ހއ.ދިއްދޫގައި އެއަރޕޯޓެއް ތަރައްޤީކުރައްވާނެ ކަމަށް މުޙައްމަދު މުޢިއްޒުވެސް ވައުދުވެވަޑައިގެން ފިއެވެ. ވައިގެ ދަތުރުފަތުރާއި ކަނެކްޓިވިޓީ އިތުރުކުރުމަށް ޓަކައި ރާއްޖޭގެ މުހިންމު ތަންތަނުގައި އެއަރޕޯޓު ތަރައްޤީކުރުމުގެ މުހިންމުކަމުގެ މައްޗަށް އަލިއަޅުއްވާލައްވަމުން ރައީސުލްޖުމްހޫރިއްޔާ ޑޮކްޓަރ މުޢިއްޒު ވަނީ، ދިއްދޫގައި އެއަރޕޯޓެއް ޤާއިމުކުރެއްވުމަށް ވަޢުދުވެވަޑައިގެންފައެވެ. ރައީސުލްޖުމްހޫރިއްޔާ މިހެން ވިދާޅުވީ، އުތުރުގެ ރަށްތަކަށް މިހާރު ކުރައްވަމުން ގެންދަވާ ދަތުރުފުޅުގައި، އެރަށްރަށުގެ ޙާލަތު ބައްލަވައި، ތަރައްޤީގެ މަޝްރޫޢުތައް ކުރިއަށްދާގޮތް ބައްލަވާލެއްވުމަށް ކުރައްވަމުން ގެންދަވާ ދަތުރުފުޅުގައެވެ. "الله އިރާދަކުރެއްވިއްޔާ މިރަށަށް ތަރައްޤީގެ ގިނަ މަސައްކަތްތަކެއް ކޮށްދޭނަން" ދިއްދޫރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން ޑރ.މުޢިއްޒު ވިދާޅުވީ، އެއަރޕޯޓް ޤާއިމުކުރުމަށް މި ސަރުކާރުން އަބަދުވެސް މަސައްކަތްކުރައްވާނެ ކަމަށެވެ. އެއާޕޯޓު ތަރައްގީ ކުރުމަށް އިސްކަން ދެއްވާ ކަމަށް ބުނެ އިދިކޮޅު ފަރާތްތަކުން އަމާޒުކުރާ ފާޑުކިޔުންތަކަށް ރައްދު ދެއްވަމުން ޑރ.މުއިއްޒު ވިދާޅުވީ ރާއްޖޭގެ ޑޮމެސްޓިކް އޭވިއޭޝަން ރަނގަޅު ކުރަން ޖެހެނީ ޖިއޮގްރަފިކަލް ގޮތުން ކަމަށެވެ. "ވަކިން ހާއްސަކޮށް ޖިއޮގްރަފިކަލް އަދި އާބާދީ ޑިސްޓްރިބިއުޝަން ފެކްޓާ ކުރާއިރު، ކުރީގެ ސަރުކާރުތަކުގެ ތަރައްގީގެ ސިޔާސަތުތައް ރައްޔިތުން މިހާރު ބޭނުމެއް ނުވޭ. އެއާޕޯޓެއް ތަރައްގީ ކުރުމަކީ ރައްޔިތުންނަށް ކޮންމެހެން ކުރަން ޖެހޭ ކަމެއް،" ރައީސް ވިދާޅުވި އެވެ. އެއާޕޯޓު ތަރައްގީ ކުރުމުގެ މަޝްރޫއާ އެކު ރައީސް މުއިއްޒު ވަނީ އެ ރަށަށް ވެސް ބިން ހިއްކުމުގެ މަސައްކަތް ކުރައްވާނެ ކަމުގެ ޔަގީންކަންވެސް ދެއްވާފަ އެވެ. ދިއްދޫގެ އެއަރޕޯޓް މަޝްރޫޢުގެ އިތުރުން، އާ ހޮސްޕިޓަލަކާއި ކުޅިވަރުގެ ވަސީލަތްތައް ޤާއިމުކޮށް، ބޯހިޔާވަހިކަމަށް އިސްކަންދެއްވާނެކަމުގެ ޔަޤީންކަން ރައީސުލްޖުމްހޫރިއްޔާ ދެއްވިއެވެ. ދިއްދޫގައި އެއަރޕޯޓެއް ތަރައްގީ ކުރުމަކީ ކުރީގެ ރައީސް ޔާމިން އަދި ކުރީގެ ރައީސް ސާލިހުވެސް ވެވަޑައިގެންނެވި ރިޔާސީ ވައުދުކެވެ.

ކުރިއަށް އޮތް ރައްޔިތުންގެ މަޖިލީހުގެ އިންތިހާބުގެ ކެމްޕޭން މާދަމާ ރޭ ރަސްމީކޮށް ފެށުމަށް އިދިކޮޅު އެމްޑީޕީން ނިންމައިފި އެވެ. މި ޖަލްސާ ފެށުމަށް ހަމަޖެހިފައިވަނީ މާދަމާ ރޭ 8:30 ގައި އާޓިފިޝަލް ބީޗު ގައެވެ. އެމްޑީޕީން މަޖިލިސް އިންތިހާބަށް މިއަހަރު ބޭނުންކުރާ ސްލޯގަން ނުވަތަ ޝިއާރަކީ "މިސްރާބު ހަމަ މަގަށް" މިއެވެ. ރައްޔިތުންގެ މަޖިލީހުގެ އިންތިހާބުގައި 93 ދާއިރާއަށް ކެންޑިޑޭޓުން ހޮވާއިރު 90 ދާއިރާއަށް އެމްޑީޕީން ވާދަކުރެ އެވެ. އެމްޑީޕީގެ ޓިކެޓް ދީފައިވަނީ ހަ އަންހެނުންނަށާއި 84…

ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު، ހއ، ހދ، ށ އަދި ނ އަތޮޅުގެ ބައެއް ރަށްތަކަށް ކުރައްވާ ދަތުރުފުޅެއްގައި މިއަދު ފުރާވަޑައިގެންފި އެވެ. ހަ ދުވަހުގެ މި ދަތުރުފުޅުގައި ރައީސް ޒިޔާރަތް ކުރައްވާ ސިޓީއާއި، ރަށްރަށުގެ ކައުންސިލްތަކާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީތަކާ ބައްދަލުކުރައްވައި، ތަރައްގީއަށް އެންމެ މުހިއްމު މަޝްރޫޢުތަކާއި، ރައްޔިތުންނަށް އެންމެ ބޭނުންވެފައިވާ ކަންކަމާ ގުޅޭގޮތުން މަޝްވަރާ ކުރެއްވުމަށް ހަމަޖެހިފައިވެ އެވެ. ރައީސް އޮފީހުން ބުނީ ރައީސް މުއިއްޒު މަސައްކަތްކުރައްވަނީ ރައްޔިތުންނާ ގާތުން ރައްޔިތުން އެދޭގޮތަށް…

ލ. ގަމު ގޮނޑުދޮށުގައި ދިވެހި ފިރިހެނަކު މަރުވެފައި އޮއްވާ ފެނިއްޖެ އެވެ. ފުލުހުން ބުނެފައިވަނީ ލ. ގަމު މަތިމަރަދޫ ފޮއްތޭހަޓް އިރުމަތީފަރާތު ގޮނޑުދޮށުން ހަބަރު ހުސްވެފައި އޮތް މީހަކު އޮތްކަމުގެ ރިޕޯޓް ފުލުހުންނަށް ލިބިފައިވަނީ މިއަދު މެންދުރު 12:15 ހާއިރު ކަމަށެވެ. އެމީހާ ގަން ރީޖަނަލް ހޮސްޕިޓަލަށް ގެންދިޔައިރު ވެސް ނިޔާވެފައިވާ ކަމަށް ޑޮކްޓަރުންނާ ހަވާލާދީ ފުލުހުން މައުލޫމާތު ދީފައިވެ އެވެ. ފުލުހުން ބުނި ގޮތުގައި އެއީ އުމުރުން 86 އަހަރުގެ ދިވެހި ފިރިހެނެކެވެ. މިކަމާ ގުޅުގެން…