ވިޔަފާރިތަކަށް ޓީޓީ ހެދުމަށް ޑޮލަރު ދޫކުރުން ބޭންކް އޮފް މޯލްޑިވްސް (ބީއެމްއެލް) އިން ކުއްލިއަކަށް ހުއްޓާލައިފިކަމަށް ބުނެ ފަތުރަމުންދަނީ ކަނޑައެޅިގެން ދޮގު ޚަބަރެއްކަމަށާއި، އެ ޚިދުމަތް މެދުކެނޑުމެއްނެތި ކުރިއަށްދާކަމަށް އެ ބޭންކުން ހާމަކޮށްފިއެވެ. ރާއްޖެއަކީ ބޭރުން މުދާ އެތެރެކުރުމަށް ބަރޯސާވާ ގައުމަކަށް ވާއިރު، ވިޔަފާރިތަކަށް ބޭނުންވާ ޑޮލަރު ކުރިންވެސް ވިއްކަމުން އައި އުސޫލުން އަންނަނީ ދޫކުރަމުންނެވެ. ބީއެމްއެލްއިން ބުނި ގޮތުގައި، ކޮންމެ ވިޔަފާރިއަކަށްވެސް ކަނޑައެޅިފައިވާ ލިމިޓުގެ ތެރެއިން އެންމެ ބޮޑު އަދަދަކަށް ޑޮލަރު ފޯރުކޮށްދެމުންދެއެވެ. އަދި މިހާތަނަށް…

ޤާނޫނުއަސާސީއަށް އިތުރު އިސްލާހެއް ގެނައުމުގެ އެއްވެސް ވިސްނުންފުޅެއް ސަރުކާރުން މިހާރު ނުގެންގުޅުއްވާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. ނޫސްވެރިންނާ ބައްދަލުކުރައްވައި ވާހަކަފުޅުދައްކަވަމުން ރައީސް ވިދާޅުވީ، މި މަހުގެ ހަތަރުވަނަ ދުވަހު ބޭއްވި ރައްޔިތުންގެ ޚިޔާލު ހޯދުމުގެ އާންމު ވޯޓުން ވަރަށް ސާފު މެސެޖެއް ލިބިވަޑައިގެންފައިވާ ކަމަށެވެ. އެގޮތުން، ޤާނޫނުއަސާސީއަށް ބަދަލުތައް ގެނައުމަކީ ރައްޔިތުން އެހާ ބޮޑަށް ތާއީދުކުރާ ކަމެއް ނޫންކަން އެ ވޯޓުން ސާބިތުވެފައިވާކަން އެމަނިކުފާނު ފާހަގަކުރެއްވިއެވެ. އެހެންކަމުން، ރައްޔިތުންގެ އެ ނިންމުމަށް އިޙުތިރާމުކުރައްވައި،…

މި އަހަރުގެ ސިފައިންގެ ދުވަހުގެ ހިނގާލުން އަންނަ މޭ މަހުގެ 2 ދުވަހު ބޭއްވުމަށް ނިންމައިފިއެވެ. އެމްއެންޑީއެފުން ބުނީ އެހެން އަހަރުތަކޭ އެއްފަދައިން މި އަހަރު ވެސް ސިފައިންގެ ދުވަހުގެ މުނާޞަބަތުގައި އެ މުއައްސަސާއިން ހަރަކާތްތަކެއް ހިންގުމަށް ނިންމާފައިވާ ކަމަށެވެ. މިގޮތުން މި އަހަރުގެ ސިފައިންގެ ދުވަހުގެ ހަރަކާތްތައް ފެށުމަށް ހަމަޖެހިފައިވަނީ އެޕްރީލު 21 ވަނަ ދުވަހުގެ ހެނދުނު، ރާއްޖޭގެ ހަތަރު ސަރަހައްދުގައި ގާއިމުކޮށްފައިވާ އެމްއެންޑީއެފްގެ ހުރިހާ މަރުކަޒުތަކެއްގައި ބާއްވާ ދިދަ ނެގުމުގެ ޚާއްޞަ ރަސްމިއްޔާތުން ކަމަށާއި،…

ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ގޮނޑީގެ ބައި-އިލެކްޝަނަށް އެމްޑީޕީގެ ޕްރައިމަރީއަށް އިތުރު މެންބަރަކު ކުރިމަތިލައިފައި ނުވާތީ، އެ ޕާޓީގެ ފަރާތުން އިންތިޚާބުގައި ވާދަކުރައްވާނީ އައްޑޫގެ ކުރީގެ މޭޔަރު ޢަބްދުالله ޞާދިޤް (ސޯބެ) ކަމަށް، އެ ޕާޓީން އިއުލާނުކޮށްފިއެވެ. އެމްޑީޕީން ވަނީ މިދިޔަ އާދީއްތަ ދުވަހުން ފެށިގެން މިއަދު މެންދުރު ދޭއް ޖެހުމާ ހަމައަށް، ބައި-އިލެކްޝަން ޕްރައިމަރީގައި ވާދަކުރުމަށް ހުޅުވައިލައިފައެވެ. އެމްޑީޕީން މިއަދު ކުރި އިއުލާނުގައިވާ ގޮތުން، ހިތަދޫ އުތުރު ދާއިރާގެ ބައި-އިލެކްޝަންގައި ވާދަކުރަން ޝައުގުވެރިކަން ފާޅުކުރެއްވީ،…

މެދުއިރުމަތީގައި ހިނގަމުންދާ ހަނގުރާމައިގެ ސަބަބުން ދުނިޔޭގެ ތެލުގެ ބާޒާރަށް އަންނަމުންދާ ލޮޅުންތަކާއެކުވެސް ރާއްޖެއަށް ބޭނުންވާ ތެޔޮ ހުއްޓުމެއްނެތި ލިބޭނެކަން ސަރުކާރުން ކަށަވަރުކުރާނެކަމަށާއި، އެކަމަށްޓަކައި މިމަހުވެސް ތިން ޝިޕްމެންޓުގެ ތެޔޮ ލިބޭނެ ކަމުގައި ސަރުކާރުން ބުނެފިއެވެ. މިނިސްޓަރުން ހިމެނޭ ގޮތަށް ރައީސް ޑރ. މުހައްމަދު މުއިއްޒު އެކުލަވާލައްވާފައިވާ ކްރައިސިސް ކޮމިޓީން ބޭއްވި ނޫސްވެރިންގެ ބައްދަލުވުމުގައި ޒަމީރު ވިދާޅުވީ، ސަރުކާރުގެ އަމާޒަަކީ ހުއްޓުމެއްނެތި ރާއްޖެއަށް ބޭނުންވާ ތެޔޮ ލިބޭނެކަން ޔަގީންކުރުން ކަމަށެވެ. ޒަމީރު ވިދާޅުވީ، މެދުއިރުމަތީގެ ހަނގުރާމައާ ގުޅިގެން ވިޔަފާރިތަކަށް އުނދަގޫތައް…

ރާއްޖޭގެ އަސްކަރީ ގާބިލުކަން އިތުރުކޮށް، ސަލާމަތާއި ރައްކާތެރިކަން ކަށަވަރުކުރުމަށް އެހީތެރިވުމުގެ ގޮތުން އޮސްޓްރޭލިއާ ސަރުކާރުން ރާއްޖެއަށް ހަދިޔާ ކުރި އަސްކަރީ ކަނޑުގެ އުޅަނދެއް ކަމަށްވާ ގާޑިއަން ކްލްސް ޕެޓްރޯލް ބޯޓު އެމްއެންޑީއެފްއާ ރަސްމީކޮށް ހަވާލުކޮށްފިއެވެ. މި ބޯޓު ރާއްޖެއަށް ހަދިޔާ ކުރަން އޮސްޓްރޭލިއާ ސަރުކާރުން ނިންމާފައިވާކަން ހާމަކޮށްފައި ވަނީ އޮސްޓްރޭލިއާގެ ބޮޑުވަޒީރުގެ ނައިބު އަދި ޑިފެންސް މިނިސްޓަރު ރިޗާޑް މާލްސް މިދިޔަ އަހަރުގެ ޖޫން މަހުގެ ދެވަނަ ދުވަހު ރާއްޖެއަށް ކުރެއްވި ދަތުރުފުޅުގެ ތެރެއިންނެވެ. އެއިރު އެމަނިކުފާނު…