ކުރަން ޖެހެނީ ޖިއޮގްރަފިކަލް ގޮތުން ކަމަށެވެ. "ވަކިން ހާއްސަކޮށް ޖިއޮގްރަފިކަލް އަދި އާބާދީ ޑިސްޓްރިބިއުޝަން ފެކްޓާ ކުރާއިރު، ކުރީގެ ސަރުކާރުތަކުގެ ތަރައްގީގެ ސިޔާސަތުތައް ރައްޔިތުން މިހާރު ބޭނުމެއް ނުވޭ. އެއާޕޯޓެއް ތަރައްގީ ކުރުމަކީ ރައްޔިތުންނަށް ކޮންމެހެން ކުރަން ޖެހޭ ކަމެއް،" ރައީސް ވިދާޅުވި އެވެ. އެއާޕޯޓު ތަރައްގީ ކުރުމުގެ މަޝްރޫއާ އެކު ރައީސް މުއިއްޒު ވަނީ އެ ރަށަށް ވެސް ބިން ހިއްކުމުގެ މަސައްކަތް ކުރައްވާނެ ކަމުގެ ޔަގީންކަންވެސް ދެއްވާފަ އެވެ. ދިއްދޫގެ އެއަރޕޯޓް މަޝްރޫޢުގެ އިތުރުން، އާ ހޮސްޕިޓަލަކާއި ކުޅިވަރުގެ ވަސީލަތްތައް ޤާއިމުކޮށް، ބޯހިޔާވަހިކަމަށް އިސްކަންދެއްވާނެކަމުގެ ޔަޤީންކަން ރައީސުލްޖުމްހޫރިއްޔާ ދެއްވިއެވެ. ދިއްދޫގައި އެއަރޕޯޓެއް ތަރައްގީ ކުރުމަކީ ކުރީގެ ރައީސް ޔާމިން އަދި ކުރީގެ ރައީސް ސާލިހުވެސް ވެވަޑައިގެންނެވި ރިޔާސީ ވައުދުކެވެ.