ކުރިއަށް އޮތް ޖެނުއަރީ މަހުގެ ދެވަނަ ދުވަހަކީ ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހަމަޖައްސަވައިފި އެވެ. މި ދުވަސް ބަންދު ދުވަހެއްގެ ގޮތުގައި ހަމަޖެއްސެވީ، މީލާދީ އާ އަހަރު ފެށޭ ދުވަސް ކަމަށްވާ ޖެނުއަރީ އެކެއްވާ ބުދަ ދުވަހަކީ ކަލަންޑަރުގައިވާ ގޮތުން ސަރުކާރު ބަންދު ދުވަހެއް ކަމަށްވެފައި، ޖެހިގެން އަންނަ ބުރާސްފަތި ދުވަހަކީ ރަސްމީ ދުވަހެއް ކަމަށްވާތީ، ބަންދު ދުވަސްތަކަށް މެދުކެނޑުމެއްނައިސް، މުވައްޒަފުންނަށް ޗުއްޓީ ލިބޭ ގޮތަށް ހަމަޖެއްސުމަށްޓަކަ އެވެ. ރައީސްގެ…

މިދިޔަ ބުރާސްފަތި ދުވަހު ތިން މިނިސްޓްރީއެއްގައި ހިނގައިދިޔަ އަލިފާނުގެ ހާދިސާ އާ ގުޅިިގެން ޑިފެންސް މިނިސްޓްރީ އާއި ފުލުހުން ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ ކޮމެޓީ އަށް ހާޒިރު ކުރަން ނިންމައިފި އެވެ. އެ ކޮމިޓީގެ ބައްދަލުވުން ބޭއްވުމަށް ހަމަޖެހިފައިވަނީ އަންނަ ބުރާސްފަތި ދުވަހުގެ ހެނދުނު 10:00 ގަ އެވެ. އަލިފާނުގެ ހާދިސާގައި ހައުސިން މިނިސްޓްރީ އާއި އިންފްރާސްޓްރަކްޗާ މިނިސްޓްރީ ހިންގަމުންދިޔަ އިމާރާތް ވަނީ އެއްކޮށް އަނދައިގެން ގޮސްފަ އެވެ. އަދި، އެ އިމާރާތާ އިންވެގެން…

މޯލްޑިވްސް މީޑިއާ ކައުންސިލް (އެމްއެމްސީ)ގެ ރައީސްކަމުގެ މަގާމަށް ހުސައިން ސަގީފް އިންތިހާބުކޮށްފި އެވެ. އެމްއެމްސީގެ ރައީސާއި ނައިބު ރައީސް އިންތިހާބުކުރުމަށް އިއްޔެ ވޯޓެއް ނަގާފައިވާ އިރު، އެ ވޯޓުގައި ރައީސް ކަމަށް ވާދަކުރި ދެ މެންބަރުންނަށް ވެސް ހަތް ވޯޓު ލިބި ވަނީ އެއްވަރުވެފައެވެ. ރައީސްކަމަށް ވާދަކުރީ "ތިލަދުން"ގެ ސަގީފާއި "މިހާރު"ގެ ފާތިމަތު ޝަނާ މުހައްމަދެވެ. މިއަދު އަލުން ރައީސްކަމުގެ މަގާމުގެ ވޯޓު ވަނީ ކުރިއަށް ގެންގޮސްފަ އެވެ. އެ ވޯޓުގައި ރައީސް ކަމަށް ސަގީފް އިންތިހާބުވީ…

ކާނިވާ ސަރަހައްދުގައި މި މަހުގެ 10 ވަނަ ދުވަހުގެ އެމްޑީޕީން "ގާނޫނުއަސާސީ" ގެ ދިފާއުގެ ނަމުގައި ބޭއްވި ބޭއްވި ޖަލްސާގައި "ތީ ބަހުލޫލެކޭ" ލަވަ ކީ ދުވާފަރު ކައުންސިލް މެންބަރު މަރިޔަމް ޔަޝްފާ ޕޮލިހަށް ހާޒިރުވުމަށް އެންގުމަށްފަހު، އޭނާ ފުލުހަށް ހާޒިރު ނުކުރަން ނިންމައިފި އެވެ. ޔަޝްފާ އަށް ފުލުހުން ފޮނުވި ޗިޓުގައި އަންގާފައިވަނީ މާދަމާ ހެނދުނު 10:30 އަށް ފުލުހަށް ހާޒިރުވުމަށެވެ. ނަމަވެސް ފުލުހުން މިހާރު ވަނީ ހާޒިރު ނުވިޔަސް އެންމެ ރަނގަޅު ކަމަށް ޔަޝްފާ…

ރާއްޖެ އާއި ޗައިނާ ދެމެދު އޮތް ގުޅުން އިތުރަށް ހަރުދަނާކުރަން މަޝްވަރާކޮށްފި އެވެ. މި މަޝްވަރާތައް ކުރިއަށް ގެންގޮސްފައިވަނީ ނައިބު ރައީސް ހުސެއިން މުހައްމަދު ލަތީފް ޗައިނާ އަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގައި ނެޝަނަލް ކޮމިޓީ އޮފް ޗައިނީޒް ޕީޕަލްސް ޕޮލިޓިކަލް ކޮންސަލްޓޭޓިވް ކޮންފަރެންސްގެ ވައިސް ޗެއާމަން ވާންގް ޔޮންގްއާއެކު ބޭއްވި ބައްދަލުކުރެއްވުމުގަ އެވެ. މި ބައްދަލުކުރެއްވުމުގައި ޗައިނާ އިންޓަނޭޝަނަލް ޑިވެލޮޕްމަންޓް ކޯޕަރޭޝަން އެޖެންސީ (ސީއައިޑީސީއޭ)ގެ ޗެއާމަން ލުއޯ ޖާއޮހުއެއި އާއި ސީޕީޕީސީސީ ޔުނާން…

އަލިފާނުގެ ހާދިސާއާ ގުޅިގެން ގެއްލުންލިބުނު ތިން މިނިސްޓްރީ ހިންގުމަށް ދާއިމީ ހައްލެއް ލިބެންދެން، ތަނެއް ކުއްޔަށް ނުހިފާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ. އަލިފާނުގެ ހާދިސާގައި ގެއްލުން ލިބުނު ހައުސިން މިނިސްޓްރީ، ކޮންސްޓްރަކްޝަން މިނިސްޓްރީ އަދި އެންވަޔަރަމެންޓް މިނިސްޓްރީ މިހާރު ހިންގަމުން އަންނަނީ ދަރުބާރުގޭގަ އެވެ. ދަރުބާރުގޭގައި މިނިސްޓްރީތަކުން ދެމުންދާ ހިދުމަތްތައް ބައްލަވާލެއްވުމަށް ރައީސް މުއިއްޒު މިއަދު ވަޑައިގެން މުވައްޒަފުންނާއި ވާހަކަ ދައްކަވަމުން ވިދާޅުވީ، އަލިފާނުގެ ހާދިސާގައި އިމާރަތް ނެތިދިޔަ ތިން މިނިސްޓްރީ…

މެޑިކަލް ޓޫރިޒަމަށް ހާއްސަކޮށްގެން އެމްއެމްޕީއާރްސީން އޭޑީކޭ ހޮސްޕިޓަލާ އެކީ އެއްބަސްވުމެއްގައި ސޮއިކޮށްފި އެވެ. މި އެއްބަސްވުމެއްގައި އޭޑީކޭގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު އައްފާލެވެ. އެމްއެމްޕީއާރްސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު އިބްރާހީމް ޝިއުރީ އެވެ. އެ ކުންފުނިން ބުނީ މި އެއްބަސްވުމުގެ ދަށުން ރާއްޖޭގައި މެޑިކަލް ޕްރޮމޯޓްކުރަން އޭޑީކޭއާ ގުޅިގެން ގިނަ މަސައްކަތްތަކެއް ކުރަން ހަމަޖެހިފައިވާ ކަމަށެވެ. ޝިއުރީ ވިދާޅުވީ ރާއްޖޭގެ ޓޫރިޒަމް ސިންދަފާތު ކުރުމަށްޓަކައި ހަމައެކަނި ލަގްޒަރީ ޓޫރިޒަމަށް އިސްކަން ދިނުމުގެ ބަދަލުގައި…