ޅ. އަތޮޅު ގާއެރިފަރުގައި ވަޅުލާފައި ހުރި ގިނަ އަދަދެއްގެ ބަނގުރާ ފުލުހުން މިއަދު އަތުލައިގެންފިއެވެ. ފުލުހުން ބުނީ މެއި 19 ވަނަ ދުވަހު ހިންނަވަރު ޕޮލިސް ސްޓޭޝަނުން ހިންގި އެ އޮޕަރޭޝަނުގައި، އެ ރަށުގައި ބަނގުރާ ވަޅުލާފައި ހުރި ކަމަށް ބުނާ ސަރަހައްދު ބަލައިފާސްކުރި އިރު 91 ދަޅު ބަނގުރާ އަދި 59 ފުޅި ބަނގުރާ ފެނިފައިވާ ކަމަށެވެ. މި އޮޕަރޭޝަން ހިންގާފައިވަނީ އިއްޔެގެ ވަގުތެއްގައެވެ. އެކަމަކު، މި މައްސަލައިގެ ތުހުމަތުގައި މިހާތަނަށް މީހަކު ހައްޔަރުކޮށްފައެއް ނުވެއެވެ.…

މަސްވެރިން ބާނާ މަހަށް ދޭންޖެހޭ ފައިސާގެ ތެރެއިން، އޭޕްރީލް މަހާ ހަމައަށް މިހާރު ފައިސާ ދީފައިވާ ކަމަށް ސަރުކާރުގެ މަސް ކުންފުނި މިފްކޯއިން މިއަދު ބުނެފިއެވެ. މިފްކޯއިން ބުނީ، މަސްވެރިންނަށް ދޭންޖެހޭ ފައިސާ އެންމެ ފަހުން ދޫކޮށްފައިވަނީ، މިދިޔަ ބުރާސްފަތި ދުވަހު ކަމަށެވެ. އެއީ، އޭޕްރީލް މަހުގެ ފައިސާއެވެ. އެހެންކަމުން ފައިސާ ނުދީ މިހާރު އޮތީ ތިން ވަރަކަށް ހަފުތާކަމަށް އެ ކުންފުނިން ބުންޏެވެ. މިފްކޯއިން ބުނީ އެ ކުންފުނިން މަސްވެރިންނަށް ނުދެވި ހުރީ ގާތްގަނޑަކަށް 63…

އިރާނުގެ ރައީސް އިބްރާހިމް ރައިސީ އަވަހާރަވުމާ ގުޅިގެން އެމްޑީޕީން ތައުޒިޔާ ފޮނުވައިފިއެވެ. އެމްޑީޕީން މިއަދު ފޮނުވި ތައުޒިޔާގެ މެސެޖުގައި ބުނެފައިވަނީ އިރާނުގެ ރައީސް އިބްރާހީމް ރައީސީ އާއި ޚާރިޖީ ވަޒީރު ހުސައިން އާމިރު އަބްދުاللهޔަން އަވަހާރަވުމާ ގުޅިގެން އެ ގައުމުގެ ރައްޔިތުންނަށާއި ސަރުކާރަށް އެމްޑީޕީން ތައުޒިޔާ ރައްދު ކުރާ ކަމަށެވެ. އަދި މާތް الله އެމީހުންގެ ފުރާނައަށް ބަރަކާތް ލައްވައި، ގައުމީ ހިތާމަވެރި މި ދަނޑިވަޅުގައި އިރާނުގެ ލޮބުވެތި އާއިލާތަކަށާއި ރައްޔިތުންނަށް ކެތްތެރިކަން މިންވަރު ކުރެއްވުމަށް އެދި…

ރާއްޖޭގެ އިންޓަރނެޓު ބޭނުންކުރާ ފަރާތްތަކަށް އެ މާހައުލުގެ ރައްކައުތެރިކަން ކަށަވަރުކޮށްދިނުމުގެ ގޮތުން ހާއްސަ އެޖެންސީއެއް އުފެއްދުމަށް ކަނޑައެޅިފައިވާކަމަށް ހޯމްލޭންޑް މިނިސްޓްރީއިން ބުނެފިއެވެ. ރާއްޖޭގައި މިފަހަކަށް އައިސް އިންޓަރނެޓު މެދުވެރިކޮށް ހިންގާ ކުށުގެ އަދަދުތައް މައްޗަށް އަރިގެންގޮސްފައިވާއިރު ޝިކާރައަކަށް ވެގެންދާ ފަރާތްތަކުގެ އަތުން ގެއްލިގެންދާ އަދަދުތައްވެސް ބޮޑުވަމުންދާކަން ސޯޝަލްމީޑިއާގައި އެކި ފަރާތްތައް ހިއްސާކުރަމުންދާ މައުލުމާތަށް ބެލުމުންނާއި ފުލުހުންގެ މުއައްސަސާއިން މީގެ ކުރިން ހާމަކޮށްފައިވާ މައުލޫމާތުތަކަށް ބެލުމުން ފެނިގެންދެއެވެ. އަދި މިފަދަ މައްސަލަތަކުގެ ތެރެއިން ގެއްލިގެންދާ ގިނަ އަދަދެއްގެ ފައިސާ…

އުމުރުން 30 އަހަރުގެ ޒުވާނަކު ގެއްލިގެން ހޯދަން ފަށާފައިވާކަން ފުލުހުން ހާމަކޮށްފިއެވެ. ފުލުހުން ބުނެފައިވަނީ ހޯދަމުންދަނީ މއ. ބޯޅަކިންކިރިމާގެ، އަޙްމަދު އައިމަން (30އ)ކަމަށެވެ. އޭނާގެ އާއިލާއަށް ޚަބަރެއްނުވެ ގެއްލިފައިވާ ކަމަށް ރިޕޯޓުކޮށްފައިވާތީ އޭނާ ހޯދުމުގެ މަސައްކަތް މިހާރު ކުރަމުންދާކަމަށް ފުލުހުން ވަނީ ބުނެފައެވެ. ފުލުހުން ބުނެފައިވަނީ، އަޙްމަދު އައިމަން އެންމެ ފަހުން ފެނިފައިވަނީ މެއި 16 ވަނަ ދުވަހުގެ 21:30 ހާއިރު، އޭނާ ދިރިއުޅޭ ގެއިން ކަމަށް އާއިލާއިން ފުލުހުންނަށް މައުލޫމާތުދީފައިވާ ކަމަށެވެ. އަދި އަޙްމަދު އައިމަންގެ އެއްވެސް…

ހުއްދަ ނުހޯދާ ޑްރޯން އަރުވާނަމަ ގާނޫނީ ފިޔަވަޅު އަޅާނެ ކަމުގެ އިންޒާރު ޑިފެންސް މިނިސްޓްރީން ދީފި އެވެ. ޑިފެންސް މިނިސްޓްރީން މިއަދު ނެރުނު އިއުލާނެއްގައި ބުނެފައިވަނީ މިހާރަކަށް އައިސް ސިފައިން ސެކިއުރިޓީ ބަލަހައްޓާ ސަރަހައްދުތަކާއި އެއާޕޯޓްތައް ހިމެނޭ ސަރަހައްދުތަކުގައި އަންމޭންޑް އޭރިއަލް ވެހިކަލް (ޔޫއޭވީ) ނުވަތަ ޑްރޯން އުދުއްސުން އިތުރުވެފައިވާ ކަމަށް ފާހަގަކުރެވިފައިވާ ކަމަށެވެ. މިނިސްޓްރީން ބުނީ އެގޮތަށް ޑްރޯން އުދުއްސުމަކީ ވައިގެ ދަތުރުފަތުރަށް އެކަމުގެ ސަބަބުން ނުރައްކަލެއް މެދުވެރިވެދާނެ ކަމެއް ކަމަށެވެ. އެހެންވެ ޑްރޯން އުދުއްސުމުގެ…

އީރާނުގެ ރައީސް ޑރ އިބްރާހީމް ރައީސީ އަވަހަރަވުމާއި ގުޅިގެން ރައީސުލްޖުމްހޫރިއްޔާ ޑރ މުހައްމަދު މުއިއްޒު ތައުޒިއްޔާ ފޮނުއްވައިފިއެވެ. އީރާނުގެ ރައީސް ޑރ އިބްރާހީމް ރައީސީ އަވާހަރަވީ ދަތުރު ކުރައްވަމުން ގެންދެވި ހެލިކޮޕްޓަރަށް ދިމާވި ހާދިސާއަކާއި ގުޅިގެން، ހެލިކޮޕްޓަރު ވެއްޓުމުގެ ސަބަބުންނެވެ. އެންމެ ފުރަތަމަ މި ހާދިސާއާއި ގުޅިގެން ބޭރުގެ މީޑިއާތަކުގައި ރިޕޯޓުކުރީ އިއްޔަ ހެދުނުއެވެ. އެއީ ދަތުރު ކުރައްވަމުންދިޔަ ހެލިކޮޕްޓަރު އެމަރޖެންސީ ލޭންޑިންގެއް ކުރިކަމުގެ މައުލޫމާތެވެ. މީސް މީޑިއާ ޕްލެޓްފޯމެއްކަމުގައިވާ އެކްސްގައި ރައީސް ޑރ މުއިއްޒު ވަނީ…