މާލޭގެ ގެއެއްގެ އޭސީ އައުޓްޑޯ ޔުނިޓެއްގައި އަލިފާން ރޯވެގެން އެމްއެންޑީއެފުން ހަރަކާތްތެރިވެއްޖެއެވެ. މިގޮތުން އެމްއެންޑީއެފުން ބުނީ ހެންވޭރު ސޯސަން މަންޒިލްގޭގެ 5 ވަނަ ފަންގިފިލާގައި ހަރުކޮށްފައި ހުރި އޭސީ އައުޓްޑޯރއެއްގައި އަލިފާން ރޯވިކަމުގެ މަޢުލޫމާތު ފަތިހު 04:31 ހާއިރު ހާއިރު ލިބުމާއެކު، އެފްއާރުއެސްގެ ފަޔަރފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައިވާ ކަމަށެވެ. އަދި ފަޔަރފައިޓަރުން ކުރި މަސައްކަތުން، އޭސީ އައުޓްޑޯރގައި ރޯވެފައިހުރި އަލިފާން ނިއްވާލެވިފައިވަނީ 04:45 ހާއިރު ކަމަށް ފުލުހުން ބުންޏެވެ.…

ދިރާސީ އައު އަހަރުގެ ކިޔެވުން ފެށުމާ ގުޅިގެން ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް ދަރިވަރުންނަށް ކާމިޔާބު ހޯދުމަށް ގަދައަޅައި މަސައްކަތް ކުރުމަށް ހިތްވަރުދެއްވައިފިއެވެ. ނައިބު ރައީސް މިފަދައިން ހިތްވަރުދެއްވާފައިވަނީ އެކްސްގައި ކުރެއްވި ޕޯސްޓެއްގައެވެ. އެމަނިކުފާނުގެ ޕޯސްޓުގައި ވިދާޅުވެފައިވަނީ މި ފެށުނު އަހަރަކީވެސް ދަރިވަރުންނަށް ހުރިހާގޮތަކުން ބާއްޖަވެރި އަދި ކާމިޔާބު އަހަރެއް ކަމުގައި ވާނެކަމަށް އުންމީދުކުރައްވާ ކަމަށެވެ. އަދި ނައިބު ރައީސް މެސެޖްގައި މިފެށުނު ދިރާސީ އައު އަހަރުގެ ހެޔޮއެދުންތަކާއި ތަހުނިޔާ އެންމެހާ ލޮބުވެތި ދަރިވަރުންނަށާއި މުދައްރިސުންނަށާއި…

ރައީސް ޑރ. މުޙައްމަދު މުޢިއްޒު، ޖުޑީޝަލް ސަރވިސް ކޮމިޝަން (ޖޭއެސްސީ) ގެ މެންބަރުކަމަށް ސުޕްރީމް ކޯޓުގެ ފަނޑިޔާރު ސ. ހިތަދޫ، ބާޒީގެ އޮނަރަބަލް އަލްއުސްތާޛު ޙުސައިން ޝަހީދު، މިއަދު ޢައްޔަނުކުރައްވައިފިއެވެ. ޝަހީދު، މި މަޤާމަށް ޢައްޔަނު ކުރައްވާފައި ވަނީ މިއަދު ރައީސުލްޖުމްހޫރިއްޔާގެ އޮފީހުގައި ބޭއްވެވި ރަސްމިއްޔާތެއްގައެވެ. ޝަހީދު، ޖޭއެސްސީގެ މެންބަރުކަމަށް ޢައްޔަނުކުރެއްވީ ޤާނޫނުއަސާސީގެ 158 ވަނަ މާއްދާގެ (ށ) އާއި، ޖުޑީޝަލް ސަރވިސް ކޮމިޝަނުގެ ޤާނޫނު (ޤާނޫނު ނަންބަރު 2008/10) ގެ 3 ވަނަ މާއްދާގެ 2…

މާލޭގެ 4 ތަނެއް ބަލައިފާސްކޮށް ގަވާއިދާ ޚިލާފުވި 6 ބިދޭސީއަކު އަތުލައިގެންފިއެވެ. އިމިގްރޭޝަނުން ބުނީ ގަވާއިދާ ހިލާފަށް ރާއްޖޭގައި އުޅެމުންދާ ބިދޭސީންނަށް އަމާޒުކޮށް ޓާސްކް ފޯސްއިން އިއްޔެ މާލޭގައި ރެއިޑު އޮޕަރޭޝަނެއް ކުރިއަށްގެންގޮސްފައިވާ ކަމަށެވެ. އަދި މި އޮޕަރޭޝަންތަކުގެ ތެރެއިން އިއްޔެ މާލޭގައި ހުރި ކެފޭ، ހޮޓާ އަދި ޓޭކްއަވޭ ފަދަ ހަތަރު ތަނެއް ބަލައި ފާސްކުރެވިފައިވާ ކަމަށް އެ މުއައްސަސާއިން ބުންޏެވެ. މީގެ އިތުރުން އިމިގްރޭޝަނުން ބުނީ މި ތަންތަނުގައި ސައްހަ ވިސާއެއް ނެތި މަސައްކަތް…

މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓުން ޔުނައިޓެޑް ނޭޝަންސް ފްރޭމްވަރކް ކޮންވެންޝަން އޮން ކްލައިމެޓް ޗޭންޖް (ޔޫއެންއެފްސީސީސީ) ގެ ސެކްރެޓޭރިއެޓާ ގުޅިގެން، ރާއްޖޭގެ ފުރަތަމަ ބައިއެނުއަލް ޓްރާންސްޕޭރަންސީ ރިޕޯޓުގެ ޓެކްނިކަލް އެކްސްޕަރޓް ރިވިއު ފަށައިފިއެވެ. މި ރިވިއުގެ މަޤްޞަދަކީ ކުރިމަގުގައި ހުށަހަޅާ ޓްރާންސްޕޭރަންސީ ރިޕޯޓުތައް އިތުރަށް ހަރުދަނާކުރުމެވެ. މި ރިވިއުގެ ސަބަބުން ރާއްޖޭގެ މޫސުމަށް އަންނަ ބަދަލުތަކާ ގުޅޭ ގޮތުން ހުށަހަޅާ ރިޕޯޓުތަކުގެ ފެންވަރު މަތިވެ، ބައިނަލްއަޤްވާމީ މިންގަނޑުތަކާ އެއްގޮތްވާ ގޮތުގެ މަތިން ރިޕޯޓުކުރުމަށް މަގުފަހިވެގެންދާނެ ކަމަށް…

މޯލްޑިވްސް މެރިން ރިސާރޗް އިންސްޓިޓިއުޓް (އެމްއެމްއާރްއައި)ގެ ޑިރެކްޓަރ ޖެނެރަލްގެ މަޤާމަށް މުޙައްމަދު ޝިމާލް އައްޔަނުކޮށްފިއެވެ. އެމްއެމްއާރްއައިން "އެކްސް" މެދުވެރިކޮށް ހިއްސާކުރި މަޢުލޫމާތުގައި ބުނެފައިވަނީ، ޝިމާލްއަކީ އެ އިދާރާގެ ރިސާރޗް ޕްރޮގްރާމްތަކުގައި މަސައްކަތްކޮށް، ގިނަ ޕްރޮޖެކްޓްތަކެއް ތަރައްޤީކޮށްފައިވާ ތަޖުރިބާކާރު ފަރާތެއް ކަމަށެވެ. މި މަޤާމު ހުސްވެފައިވަނީ، 24 އަހަރަށްވުރެ ގިނަ ދުވަހު އެމްއެމްއާރްއައިގައި މަސައްކަތްކުރައްވާފައިވާ ޝާފިޔާ ނައީމް އިސްތިއުފާ ދެއްވުމާ ގުޅިގެންނެވެ. އެމްއެމްއާރްއައިއަކީ ރާއްޖޭގެ ކަނޑުގެ ވަސީލަތްތަކާއި މެރިން ރިސާރޗްގެ ދާއިރާއިން ދިރާސާތައް ކުރުމަށް ޤާއިމްކޮށްފައިވާ މުހިންމު މުއައްސަސާއެކެވެ.