ރައީސް ޑރ. މުހައްމަދު މުއިއްޒުގެ އެއްބަނޑު ކޮއްކޯފުޅު ފާތިމަތު ސައުދާ، ކުރިއަށް އޮތް ރައްޔިތުންގެ މަޖިލިހުގެ އިންތިހާބު ކާމިޔާބު ކުރައްވައިފިއެވެ. ސައުދާއާ ވާދަކުރެއްވީ އަމިއްލަ ގޮތުން ވާދަކުރެއްވި އަހުމަދު ރަޝީދު (އައްމަޑޭ)އެވެ. މިހާތަނަށް ގުނާފައިވާ ފޮށިތަކުގެ ވަގުތީ ނަތީޖާ ދައްކާގޮތުން 500 އަށް ވުރެ ގިނަ ވޯޓުގެ ތަފާތަކުން ކުރީގައި އުޅުއްވަނީ ރައީސް މުއިއްޒުގެ ކޮއްކޯފުޅު ސައުދާއެވެ.

މަޖިލިސް އިންތިޚާބު ކުރިއަށް ދަނިކޮށް ހަމަނުޖެހުން އުފައްދައިގެން މިހާތަނަށް 3 މީހަކު ފުލުހުންގެ ބެލުމުގެ ދަށަށް ގެނެސްފިއެވެ. ފުލުހުން އެކްސްގައި ކުރި ޕޯސްޓެއްގައި ބުނީ އިންތިޚާބުގެ ވޯޓު ކަރުދާސް ދެއްކި މައްސަލައަކާ ގުޅިގެން މާލެއިން އެކަކު ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ. އަދި، ގދ. ފިޔޯރީން ވޯޓުލާ މަރުކަޒުގެ މަސްލަހަތު ނަގައިލާ ވޯޓުލުމަށް ހުރަސްއެޅި ދެ މީހަކު ބެލުމުގެ ދަށުގައި ތިބި ކަމަށް ފުލުހުން ބުނެއެވެ. ނަމަވެސް ޖުމްލަ ގޮތެއްގައި މާ ބޮޑު މައްސަލަތަކެއް އޭގެ…

އއ. ރަސްދޫ އާއި އއ. ތޮއްޑޫގެ އިހްތިސާސްގައި ފަޅެއް ހިމަނައިދެއްވައިފި އެވެ. ރައީސުލްޖުމްހޫރިއްޔާ ޑރ. މުހައްމަދު މުއިއްޒު ސޮއިކުރައްވާ މިއަދު ނެރުއްވި ގަރާރުގައި ބުނެފައިވަނީ ރަސްދޫ އާއި ތޮއްޑޫގެ އިހްތިސާސްގައި ފަޅެއް ހިމަނެއްވީ ލާމަރުކަޒީ ގާނޫނުގެ ދަށުން ރައީސުލްޖުމްހޫރިއްޔާއަށް ލިބިވަޑައިގަންނަވާ ބާރުގެ ދަށުން ކަމަށެވެ. ރަސްދޫ އާއި ތޮއްޑޫގެ އިހްތިސާސްގައި ހިމަނާފައިވަނީބ ގާތްގަނޑަކަށް 200 ހެކްޓަރުގެ ފަޅެކެވެ. އެއީ ރަސްދޫގެ އުތުރުން އޮންނަ ބޮޑު ފަޅެއް ކަމަށްވާ މާފަޅެވެ. އެ ފަޅުން ތޮއްޑު އާއި ރަސްދު އަށް،…

ދިވެހި ސިފައިންގެ 132 ވަނަ އަހަރީ ދުވަހުގެ ހާއްސަ ރަސްމިއްޔާތު މިއަދު ބާއްވައިފި އެވެ. ދުވަހުގެ ހަރަކާތްތައް ފެށީ މިއަދު ހެނދުނު 6:00 ގައި ކަޅުތުއްކަލާކޮށީގައި ބޭއްވި ދިދަ ނެގުމުގެ ހާއްސަ ރަސްމިއްޔާތަކުންނެވެ. ދިދަ ނަންގަވައިދެއްވީ ޑިފެންސް މިނިސްޓަރު ޣައްސާން މައުމޫން އެވެ. މި ރަސްމިއްޔާތުގައި ވަނީ ސިފައިންގެ 132 ވަނަ އަހަރު ބޭނުންކުރުމަށް ކަނޑައަޅާފައިވާ ޝިއާރު ކަމުގައިވާ "ގައުމުގެ މިނިވަންކަން – ސިފައިންގެ ސާބިތުކަން" މި ޝިއާރު ހާމަކޮށްފަ އެވެ. އަދި ދިވެހި ސިފައިން އަހަރަކު…

ރައްޔިތުންނަށް ލިބިފައިވާ އިންތިހާބީ ހައްގު ވީހާވެސް އަވަހަށް ބޭނުންކޮށް ވޯޓުލުމުގެ ކަންކަން ނިންމައިލުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިލްތިމާސް ކުރައްވައިފައެވެ. މިއަދު 8:00 ގައި ވޯޓުލުން ފަށާފައިވާ އިރު 8:40 އެހާކަންހާއިރު ވޯޓުލުމަށް ވަޑައިގެން ވޯޓު ލެއްވުމަށްފަހު ނޫސްވެރިންނާ ބައްދަލު ކުރައްވައި ރައީސް ވިދާޅުވީ، ވޯޓުލުމަކީ ގާނޫނު އަސާސީން ކޮންމެ ރައްޔިތަކަށްވެސް ލިބިދީފައިވާ ހައްގެއް ކަމަށާއި ޒިންމާއެއް ކަމަށެވެ. އެހެންކަމުން ހުރިހާ ރައްޔިތުންވެސް ނުކުމެ ވީހާވެސް އަވަހަކަށް ވޯޓުލުމުގެ ހައްގު އަދާ ކުރުމަށް އެމަނިކުފާނު އެދިވަޑައިގެންނެވިއެވެ.…

މަޖިލިސް އިންތިހާބުގައި ރައީސް ޑރ. މުހައްމަދު މުއިއްޒު ވޯޓުލައްވައިފި އެވެ. ރައީސް މުއިއްޒު ވޯޓު ލައްވާފައިވަނީ ތާޖުއްދީން ސްކޫލުގެ ހޯލުގައި ހުރި ވޯޓު ފޮއްޓަށެވެ. ވޯޓު ލެއްވުމަށްފަހު ނޫސްވެރިންނާ ބައްދަލުކުރައްވާ ރައީސް މުއިއްޒު ވިދާޅުވީ ވޯޓުލުމަކީ ކޮންމެ ރައްޔިތަކަށްވެސް ގާނޫނުއަސާސީން ލިބިދީފައިވާ ހައްގެއް ކަމަށެވެ. ވީހާވެސް އަވަހަށް ވޯޓުލުމަށް ރައީސް މުއިއްޒު ވަނީ އެދިވަޑައިގެންފަ އެވެ. އެހެންކަމުން ހުރިހާ ރައްޔިތުންވެސް ވީހާވެސް އަވަހަކަށް ނިކުމެ، ވޯޓުލުމުގެ ހައްގު އަދާކުރުމަށް ރައީސް އެދިވަޑައިގެންނެވިއެވެ. ރައީސް ވަނީ، ހަވީރު ވަންދެން…

މިއަދު ބޭއްވޭ ރައްޔިތުންގެ މަޖިލިހުގެ އިންތިޚާބުގައި ރާއްޖޭގެ އެކި ކަންކޮޅުތަކުގައި ވޯޓުލާން ފަށައިފިއެވެ. މިއަދު ހެނދުނު ފެށިގެން ކުރިޔަށްދާ ރައްޔިތުންގެ މަޖިލިހުގެ އިންތިޚާބުގައި ވޯޓުުމަށް ބައެއް ރަށްތަކުގައި ވަނީ ވަރަށް ހެނދުނާ ކިއު ހަދަން ފަށާފައެއެވެ. އީސީގެ ފަރާތުން ރޭ ބޭއްވި ނޫސްވެރިންގެ ބައްދަލުވުމުގައި ފުވާދު ތައުފީގު ވިދާޅުވީ ވޯޓުލާން ފެށުމަށް ހަމަޖެހިފައިވަނީ ހެނދުނު 8:00 ގައި ކަމަށާއި ވޯޓު ފޮށިތައް ބަންދު ކުރާނީ ހަވީރު 5:30ގައި ކަމުގައެވެ. އަދި އޭނާ ވިދާޅުވީ އެއްވެސް ސަބަބަކާހުރެ ވޯޓުލާގަޑި…