ދިވެހިރާއްޖޭގައި ކޮވިޑް-19 ފެތުރުން ކުޑަކުރުމަށްޓަކައި ސަރުކާރުގެ އިދާރާތައް ހުޅުވައިގެން މަސައްކަތްނުކުރާ ގޮތަށް ހަމަޖައްސަވައިފައި އޮތް އޮތުން ނިމުމަކަށް ގެންނެސްފިއެވެ. އެގޮތުން ޖުލައި 4  ވާ އާދީއްތަ ދުވަހުން ފެށިގެން، ސަރުކާރުގެ އިދާރާތައް ހުޅުވައިގެން މަސައްކަތް ކުރުމަށް ވަނީ ނިންމާފައެވެ. ސަރުކާރުގެ އިދާރާތައް ހުޅުވައިގެން މަސައްކަތްކުރާއިރު، ކޮވިޑް-19 ޖެހިފައިވާ މީހުން ތިބިކަމަށް ހެލްތް ޕްރޮޓެކްޝަން އެޖެންސީން ހާމަކުރައްވާ ރަށްރަށުގައި ހުރި ސަރުކާރުގެ އިދާރާތަކުން ޚިދުމަތް ދިނުމުގައްޔާއި، މުވައްޒަފުން މަސައްކަތަށް ނެރުމުގައި، ވަކި ގޮތަކަށް ޢަމަލުކުރުމަށް ރައީސުލްޖުމުހޫރިއްޔާ ވަނީ އަންގަވާފައެވެ.…