މާލޭގައި ހުންނަ މޯލްޑިވްސް ބޮޑީބޯޑިން އެސޯސިއޭޝަންގެ އޮފީހުން ވައްކަންކޮށް، ގިނަ އަދަދެއްގެ އަގުބޮޑު ތަކެތި ވަގަށް ނަގާފައިވާ ކަމަށް ފުލުހުންނަށް ރިޕޯޓްކޮށްފިއެވެ. ފުލުހުން ބުނީ މޯލްޑިވްސް ބޮޑީބޯޑިން އެސޯސިއޭޝަންގެ އޮފީހުގެ ދޮރު ހަލާކު ކޮށްލައިގެން ވަދެ ވައްކަން ކޮށްފައިވާ ކަމުގެ ރިޕޯޓް މިއަދު ހެނދުނު 08:56 ހާއިރު ފުލުހުންނަށް ލިބިފައިވާ ކަމަށެވެ. ބޮޑީބޯޑިން އެސޯސިއޭޝަން އިން ބުނެފައިވާ ގޮތުގައި އެތަނުން ވަގަށް ގެންގޮސްފައިވާ ތަކެތީގެ ތެރޭގައި ޑެލް އިންސްޕިރޯން 15 ގެ ދެ ލެޕްޓޮޕާއި، ލެނޯވޯގެ ހަތަރު ޓެބްލެޓާއި،…

ހުޅުމާލޭ ދެވަނަ ފިޔަވަހީގައި ހުންނަ ވިނަރެސްގެ އެޕާޓްމަންޓެއްގައި ހިނގި އަލިފާނުގެ ހާދިސާއާ ގުޅިގެން އެ ގޭގައި ދިރިއުޅޭ މީހުންނަށް ވަގުތީ ބޯހިޔާވަހިކަން ފޯރުކޮށްދީފިއެވެ. އެންޑީއެމްއޭއިން ބުނީ އަލިފާނުގެ ހާދިސާގެ ސަބަބުން ދިރިނުއުޅުވޭ ވަރަށް އެޕާޓްމަންޓަށް ގެއްލުން ލިބިފައިވާ ކަމަށެވެ. އެހެންކަމުން އެ އެޕާޓްމަންޓްގައި ދިރިއުޅޭ ހަތަރު މީހަކަށް ފަސް ދުވަހުގެ މުއްދަތަށް ވަގުތީ ބޯހިޔާވަހިކަމާއި ކެއުން އަދި ދެ މީހަކަށް އަންނައުނު ފޯރުކޮށްދީފައިވާކަމަށް އެންޑީއެމްއޭއިން މައުލޫމާތު ދެއެވެ. މި ހާދިސާ ހިނގާފައިވަނީ ވިނަރެސްގެ ނުވަވަނަ ޓަވަރުގެ 13…

ވިލިމާލޭގައި 100 އެނދުގެ ޓާޝަރީ ހޮސްޕިޓަލް އެޅުމަށް ބޭނުންވާ ބިން ހުސްކުރުމަށްޓަކައި، ވިލމާލެ ހޮސްޕިޓަލް ވަގުތީގޮތުން ހިންގުމަށް، ވިލިމާލޭގައި ހުންނަ އަމާން ހިޔާގެ އިމާރާތް ހަވާލުކޮށްފިއެވެ. ހެލްތު މިނިސްޓްރީން މާލެސިޓީ ގުރޫޕް އޮފް ހޮސްޕިޓަލް އާއި ހަވާލުކުރުމުގެ އެއްބަސްވުމުގައި ސޮއިކުރެއްވީ ސްޓޭޓް މިނިސްޓަރ އިސްމާއީލް އަބުދުاللهއެވެ. މާލޭ ސިޓީ ގްރޫޕް އޮފް ހޮސްޕިޓަލްސް ގެ ފަރާތުން އެއްބަސްވުމުގައި ސޮއިކިރެއްވީ ސީއީއޯ އަބުދުއް ރައްޒާޤް ހަލީމް އެވެ. ވިލިމާލޭގައި އަޅާ 100 އެނދުގެ ޓަރޝަރީ ހޮސްޕިޓަލް އެޅުމަށް ހަވާލުކޮށްފައިވަނީ…

ރާއްޖޭގެ ފުރަތަމަ  މެޓަބޮލިކް ސެންޓަރު ހުޅުވައިފިއެވެ. މިއީ މޯލްޑިވްސް ނިއުރޯ އެންޑޯކްރައިން މެޑިކަލް ފެސިލިޓީގެ ފަރާތުން ހުޅުވި ސެންޓަރެކެވެ. މި ސެންޓަރު ހުޅުވައިދެއްވީ ހެލްތް މިނިސްޓަރ އަބްދުﷲ ނާޒިމް އިބްރާހީމްއެވެ. މެޓަބޮލިކް ސެންޓަރުން  ހަކުރުބަލި، ކޮލެސްޓްރޯލް ނުވަތަ ލޭގެ ޕްރެޝަރ މައްޗަށް ދިއުން ފަދަ ބައްޔެއް ހުރިނަމަ އެކަން މޮނިޓަރކޮށް، ޓެސްޓުކޮށް އެކަމަށް ފަރުވާކުރާނެއެވެ. ލިލީމަގުގައި ހުންނަ މި ސެންޓަރުން ހުރިހައި އުމުރެއްގެ މީހުންނަށްވެސް ޚިދުމަތް ލިބިގެންދާނެއެވެ. މި ސެންޓަރާއިއެކު ވަނީ ޕޭޝަންޓް އެޑިއުކޭޝަން ގައިޑަކާއި އަދި ޑައިބެޓިކް…

އައިޖީއެމްއެޗްގެ ބައެއް ޚިދުމަތްތައް ދަރުމަވަންތަ ހޮސްޕިޓަލަށް ބަދަލުކޮށްފިއެވެ. އައިޖީއެމްއެޗުން ނެރުނު ޚާއްޞަ ދެންނެވުމުގައިވާ ގޮތުން އެ ހޮސްޕިޓަލުގެ 11 ފަންގިފިލާގެ އިމާރާތް (ހިޔލަވިންގ) ގެ ބައެއް ފަންގިފިލާތަކުގައި ކުރަންޖެހޭ އެކިއެކި މަސައްކަތްތައް ކުރުމަށް، އެ ފަންގިފިލާތަކުން ދެމުންގެންދިޔަ ޚިދުމަތްތަކަށް އިއްޔެއިން ފެށިގެން ވަގުތީ ގޮތުން ބަދަލުތަކެއް ވަނީ ގެނެވިފައެވެ. މިގޮތުން 2 ވަނަ ފަންގިފިލާގައި ދެމުންދިޔަ އޮބްސްޓެޓްރިކްސް އެންޑް ގައިނީ އިމަރޖެންސީގެ ޚިދުމަތްތައް އަދި 3 އަދި 4 ވަނަ ފަންގިފިލާގައި ދެމުންދިޔަ ލޭބަރ ރޫމް އަދި…

މޯލްޑިވްސް އޮސްޓްރޭލިއާ އެލުމްނައި އާއި އިސްރަށްވެހިންގެ ނާދީ ގުޅިގެން އިސްރަށްވެހިންގެ ނާދީގެ މެންބަރުންނަށް އަމާޒުކޮށްގެން، ކޮމިއުނިޓީ ގާރޑްނިންގެ ނަމުގައި ގަސްއިންދަން ދަސްކޮށްދިނުމުގެ ޕުރޮގުރާމެއް ފަށައިފިއެވެ. އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ހާމަކުރާ ގޮތުގައި މި ޕުރޮގުރާމު ކުރިއަށް ގެންދިއުމަށް ހަމަޖެހިފައިވަނީ މި މަހުގެ 21 ވަނަ ދުވަހުން ޖުލައި 9 ވަނަ ދުވަހުގެ ނިޔަލަށް ކޮންމެ ހޯމަ، ބުދަ އަދި ހޮނިހިރު ދުވަހެއްގެ ހަވީރު 16:00 އިން 17:30 އަށް އިސްރަށްވެހިންގެ ނާދީގައެވެ. މި…

ދެން އޮންނަ ރިޔާސީ އިންތިހާބުގައި އެމްޑީޕީގެ ޓިކެޓަށް ވާދަވެރިކަން ބޮޑުވެފައިވާ ދަނޑިވަޅެއްގައި، އެ ޓިކެޓަށް ވާދަކުރަން ކުރީގެ ރައީސް އިބްރާހިމް މުހައްމަދު ސޯލިހު ނިންމަވާފައިވާ ކަން މިރޭ ރަސްމީކޮށް އިއުލާންކޮށްފި އެވެ. ސޯލިހުގެ މި ނިންމެވުން އިއުލާން ކުރެއްވީ، އެމަނިކުފާނަށް ތާއީދުކުރައްވާ ޓީމާއެކުގައި މާލޭގައި ބޭއްވި ކެއުމެއްގައި، ސޯލިހުއާ އެންމެ ގާތުން މިހާރު މަސައްކަތް ކުރަައްވާ ރައްޔިތުންގެ މަޖިލީހުގެ އަލިފުށީ ދާއިރާގެ ކުރީގެ މެންބަރު މުހައްމަދު ރަޝީދު ހުސެއިން (ބިގޭ) އެވެ. މި ކެއުމުގައި ބައިވެރިވެ، ސޯލިހުގެ…