ރާއްޖެއަށް ކުރަމުންދާ ވިއްސާރައިގައި އައްޑޫ ސިޓީއަށް ގެއްލުންވީ ތަންތަނަށް އެމްއެންޑީއެފްއިން އެހީތެރިކަން ފޯރުކޮށްދީފި އެވެ. މަރަދޫ މޫންލައިޓް، އަދި ހިތަދޫ އިތާމުތްގޭގެ ފުރާޅު އެއްލާލުމުގެ އިތުރުން ހިތަދޫ ފުޓްސަލް ދަނޑުގެ ލައިޓް ޕޯސްޓް އަރިއަޅާލުމާ ގުޅިގެން އެމްއެންޑީއެފް ސަދަން އޭރިއާ ކޮމާންޑްގެ ސިފައިން އެހީތެރިކަން ފޯރުކޮށްދީފައިވާ ކަމަށް އެމްއެންޑީއެފްއިން ހާމަކުރި އެވެ. ވައިގަދަވުމުގެ ސަބަބުން ފުރާޅު އެއްލާލި ދެ ގޭގެ ފުރާޅު މިހާރު ވަނީ އެމްއެންޑީއެފް ސަދަން އޭރިއާ ކޮމާންޑް، ސިފައިންގެ އެހީތެރިކަމާއެކު ހައްލުކޮށްދީފަ އެވެ. އަދި…

މުޖުތަމައުގެ އިޖްތިމާއީ ދުޅަހެޔޮކަން އާލާކުރުމަށް، އިޖުތިމާޢީ އަދި އާއިލީ ތަރައްޤީއާ ބެހޭ ވުޒާރާއިން ތަމްރީނު ޕްރޮގުރާމް ތަކެއް ފަށައިފި އެވެ. އެ ވުޒާރާއިން ނެރުނު ބަޔާނުގައި ބުނެފައި ވަނީ، މި ތަމްރީނު ޕްރޮގުރާމްއަކީ ސިލްސިލާކޮށް ކުރިއަށްގެންދާ ޕްރޮގުރާމްއެއް ކަމަށެވެ. އަދި މި މެއި މަހުގެ 13 އިން 18 އަށް ތަމްރީނު ޕްރޮގްރާމުގެ ފުރަތަމަ ސިލްސިލާ ވަނި ނިންމާލެވިފައި ކަމަށާއި މި ތަމްރީނު ޕްރޮގުރާމް ގައި ބައިވެރިވެފައިވަނީ މި ވުޒާރާގެ ތިން ޓީމަކުން ކަން ވަނީ ބަޔާންކޮށްފައެވެ.…

ރާއްޖޭގެ އިންޓަރނެޓު ބޭނުންކުރާ ފަރާތްތަކަށް އެ މާހައުލުގެ ރައްކައުތެރިކަން ކަށަވަރުކޮށްދިނުމުގެ ގޮތުން ހާއްސަ އެޖެންސީއެއް އުފެއްދުމަށް ކަނޑައެޅިފައިވާކަމަށް ހޯމްލޭންޑް މިނިސްޓްރީއިން ބުނެފިއެވެ. ރާއްޖޭގައި މިފަހަކަށް އައިސް އިންޓަރނެޓު މެދުވެރިކޮށް ހިންގާ ކުށުގެ އަދަދުތައް މައްޗަށް އަރިގެންގޮސްފައިވާއިރު ޝިކާރައަކަށް ވެގެންދާ ފަރާތްތަކުގެ އަތުން ގެއްލިގެންދާ އަދަދުތައްވެސް ބޮޑުވަމުންދާކަން ސޯޝަލްމީޑިއާގައި އެކި ފަރާތްތައް ހިއްސާކުރަމުންދާ މައުލުމާތަށް ބެލުމުންނާއި ފުލުހުންގެ މުއައްސަސާއިން މީގެ ކުރިން ހާމަކޮށްފައިވާ މައުލޫމާތުތަކަށް ބެލުމުން ފެނިގެންދެއެވެ. އަދި މިފަދަ މައްސަލަތަކުގެ ތެރެއިން ގެއްލިގެންދާ ގިނަ އަދަދެއްގެ ފައިސާ…

ސަރުކާރު ހިއްސާވާ 12 ކުންފުންޏެއްގެ ބޯޑު ޑިރެކްޓަރުން އައްޔަންކޮށްފިއެވެ. ޕީސީބީއިން މިއަދު ކުރި އިއުލާނެއްގައި ވަނީ, 7 މާޗުން 14 މެއިގެ ނިޔަލަށް ކުންފުނިތަކުގެ ބޯޑަށް ގެނެސްފައިިވާ ބަދަލުތައް އާންމުކޮށްފައެވެ. އޭގެ ތެރޭގައި ސަރުކާރުން އަލަށް އުފައްދާފައިވާ މޯލްޑިވްސް ފިޝަރީޒް އޯޝަން ރިސޯސަސް މާކެޓިން އެންޑް ޕްރޮމޯޝަން ކޯޕަރޭޝަންގެ ޑިރެކްޓަރުންގެ ބޯޑަށް ވެސް ބޭފުޅުން އައްޔަންކޮށްފައިވެއެވެ. މަސްވެރިކަމުގެ ސިނާއަތް ފުޅާކުރުމަށާއި މަސްވެރި އުފެއްދުންތައް އިޝްތިހާރު ކުރުމަށް މިދިޔަ ފެބްރުއަރީ މަހު އުފެއްދި ކުންފުންޏަށް އައްޔަންކުރި ފަސް ބޭފުޅުންނަކީ: އަހްމަދު ޒަރީރު…

ގދ. އަތޮޅުގައި އޮންނަ ރަފެލްސް މޯލްޑިވްސް ރިސޯޓުން މިއަދު ހެނދުނު ގެއްލުނު ބިދޭސީ މީހާ ހޯދަން އާންމުންގެ އެހީތެރިކަމަށް ފުލުހުން އެދިއްޖެއެވެ. ފުލުހުން މީގެ ކުރިން މީޑިއާތަކާ ހިއްސާކުރި މެސެޖެއްގައި ބުނީ، އެ މީހާ ގެއްލިގެން އުޅޭ ކަމުގެ ރިޕޯޓު ފުލުހަށް ލިބިފައި ވަނީ މިއަދު 15:30 ހާއިރު ކަމަށެވެ. އަދި މިހާރު އެމީހާ ހޯދުމުގެ މަސައްކަތް ކުރަމުންދާ ކަމަށް ވެސް ފުލުހުން ބުންޏެވެ. މިކަމާ ގުޅިގެން އެކްސްގައި ކުރި ޕޯސްޓެއްގައި ފުލުހުން ވަނީ ބިދޭސީ މީހާ…

މި ދުވަސްވަރު މުޅި ރާއްޖެއަށް ވެސް ވައިގަދައިރު، އިމާރާތްކުރާ ތަންތަނުގެ ސަލާމަތީ ކަންކަން ހަރުދަނާކުރަން އިމާރާތްކުރުމާއި ބިމާ ބެހޭ ވުޒާރާއިން މިއަދު އިލްތިމާސްކޮށްފިއެވެ. ވިއްސާރައިގައި ވައިގަދަވެ، ހުކުރު ދުވަހު ވެސް އިމާރާތެއްގެ ވަށައިގެން ޖަހާފައި ހުރި ފެންސު ވެއްޓިފައެވެ. މި ކަމާ ގުޅިގެން އެ މިނިސްޓްރީން ނެރުނު އިއުލާނެއްގައި ބުނީ، ކުރިއަށް އޮތީ ހުޅަނގު މޫސުމުގެ ދުވަސްވަރަށްވުމުން މޫސުން ގޯސްވެ، ވައި ވެސް ގަދަވާނެ ކަމަށެވެ. އަދި، އެކަމުގެ ސަބަބުން މަސައްކަތުގެ ސައިޓުގައި ހަރުކޮށްފައި ހުންނަ ނުވަތަ…

ނުގަވައިދުން މާލެ މަގުމައްޗަށް ފުރިޖެއް ނެރުނު ބިދޭސީ އަންހެނަކު ޖޫރިމަނާކޮށްފައިވާ ކަމަށް މާލެ ސިޓީ ކައުންސިލުން ބުނެފިއެވެ. މާލޭ މަގުމައްޗަށް އެއްވެސް ހަމައެއް ނެތި، ގަވާއިދާ ޚިލާފަށް ކުނި ނެރޭ މައްސަލަ ވަނީ ވަރަށް ބޮޑުވެފައެވެ. މިގޮތުން، ނިމިދިޔަ ރޯދަމަހާ ދިމާކޮށް، މި މައްސަލަ ބޮޑުވެ، މާލޭގެ މަގުތައް ގޮނޑުވިއެވެ. މި މައްސަލަ އަދި ވެސް ހައްލުނުވާއިރު، މިއަދު މާލޭ ސިޓީ ކައުންސިލުން އެކްސްގައި ކުރި ޕޯސްޓެއްގައި ބުނީ، އަނޯނާ ގޯޅިން މަގުމައްޗަށް ފުރިޖެއް ނެރުނު ބިދޭސީއަކު…

ށ. ފުނަދޫގައި ސިހުރު ހެދި ކަމަށް ތުހުމަތު ކުރެވޭ މީހާގެ ބަންދަށް އިތުރު 10 ދުވަސް ޖަހައިފި އެވެ. ރައްޔިތުންގެ މަޖިލީހުގެ ފުނަދޫ ދާއިރާގެ އިންތިހާބީ މެންބަރު މުހައްމަދު މަމްދޫހަށް އަމާޒުކޮށް ސިހުރު ހެދި ކަމަށް ތުހުމަތު ކުރެވޭ އެ މީހާ، އެފަދަ ސާމާނުތަކާ އެކު ހައްޔަރު ކުރީ މި މަހުގެ ތިންވަނަ ދުވަހުގަ އެވެ. އުމުރުން 60 އަހަރުގެ އެ ދިވެހި ފިރިހެން މީހާގެ ބަންދަށް ފުނަދޫ މެޖިސްޓްރޭޓް ކޯޓުން ފުރަތަމަ ޖެހީ 15 ދުވަހެވެ.…