މި އަހަރު ހައްޖުގެ އަޅުކަން އަދާކުރުމަށް ރާއްޖެ އިން ފުރި ދިވެހި ހައްޖުވެރިން މާދަމާ ރާއްޖެ އަންނަން ފަށާނެ ކަމަށް އިސްލާމިކް މިނިސްޓްރީން ބުނެފިއެވެ. މިފަހަރު ހައްޖުގެ އަޅުކަން އަދާކުރުމަށް ރާއްޖެ އިން 1،150 ހައްޖުވެރިން ދިޔައެވެ. އެކަމަކު، އެ ތަނުން އެއް ހައްޖުވެރިއަކު ވަނީ ހައްޖުގެ އަޅުކަން ނުފެށެނީސް ނިޔާވެފައެވެ. ނިޔާވެފައިވަނީ އުމުރުން ދުވަސްވީ ދިވެހި އަންހެނެކެވެ. އިސްލާމިކް މިނިސްޓްރީން ބުނީ މި އަހަރު ރާއްޖެއިން ހައްޖަށް ދިވެހި ހައްޖުވެރިން ހައްޖުގެ އަޅުކަން ފުރިހަމަކުރުމަށްފަހު މިހާރު…

ރާއްޖެ ހިމެނޭ ރީޖަލްގެ ކަންޓްރީ ޑައިރެކްޓަރއަކަށް ވާލްޑް ބޭންކުން ބޭފުޅަކު އައްޔަން ކޮށްފިއެވެ. މި މަގާމަށް ވާރލްޑް ބޭންކުން ހަމަޖައްސާފައިވަނީ ޑޭވިޑް ސިސްލެންއެވެ. އޭނާ ކަނޑައަޅުއްވާފައިވަނީ ރާއްޖެ، ނޭޕާލް އަދި ސްރީލަންކާގެ ކަންޓްރީ ޑައިރެކްޓަރއަކަށެވެ. ވާރލްޑް ބޭންކުން ބުނެފައިވަނީ އޭނާ ސިސްލެން ރަސްމީކޮށް މަގާމާ ހަވާލުވެވަޑައިގަންނަވާނީ އަންނަމަހުން ފެށިގެން ކަމުގައެވެ. އޭނާ އެންމެ ފަހުން މަސައްކަތް ކޮށްފައިވަނީ ލެޓިން އެމެރިކާ އަދި ކެރިބިއަން ސަރަހައްދުގެ ޕްރެކްޓަކްސް މެނޭޖަރެއްގެ މަގާމްގައެވެ. އޭނާ ވާލްޑްބޭންކާއި ގުޅިވަޑައިގަތީ 2001 ވަނަ އަހަރުއެވެ.…

ދިވެހި ރާއްޖެއިން ބެލްޖިއަަމްއަށް ކަނޑައެޅުއްވި އާ ސަފީރު ގީލާ އަލީ، އެކަމަނާގެ ސަފީރުކަމުގެ ފަތްކޮޅު އަރުވައިފި އެވެ. ގީލާ އަލީ، ބެލްޖިއަމްގެ ރަސްގެފާނު ފިލީޕޭއަށް ސަފީރުކަމުގެ ފަތްކޮޅު ހަވާލުކުރެއްވީ މިއަަދު ހެނދުނު މިކަމަށްޓަކައި ޝާހީ ގަނޑުވަރުގައި ބޭއްވި ރަސްމިއްޔާތެއްގަ އެވެ. ފަތްކޮޅާއި ހަވާލުވެވަޑައިގަތުމަށްފަހު ރަސްގެފާނު ފިލީޕޭ ވަނީ ސަފީރު ގީލާއަށް މަރުހަބާ ވިދާޅުވެ، ބެލްޖިއަމްގައި ހުންނަވާ ރާއްޖޭގެ ސަފީރުގެ މަގާމާ ހަވާލުވެވަޑައިގަތުމުން މަރުހަބާ ވިދާޅުވެފަ އެވެ. ސަފީރު ގީލާ ވަނީ އެކަމަނާއަށް ދެއްވި ހޫނު މަރުހަބާއަށް ޝުކުރު…

ހޯމަ ދުވަހުގެރޭ މަރުވި ބިދޭސީ މީހާއަކީ ތިލަމާލެ ބްރިޖުގެ މަސައްކަތް ކުރަމުންދިޔަ މީހެއް ކަމަށް ފުލުހުން ބުނެފި އެވެ. އިއްޔެ ފުލުހުން ބުނެފައިވަނީ މަރުވީ ސިނަމާލެ ބްރިޖްގެ މަސައްކަތުގައި ހަރަކާތްތެރިވަމުންދިޔަ މީހެއްކަމަށެވެ. އެހެންނަމަވެސް މިއަދު މީޑިއާއަށް ފޮނުވި މެސެޖެއްގައި ފުލުހުން ބުނެފައިވަނީ، މަރުވެފައިވަނީ ތިލަ މާލެ ބްރިޖުގައި މަސައްކަތްކުރަމުން ދިޔަ ބިދޭސީއެއް ކަމަށެވެ. މަރުވެފައިވަނީ އިންޑިއާ ފިރިހެނެކެވެ. މަސައްކަތުގައި އުޅެނިކޮށް ބޮލަށް އެނބުރުން އަރައިގެން އޭނާ ޓްރީޓޮޕް ހޮސްޕިޓަލަށް ގެންދިޔައިރުވެސް މަރުވެފައިވާކަމަށް ޓްރީޓޮޕް ހޮސްޕިޓަލާ ހަވާލާދީ އިއްޔެ…

14 އަހަރުގެ ކުއްޖަކު ގެއްލިގެން ފުލުހުން ހޯދަން ފަށައިފިއެވެ. ފުލުހުން ކުރި އެކްސް ޕޯސްޓެއްގައި ބުނެފައިވަނީ، ގެއްލިގެން ހޯދަމުންދަނީ މ. އެނބޫމާގެއާގެ، ޚަދީޖާ ޔަލްވީ (14އ)ކަމަށެވެ. އޭނާގެ ޚަބަރެއް އާއިލާއަށް ނުވެ ގެއްލިފައިވާ ކަމަށް ރިޕޯޓުކޮށްފައިވާތީ އެކުއްޖާ ހޯދުމުގެ މަސައްކަތް ކުރަމުންދާކަމަށް ފުލުހުން ބުނެފައި ވެއެވެ. އަދި ފުލުހުން ބުނެފައިވަނީ ޚަދީޖާ ޔަލްވީ އެންމެ ފަހުން ފެނިފައިވަނީ ޖޫން 14 ވަނަ ދުވަހު، ކަމަށް އާއިލާއިން ފުލުހުންނަށް މައުލޫމާތުދީފައިވާ ކަމުގައެވެ. ޚަދީޖާ ޔަލްވީގެ އެއްވެސް މައުލޫމާތެއް ލިބިފައިވާނަމަ…

ހއ. އަތޮޅުގެ 13 ރަށެއްގައި މަސައްކަތްކުރާ ބިދޭސީ ނަރުހުންގެ ބަދަލުގައި ދިވެހި ނަރުހުން ހޯދަން އިއުލާންކޮށްފިއެވެ. ހއ. އަތޮޅު ހޮސްޕިޓަލުން އިއްޔެ ކުރި އިއުލާނެއްގައި ބުނީ، އެ އަތޮޅު ހޮސްޕިޓަލަށާއި ސިއްހީ މަރުކަޒުތަކަށް ދާއިމީ 52 ދިވެހި ރެޖިސްޓާޑް ނަރުހުން ބޭނުންވާ ކަމަށެވެ. ހއ. އަތޮޅު ހޮސްޕިޓަލް އަދި އެ އަތޮޅުގެ ސިއްހީ މަރުކަޒުތަކަށް ބޭނުންވާ ނަރުހުންގެ އަދަދާއި ރަށް: އަތޮޅު ހޮސްޕިޓަލަށް: 13 ނަރުހުން ބާރަށް ސިއްހީ މަރުކަޒަށް: 2 ނަރުހުން މުރައިދޫ ސިއްހީ މަރުކަޒަށް:…

ސިނަމާލެ ބްރިޖްގެ މަސައްކަތުގައި ހަރަކާތްތެރިވަމުންދިޔަ އިންޑިއާ މީހަކު މަރުވެއްޖެއެވެ. ފުލުހުން ބުނީ މަރުވެފައިވަނީ އިންޑިއާ ފިރިހެނެއް ކަމަށާއި، އޭނާ މަރުވެފައިވަނީ ރޭގެ ވަގުތެއްގައި ކަމަށެވެ. ފުލުހުން ބުނީ، އޭނާ ޓްރީޓޮޕް ހޮސްޕިޓަލަށް ގެންދިޔައީ މަސައްކަތުގައި އުޅެނިކޮށް ބޮލަށް އެނބުރުން އަރައިގެން ކަމަށެވެ. އަދި، ހޮސްޕިޓަލަށް ގެންދިޔައިރުވެސް އެ މީހާ ނިޔާވެފައިވާކަމަށް ޓްރީޓޮޕް ހޮސްޕިޓަލާ ހަވާލާދީ ފުލުހުން ބުނެފައި ވެއެވެ.  

މާލޭގައި އިމާރާތެއްގެ ބިއްލޫރިގަނޑު ތަޅައިގެން މަގުމައްޗަށް ވެއްޓިއްޖެއެވެ. ފުލުހުން ބުނީ ތަޅައިގެން ދިޔައީ މާވެޔޮމަގު، މަރުހަބާ ފިހާރަ ހުންނަ އިމާރާތުގެ 5 ވަނަ ފަންގިފިލާގެ ބިއްލޫރިގަނޑެއް ކަމަށެވެ. އަދި، މިހާދިސާގެ ރިޕޯޓް ލިބުމާއި ގުޅިގެން ފުލުހުން އެ ސަރަހައްދުގައި މިހާރު ފުލުހުން ހަރަކާތްތެރިވަމުން އަންނަކަމަށް ފުލުހުން ބުންޏެވެ. މިހާދިސާގައި އެއްވެސް މީހަކަށް އަނިޔާވެފައި ނުވާކަމަށް ފުލުހުން ބުނެފައި ވެއެވެ.