ރައްޔިތުންގެ މަޖިލީހުގެ އިންތިހާބުގައި ރީ-ރަޖިސްޓްރީވުމުގެ ފުރުސަތު މި މަހުގެ 10 ވަނަ ދުވަހު ހުޅުވާލުމަށް ނިންމައިފިއެވެ. ކުރިން، މި މަހުގެ 17 ވަނަ ދުވަހު ބާއްވަން ތާވަލުކޮށްފައި އޮތް މަޖިލީހުގެ އިންތިހާބު ރޯދަ މަހާ ދިމާވާތީވެ އިދިކޮޅު އެމްޑީޕީގެ މެޖޯރިޓީ އޮންނަ މަޖިލީހުން ވަނީ ރޯދަ މަހު އިންތިހާބު ނުބޭއްވެ ގޮތަށް ބިލެއް ފާސްކޮށްފައެވެ. އެއާއެކު މިހާރު ހަމަޖެހިފައިވާ ގޮތުން އިންތިހާބު އޮންނާނީ ރޯދަ މަސް ނިމިގެން 10 ދުވަސް ފަހުންނެވެ. އެ ބިލު ރައީސް ޑރ…

ވ. ފެލިދޫގެ ބިންހިއްކުމުގެ މަސައްކަތް އެންމެ އިސްކަންދޭ ކަންކަމުގެ ތެރޭގައި ހިމަނުއްވައި، މިއަހަރު އެ މަޝްރޫޢު ފަށްޓަވާނެކަމުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ. ރައީސުލްޖުމްހޫރިއްޔާ މިހެން ވިދާޅުވީ ފެލިދޫގެ ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުންނެވެ. އެމަނިކުފާނު ވިދާޅުވީ ފެލިދޫގެ ލޭންޑުޔޫސް ޕްލޭންގައި ކަނޑައަޅާފައި އޮތް މިންވަރަށް ބިންހިއްކުމަށް ރޭވިފައިވާކަމަށާއި އަދި އަމާޒަކީ މިއަހަރުގެ ތެރޭގައި މި މަޝްރޫޢު ފަށައި، ކުރިޔަށްގެންގޮސް ވީ އެންމެ އަވަހަކަށް ނިންމައިލުންކަމުގައެވެ. މީގެ އިތުރުން ރާއްޖޭގެ އެކި ކަންކޮޅުތަކުގައި ގެދޮރުވެރިކަމުގެ މަޝްރޫޢުތަކުގެ…

ހަ ތަނެއް ރެއިޑްކޮށް، ގަވާއިދާ ހިލާފަށް ދިރިއުޅެމުންދާ 68 ބިދޭސީއަކު ފާއިތުވެ ދިޔަ ދެ ހަފްތާ ތެރޭގައި ޑިޕޯޓްކޮށްލާފައިވާ ކަމަށް އިމިގްރޭޝަނުން ހާމަކޮށްފިއެވެ. ކޮންޓްރޯލާ އޮފް އިމިގްރޭޝަން މުހައްމަދު ޝަމްއާން ވިދާޅުވީ، ފާއިތުވި ދެ ހަފްތާ ތެރޭގައި ނޭޝަނަލް ޓާސްކް އޮން ކޮމްބެޓް އިލީގަލް އޮޕަރޭޝަންގެ ދަށުން ބިދޭސީން އުޅެމުންދާ ހަ ތަނެއް ރެއިޑްކޮށްފައިވާ ކަމަށެވެ. އަދި ފުލުހުންނާއި ގުޅިގެން ހާއްސަ ތިން އޮޕަރޭޝަނެއް ހިންގާފައިވާ ކަމަށެވެ. އެ އޮޕަރޭޝަންގެ ތެރެއިން 43 ބިދޭސީއަކު އެ އިދާރާގެ…

އައްޑޫ ސިޓީ، ހިތަދޫގެ، ފަތާ ޓްރެކް ސަރަހައްދުގައި މޫދަށް އެރި އުޅުނު އުމުރުން ދުވަސްވީ މީހަކު ގެނބިގެން ނިޔާވެއްޖެއެވެ. މައުލޫމާތު ލިބިފައިވާ ގޮތުގައި ގެނބިގެން ނިޔާވީ އުމުރުން 63 އަހަރުގެ އެ އަންހެނެކެވެ. އަންހެންމީހާ ގެނބުމުން ފަރުވާ ދިނުމަށް އައްޑޫ އިކުއަޓޯރިއަލް ހޮސްޕިޓަލަށް ގެންދެވުނެވެ. އެހެންނަމަވެސް އޭނާ އެ ހޮސްޕިޓަލަށް ގެންދިޔަ އިރު ވެސް އެއްވެސް ހަރަކާތެއް ނެތްކަމަށް އެނގިފައި ވެއެވެ. މިހާދިސާ ހިނގާފައިވަނީ އިރުއޮއްސެން އުޅެނިކޮށެވެ.